Isaya 60:21 - Siswati 1996 Bible

²¹ Lapho-ke bonkhe bantfu bakho bayawuba ngulabalungile, bayawuba banikati belive kokuphela. Bangimiliba lengiyihlanyele, umsebenti wetandla tami, wekubonakalisa inkhatimulo yami.

Isaya 60:21 Iomraidhean Croise

2 Samuweli 7:10

Sive sami, ema-Israyeli, ngitasentela indzawo lenhle, ngisihlanyele khona kuze sibe nelikhaya laso, singaphindzi sikhatsateke. Bantfu lababi bangeke baphindze basihluphe sive njengobe bebenta ekucaleni,

Tihlabelelo 37:11

Kodvwa labamnene bayawulidla lifa lemhlaba, bahlale kahle, batijabulise ngekuthula lokukhulu.

Tihlabelelo 37:18

Simakadze uyawati emalanga alabacotfo, nelifa labo liyawuhlala lilabo phakadze naphakadze.

Tihlabelelo 37:22

Lababusiswe nguSimakadze bayawulidla lifa lemhlaba; kodvwa labacalekiswe nguye bayawushabalaliswa.

Tihlabelelo 37:29

Labalungile bayawudla lifa lemhlaba, bahlale kulo kuze kube phakadze.

Tihlabelelo 92:13

Labo-ke banjengetihlahla letihlanyelwe endlini yaSimakadze, bachuma etibuyeni taNkulunkulu wetfu.

Isaya 19:25

Simakadze longuSomandla uyawubabusisa, atsi: “Ayibusiswe iGibhithe, sive sami, ne-Asiriya lengumsebenti wetandla tami, na-Israyeli lolifa lami.”

Isaya 24:16

Siva kuhlabela kuchamuka emikhawulweni yemhlaba, kutsi: “Ludvumo kuLolungile!” Kodvwa mine ngatsi: “Ngiyahusheka! Ngiyahusheka! Maye kimi! Labenta luzungu bachubeka ngeluzungu! Luzungu lwekutsengisa labanye bantfu!”

Isaya 26:2

Vulani emasango, kuze sitewungena sive lesilungile, sive lesigcina kukholwa.

Isaya 29:23

Nababona emkhatsini wabo bantfwababo, umsebenti wetandla tami, bayawuligcina lingcwele Libito lami; bayawubuhlonipha bungcwele baLongcwele wakaJakobe, bamangale ngaNkulunkulu wema-Israyeli.

Isaya 43:21

sive lengatibumbela sona, kuze sitewumemetela ludvumo lwami.”

Isaya 43:7

bonkhe lababitwa ngelibito lami, labo lengabadalela ludvumo lwami, yebo, labo lengababumba ngabenta.”

Isaya 44:23

Hlabelani ngekujabula, nine mazulu, ngobe loku kwentiwe nguSimakadze; memetani kakhulu, nine tindzawo temhlaba letijulile. Hlokomani ngengoma, nine tintsaba, nine mahlatsi, nato tonkhe tihlahla tenu. ngobe Simakadze sewuhlenge Jakobe, ubonakalisa bukhosi bakhe ka-Israyeli.

Isaya 45:11

“Naku lokushiwo nguSimakadze, Longcwele waka-Israyeli, neMenti wakhe, utsi: Macondzana netintfo letitako, niyangibuta yini ngebantfwabami, nome ningibekele umtsetfo ngemsebenti wetandla tami?

Isaya 45:24

Bayawukhuluma ngami, batsi: ‘KuSimakadze kuphela kunekulunga nemandla.’ ” Bonkhe labemelene naye bayawuta kuye badliwe ngemahloni.

Isaya 45:25

Kodvwa kuSimakadze tonkhe titukulwane taka-Israyeli tiyawusindziswa, futsi tiyawumdvumisa.

Isaya 45:8

“Nisani kulunga, nine mazulu lasetulu; emafu akakutfululele phansi. Umhlaba awuvuleke kabanti, insindziso ayihlume, kulunga akukhule nayo; mine, Simakadze, ngikudalile.

Isaya 49:3

Watsi kimi: “Wena uyinceku yami. Israyeli nguloyo lengiyawukhombisa kuye inkhatimulo yami.”

Isaya 51:2

bukani ku-Abrahama, uyihlo, nibuke nakuSara lowanitala. Ngesikhatsi nangimbita abesemunye kuphela, ngambusisa, ngamenta waba mnyenti.

Isaya 52:1

Vuka, vuka, wena Siyoni, yembatsa emandla. Yembatsa tingubo takho tebukhosi, wena Jerusalema, dolobha lelingcwele. Labangakasoki nalabangcolile bangeke baphindze bangene emasangweni akho.

Isaya 54:17

kute sikhali lesilolelwa kulwa nawe lesiyawuphumelela, uyakuyicitsa yonkhe inkhulumo lekubeka licala. Leli lifa letinceku taSimakadze, loku ngukona kutivikela kwami,” kusho Simakadze.

Isaya 57:13

Nawukhala ucela kusitwa, leticumbi takho tetithico atikusindzise! Umoya uyawutiphephula tonkhe, umoyana lomncane nje uyawutikhukhula. Kodvwa lowo lowenta mine ngibe siphephelo sakhe, uyawudla lifa lelive, adle lifa lentsaba yami lengcwele.”

Isaya 61:11

Ngobe njengaloku nemhlaba uhlumisa emahlumela, nengadze ihlumisa inhlanyelo ikhule, kanjalo-ke neNkhosi Simakadze iyawuhlumisa kulunga neludvumo, kuhlume embikwato tonkhe tive.

Isaya 61:3

labakhala eSiyoni babonelelwe, banikwe umchele webuhle esikhundleni semlotsa, banikwe nemafutsa enjabulo esikhundleni sesililo, banikwe ingubo yekudvumisa esikhundleni semoya lodzabukile. Bayawubitwa ngekutsi batihlahla tekulunga, letihlanyelwe nguSimakadze, kuze kubonakaliswe inkhatimulo yakhe.

Isaya 61:7

Esikhundleni selihlazo lenu, nine bantfu bami, niyawuphiwa ngalokuphindziwe; esikhundleni sekuhlazeka niyawujabula efeni lenu; ngako niyawudla lifa ngalokuphindziwe eveni lenu, kujabula kwaphakadze kuyawuba kwenu.

Isaya 62:4

Abasayiwukubita ngekutsi unguLahliwe, nome betse live lakini batsi nguShiywayedvwa. Kodvwa uyawubitwa ngekutsi unguHefsiba, nelive lakini kutsiwe yiBhewula, ngobe Simakadze uyawujabula ngawe, nelive lakini liyakwendza kuye.

Isaya 64:8

Noko, wena Simakadze, unguBabe wetfu. Tsine silibumba, wena ungumbumbi, sonkhe singumsebenti wetandla takho.

Isaya 65:9

Ngiyawuveta titukulwane kuJakobe, nakuJuda labo labayawuba tindlalifa tetintsaba tami; sive sami lesikhetsiwe siyawutidla, tinceku tami tiyawuhlala lapho.

Jeremiya 24:6

Emehlo ami ayawubelusa kube lusito kubo, ngiyawuphindze ngibabuyise kulelive. Ngiyawubakha ngingababhidliti; yebo, ngiyawubahlanyela ngingabazuphuni.

Jeremiya 32:41

Ngiyawujabula kubentela lokuhle, ngempela ngiyawubahlanyela kulelive ngayo yonkhe inhlitiyo yami nangawo wonkhe umphefumulo wami.

Hezekeli 11:17

“Ngako-ke tsani: ‘Naku lokushiwo yiNkhosi Simakadze, itsi: Ngitanibutsa kuto tonkhe tive nginibuyise, nisuke kuwo onkhe lawo mave lebenginisakatele kuwo, ngiyawuphindze futsi ngininike lelive laka-Israyeli.’

Hezekeli 34:29

Ngiyawubalungiselela live lelatiwa ngetilimo talo, bangeke baphindze babe kudla kwendlala kulelo live, nome babe yintfo yekwedzelelwa tive.

Hezekeli 37:25

Bayawuhlala eveni lengalipha inceku yami Jakobe, live lapho kwakuhlala khona boyihlomkhulu. Bona kanye nebantfwababo, kanye nebantfwana bebantfwababo, bayawuhlala lapho phakadze naphakadze; naDavide, inceku yami, uyawuba yinkhosi yabo phakadze naphakadze.

Hezekeli 47:7

Ngatsi nangifika lapho, ngabona lihlatsi ngala nangale kwemfula.

Amose 9:15

Ngiyakuhlanyela ema-Israyeli eveni lawo, angaphindzi futsi asishulwe kulelo live lengiwaphe lona,” usho njalo-ke Simakadze Nkulunkulu wakho.

Obadiya 1:17

“Kodvwa eNtsabeni iSiyoni kuyawuba nenkhululeko; kuyawuba yindzawo lengcwele. Umndeni wakaJakobe uyawulidla lelive lekulifa lawo.

Zefaniya 3:13

“Imisalela yaka-Israyeli ingeke ikwente lokubi; ingeke iwakhulume emanga, nenkhohlakalo ingeke itfolakale emilonyeni yayo. Lemisalela iyakudla, icambalale phansi, kute futsi umuntfu loyakuyesabisa.”

Matewu 15:13

Jesu waphendvula watsi: “Sonkhe sitfombo lesingazange sihlanyelwe nguBabe losezulwini siyawuzishunwa.

Matewu 5:5

Babusisiwe labamnene, ngobe bayawudla lifa lemhlaba.

Johane 15:2

Onkhe emagala lakimi langatseli titselo uyawajuba. Onkhe emagala latsela titselo uyawatsena, kuze atewutsela kakhulu.

Kubase-Efesu 1:12

Tsine lesetsemba kuKhristu kucala sakhetselwa kutsi siphilele kudvumisa bukhosi baNkulunkulu.

Kubase-Efesu 1:6

Ngako-ke akudvunyiswe umusa wakhe webukhosi, lasipha wona ngeNdvodzana yakhe letsandzekako.

Kubase-Efesu 2:10

Ngobe tsine singumsebenti waNkulunkulu. Sidalwe ngaJesu Khristu kutsi sente imisebenti lemihle, Nkulunkulu layilungisa kucala.

Kubase-Efesu 2:7

kuze kutsi etikhatsini letitako abonakalise kitsi ingcebo lenkhulu yemusa wakhe ngekusiphatsa ngebubele ngaKhristu Jesu.

2 kubaseThesalonika 1:10

Loko kuyakwenteka ngelilanga nayifika kutawudvunyiswa kulabangcwele bayo, bayibabate bonkhe labakholwako; nani niyawube nisemkhatsini wabo, ngobe nani nabemukela bufakazi betfu ngayo.

2 yaPhetro 3:13

Kepha ngesetsembiso sakhe silindzele emazulu lamasha, nemhlaba lomusha, lapho kubusela khona kulunga.

Sembulo 21:27

Kute lokungcolile lokuyawungena kulo, ngisho nalowenta lokubi nalonemacebo angeke angene kulo; kodvwa kuyawungena kuphela labo emabito abo labhaliwe encwadzini yekuphila yeliWundlu.

Sembulo 21:7

Lowo loncobako uyawudla lifa lato tonkhe letintfo: Mine ngiyawuba nguNkulunkulu wakhe, yena abe yindvodzana yami.

Sembulo 5:10

Wabenta baba ngemakhosi nebaphristi kuNkulunkulu wetfu, bayawubusa etikwemhlaba wonkhe.”