Isaya 60:16 - Siswati 1996 Bible

¹⁶ Uyawunatsa lubisi lwetive, umunyiswe emabeleni ebukhosi. Uyawube sewuyati-ke kutsi mine, Simakadze, nginguMsindzisi wakho, nekutsi Somandla wakaJakobe unguMhlengi wakho.

Isaya 60:16 Iomraidhean Croise

Eksodusi 6:7

Ngitanenta nibe sive sami, mine ngibe nguNkulunkulu wenu. Nine-ke niyawungati kutsi nginguSimakadze longuNkulunkulu wenu lowanikhipha ngaphansi kwelijoko laseGibhithe.

Isaya 1:24

Ngako-ke iNkhosi Simakadze lenguSomandla, lowo longuMnikati Wemandla waka-Israyeli utsi: “Awu, ngitake ngiphumule etitseni tami, ngitiphindzisele kulabangitondzako.

Isaya 12:6

Memetani kakhulu, nihlabele ngenjabulo, nine bantfu baseSiyoni, ngobe mkhulu lowo Longcwele waka-Israyeli losemkhatsini wenu.”

Isaya 19:20

Kuyawuba tibonakaliso letikhumbuta ngaSimakadze longuSomandla eveni laseGibhithe. Nase bakhala kuSimakadze ngenca yebacindzeteli babo, uyawubatfumelela umsindzisi nemvikeli, yena loyawufike abephule.

Isaya 25:9

Ngalelo langa bayakutsi: “Ngempela, lona nguNkulunkulu wetfu, besetsembela kuye, naye wasisindzisa. Lona nguSimakadze lebesetsembele kuye; asijabule sitfokote ngensindziso yakhe.”

Isaya 29:24

Labo labanhlanhlatselako emoyeni bayawuba nelwati, labo labakhononako bayakwetsabela kufundziswa.”

Isaya 33:22

Ngobe Simakadze ngumehluleli wetfu; Simakadze nguyena sishayamtsetfo setfu, Simakadze yinkhosi yetfu, nguye lotasisindzisa.

Isaya 43:11

Mine, nginguye Simakadze, ngaphandle kwami kute umsindzisi.

Isaya 45:15

Ngempela unguNkulunkulu lotifihlako, awu, Nkulunkulu, neMsindzisi wema-Israyeli.

Isaya 45:21

Shanoni loko lokutako, nikwetfule; abelulekane kanyekanye. Ngubani lowase wakhuluma ngaloku kungakenteki kadzeni, wakukhuluma kusesekhashane endvulo? Kwakungesimi yini, Simakadze? Futsi kute lomunye Nkulunkulu ngaphandle kwami, Nkulunkulu lolungile nalonguMsindzisi; kute lomunye ngaphandle kwami.

Isaya 49:23

Emakhosi ayawuba bacizeli bakho, nemakhosikati awo amunyise bantfwabakho. Bayawuguca embikwakho, buso babo bubheke phansi emhlabatsini, bayawukhotsa lutfuli lwetinyawo takho ngelulwimi. Uyawube sewuyati-ke lapho kutsi mine nginguSimakadze. Labo labetsembela kimi bangeke bajabhiswe.”

Isaya 49:26

Bacindzeteli bakho ngiyakubenta badle inyama yemtimba wabo, bayawudzakwa kunatsa ingati yabo kube shangatsi bebanatsa liwayini. Tive tonkhe-ke tiyawube setiyati kutsi mine Simakadze nginguMsindzisi wakho, uMhlengi wakho, longuSomandla waJakobe.”

Isaya 52:6

Ngako-ke sive sami siyawulati Libito lami. Ngalelo langa bayawukwati kutsi ngimi lowakusho loko kungakenteki. Yebo, ngimi.”

Isaya 59:20

“Umhlengi uyawufika eSiyoni kulabo bakaJakobe labaphendvukako etonweni tabo,” kusho Simakadze.

Isaya 60:17

Ngiyawukuletsela igolide esikhundleni selitfusi, nesiliva esikhundleni sensimbi. Esikhundleni selukhuni ngiyawukuletsela litfusi, nensimbi esikhundleni sematje. Kuthula ngiyawukwenta kube ngumbusi wakho, kulunga ngikwente kube ngumholi wakho.

Isaya 61:6

Nine niyawubitwa ngekutsi nibaphristi baSimakadze, niyakwetsiwa emabito, kutsiwe nitikhonti taNkulunkulu wetfu. Niyawudla imfuyo yetive ngetive, nangebunjinga bato niyawutigabatisa.

Isaya 63:16

Kodvwa wena unguBabe wetfu, nome nje Abrahama angasati tsine, na-Israyeli angasemukeli tsine, kodwva wena, Simakadze, unguBabe wetfu, uMhlengi wetfu; kwasemandvulo lelo Libito lakho.

Isaya 63:8

Watsi: “Ngempela, basive sami, emadvodzana langeke angiyenge;” ngaloko-ke waba nguMsindzisi wabo.

Isaya 66:14

Niyawutsi nanikubona loku, inhlitiyo yenu ijabule, niyawuhluma njengetjani; sandla saSimakadze siyawukwatiwa etincekwini takhe, atitfukutselele titsa takhe.

Jeremiya 15:21

“Ngiyawukusindzisa etandleni talababi, ngikuhlenge ekubanjweni ngulabanelulaka.”

Hezekeli 34:30

Ngulapho-ke bayawukwati khona kutsi mine Simakadze longuNkulunkulu wabo nginabo, nekuktsi bona labayindlu yaka-Israyeli, basive sami, kusho iNkhosi Simakadze.

Sembulo 21:24

Tive tiyawuhamba ekukhanyeni kwalo, nemakhosi emhlaba ayakwetfula kulo emagugu ebukhosi bawo.

Sembulo 21:26

Tive tiyawuletsa kulo emagugu ato nebukhosi bato.