Isaya 57:18 - Siswati 1996 Bible

¹⁸ Sengitibonile tindlela takhe, kodvwa ngitamphilisa, ngimhole, ngibuyisele indvudvuto kuye,

Isaya 57:18 Iomraidhean Croise

Tihlabelelo 23:2

Ungilalisa emadlelweni laluhlata, angiholele nasemantini ekuphumula.

Tihlabelelo 51:12

Buyisela kimi kutfokota kwensindziso yakho, ungisimise ngekungipha umoya lovumako,

Tihlabelelo 94:19

Ngesikhatsi inhlitiyo yami iphitsiteliswa ngimicabango, kudvudvuta kwakho kuyawutfokotisa umphefumulo wami.

Umshumayeli 9:4

Kodvwa kulowo losabalelwa kulabaphilako litsemba lisekhona; khumbula kutsi inja lephilako incono kunelibhubesi lelifile.

Isaya 1:18

Simakadze utsi: “Wotani manje sitewubonisana. Nome tono tenu tibovu njengengati, titawuba mhlophe njengangcocwane, nome tibovu tju, titawuba mhlophe njengeboya bemvu.

Isaya 12:1

Ngalelo langa uyakutsi: “Ngiyakudvumisa, wena Simakadze, lite nome bewungitfukutselele, kodvwa kutfukutsela kwakho akusekho, esikhundleni saloko sewungidvudvutile.

Isaya 19:22

Simakadze uyawushaya iGibhithe ngesifo lesibulalanako; uyawubashaya ngaso, aphindze abaphilise. Bayawuphendvukela kuSimakadze, naye uyawukuva kuncusa kwabo, bese uyabaphilisa.

Isaya 30:18

Noko Simakadze ulangatelela kangaka kutsi abe nemusa kini. Uyaphakama kutsi anihawukele, ngobe Simakadze nguNkulunkulu lowehlulela ngemtsetfocotfo. Babusisiwe bonkhe labalindzela yena.

Isaya 30:26

Inyanga iyawukhanya njengelilanga, nekukhanya kwelilanga kuyawuphindvwa kasikhombisa, ngangekukhanya kwemalanga lagcwele lasikhombisa, ngesikhatsi Simakadze nakabopha emanceba esive sakhe, elapha tilondza letavetwa nguye.

Isaya 49:10

Abaseyikulamba, abaseyikoma; nekushisa kwaselugwadvule nekwelilanga akuseyikubashaya. Lowo lonesihawu nabo uyakubahola, abahambise ngasemitfonjeni yemanti.

Isaya 51:12

“Mine, mine ngekwami, nginguye lonidvudvutako. Benibobani-ke nine kutsi ningesaba bantfu lababhubhako, emadvodzana ebantfu, latjani nje,

Isaya 52:12

Kodvwa ningeke nisuke ngekushesha, nome niphume njengalababalekako; ngobe Simakadze uyawuhamba embikwenu, Nkulunkulu wema-Israyeli uyawuba ngumvikeli wenu wangasemuva.

Isaya 53:5

Kodvwa yagwazwa ngenca yetiphambuko tetfu, yafihlitwa ngenca yekona kwetfu, sijeziso saba setikwayo, kuze tsine sibe nekuthula; ngemanceba emivimbo yayo siyaphiliswa tsine.

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Isaya 58:11

Simakadze uyawukuhola njalo, uyakwenetisa tidzingo takho, eveni lapho libalele likhipha inhlanti emantini, uyakucinisa ematsambo akho. Uyawuba njengengadze leniseleke kahle, nanjengemtfombo lapho emanti akhona angomi.

Jeremiya 13:17

Kodvwa naningalaleli, ngiyawukhala emasitseleni ngenca yeligcabho lenu. Emehlo ami ayawukhala kabuhlungu kabi agobhote tinyembeti, ngobe umhlambi waSimakadze uyawube utfunjiwe.

Jeremiya 3:22

“Ncandzekani sive lesingaketsembeki, ngiyawunelapha kulokuhlubuka kwenu.” “Yebo, siyakuta kuwe, ngobe wena unguSimakadze Nkulunkulu wetfu.

Jeremiya 30:17

Kodvwa wena ngiyawukubuyisela emphilweni, ngiphilise emanceba akho, nome ubitwa ngekutsi ungulolahliwe, iSiyoni lenganakwa ngumuntfu,’ kusho Simakadze.

Jeremiya 31:3

Simakadze wabonakala kitsi kadzeni, watsi: “Ngikutsandze ngelutsandvo lwaphakadze, futsi ngisachubeka nekukunakekela ngemusa.

Jeremiya 33:6

“ ‘Noko, lelidolobha ngiyawuliletsela kuphila nekuphiliswa. Labantfu bami ngiyawubaphilisa, ngibente bativele banekuthula nekuphepha lokuphuphumako.

Zakhariya 1:13

Ngako Simakadze wakhuluma emavi lamnandzi ekudvudvuta kulengilosi leyayikhuluma nami.

Lukha 15:20

Ngako-ke yesuka yahamba yaya kuyise. “Yayisekudzeni kabi nelikhaya ngesikhatsi uyise ayibona. Inhlitiyo yeyise yagcwala sihawu, wayihawukela wagijima wayihlangabeta. Wayigaca ngemkhono wakhe, wayanga.

KubaseRoma 5:20

Umtsetfo wefikela kwandzisa siphambuko, kodvwa ngekwandza kwesono nemusa waNkulunkulu wandza kakhulu.

Sembulo 7:17

Ngobe liWundlu laNkulunkulu lelisenkhabeni yesihlalo sebukhosi, liyawubelusa, libaholele emitfonjeni yemanti ekuphila. Nkulunkulu uyakwesula tonkhe tinyembeti tabo emehlweni abo.”