Isaya 57:17 - Siswati 1996 Bible

¹⁷ Bengitfukutseliswe ngulesono sakhe sekuba bukhali, ngase ngiyamjezisa, ngabufihla buso bami ngenca yekutfukutsela, noko wachubeka nekuhlubuka kwenhlitiyo yakhe, ahamba ngendlela yakhe.

Isaya 57:17 Iomraidhean Croise

Umshumayeli 6:9

Kuncono kweneliswa nguloko lokubona ngemehlo akho kunekushangashangiswa lutsandvo lwekudla. Nako loko kulite, kufanana nekucosha umoya.

Isaya 1:4

Awu, sive lesonako, bantfu labasindvwa kona, nine ntalelwane yalabenta lokubi, bantfwana labasimilo sabo sonakele. Simakadze sebamshiyile; bamhlubukile Longcwele waka-Israyeli, bagucuka bamfulatsela.

Isaya 2:7

Live labo ligcwele isiliva negolide; ingcebo yabo ayinasiphetfo. Live labo ligcwele emahhashi; tincola temphi tinyenti kakhulu.

Isaya 42:24

Ngubani lowanikela Jakobe kutsi abe yimphango, wanikela Israyeli kubaphangi? Kwakungesiye yini Simakadze lesone kuye? Ngobe abazange bahambe ngetindlela takhe, abazange bawulalele umtsetfo wakhe.

Isaya 45:15

Ngempela unguNkulunkulu lotifihlako, awu, Nkulunkulu, neMsindzisi wema-Israyeli.

Isaya 56:11

Batinja letitsandza kakhulu kudla, abesutsi. Babelusi labangenakucondza, bonkhe bajikela etindleleni tabo, ngulowo nalowo bese utifunela kwakhe.

Isaya 64:9

Awu Simakadze, ungatfukutseli kwekwengca, ungatikhumbuli tono tetfu phakadze naphakadze. Awu, siyakuncusa, sibuke, ngobe sonkhe sibantfu bakho.

Isaya 66:3

Batikhetsele tindlela tabo: Lowo lonikela ngemhlatjelo wenkunzi ufanana nemuntfu lobulala indvodza, nalowo lonikela ngelizinyane lemvu ufanana nemuntfu lowephula intsamo yenja. Lowo lowenta umnikelo walokutinhlavu ufanana nemuntfu lonikela ngengati yengulube, nalowo lotfuncisa imphepho yesikhumbuto ufanana nemuntfu lokhonta sithico. Imiphefumulo yabo iyatijabulisa kuleto tinengiso tabo.

Isaya 8:17

Ngitawulindzela Simakadze lofihla buso bakhe kuyo indlu yakaJakobe. Ngiyawubeka litsemba lami kuye.

Isaya 9:13

Kodvwa bantfu abakaphendvukeli kuye lowo lowabashaya, futsi abakamfunisisi Simakadze longuSomandla.

Jeremiya 2:30

“Ngajezisa bantfu bakini, kodvwa akukanisiti, abakaphendvuki nasekujezisweni kwabo. Inkemba yenu ishwabudzele baphrofethi benu, njengelibhubesi lelifukutsako.

Jeremiya 22:17

“Kodvwa emehlo akho nenhlitiyo yakho uwabeke enzuzweni lembi, ekucitseni ingati yalongenacala, yebo, nasencindzetelweni nasekudizeni.”

Jeremiya 3:14

“Buyani, nine bantfu labangaketsembeki,” kusho Simakadze, “ngobe mine ngiyindvodza yenu. Ngiyawukhetsa munye wenu kuwo onkhe emadolobha enu, ngikhetse babili kuto tonkhe tinsendvo tenu, bese nginimikisa eSiyoni.

Jeremiya 3:22

“Ncandzekani sive lesingaketsembeki, ngiyawunelapha kulokuhlubuka kwenu.” “Yebo, siyakuta kuwe, ngobe wena unguSimakadze Nkulunkulu wetfu.

Jeremiya 5:3

Awu Simakadze, emehlo akho akafuni lona yini liciniso? Wabashaya, kodvwa abazange babuve buhlungu, wabapitjita, kodvwa bakwala kucondziswa. Benta buso babo baba lukhuni kunelitje, bala kuphendvuka.

Jeremiya 51:13

Wena lohlala ngasemantini lamanyenti futsi lonjingile ngemcebo, siphetfo sakho sesifikile, sikhatsi sakho sekutsi uncanyulwe.”

Jeremiya 6:13

“Kusukela kulomncane kakhulu kuye kulomkhulu kakhulu, bonkhe babogubhela kwesabo; baphrofethi nebaphristi bayafanana, bonkhe bayayengana.

Jeremiya 8:10

Ngako-ke bafati babo ngibanikela kulamanye emadvodza, nemasimi abo ngiwanike labanye bantfu, kutsi abe ngewabo. Kusukela kulomncane kakhulu kuye kulomkhulu kakhulu, bonkhe babogubhela kwesabo. Baphrofethi nebaphristi bayafanana, bonkhe bayayengana.

Jeremiya 8:6

Ngibalalele kahle hle, kodvwa abakhulumi lokulungile. Kute namunye lophendvukako ebubini bakhe, atibute, atsi: “Ngenteni kantsi?” Ngulowo nalowo utihambela ngendlela yakhe njengelihhashi nalihlasela ekulweni.

Hezekeli 33:31

Bantfu bami beta kuwe, njengobe bavame kwenta, bahlale embikwakho balalele emavi akho, kodvwa abawenti. Ngemilomo yabo bakhuluma kutsi batinikele, kodvwa tinhlitiyo tabo tibukhali, tifuna inzuzo lembi.

Lukha 12:15

Watsi kubo: “Caphelani, nikubalekele konkhe kufisa lokubi; ngobe imphilo yemuntfu ayinconotiswa bunjinga bakhe.”

KubaseKholose 3:5

Ngaloko-ke bulalani tonkhe tinkhanuko tenu talapha emhlabeni: bugwadla, nebuphingi, nekungcola, nekuhungeka, nekukhanuka lokubi, nebukhali lobukukhonta tithico.

1 kuThimothi 6:9

Kodvwa labo labafisa bunjinga bawela ekulingweni, naselugibeni, nasetinkhanukweni letinyenti tebulima, naletiyingoti letigcumukisela bantfu ekufeni nasekubhujisweni.

2 yaPhetro 2:14

Emehlo abo agcwele buphingi, anamatsele esonweni; baholela labo lababutsakatsaka elugibeni; tinhlitiyo tabo tetayele bukhali. Bangaphansi kwesicalekiso.

2 yaPhetro 2:3

Ngenca yebudli babo bayawutsengiselana ngani ngemavi ebucili. Kusukela emandvulweni kulahlwa kwabo akulibali, nekubhujiswa kwabo akweteli.