Isaya 56:12 - Siswati 1996 Bible

¹² Ngulowo nalowo uyatikhalela atsi: “Wotani, ngitalilandza liwayini! Asinatseni tjwala njengekutsandza kwetfu! Likusasa nalo litawuba njengalamuhla, nome-ke libe ncono kakhulu!”

Isaya 56:12 Iomraidhean Croise

Jobe 24:23

Angabenta bativele kuphumula lokuphephile, kodvwa emehlo akhe abuka tindlela tabo.

Tihlabelelo 10:6

Enhlitiyweni yakhe ucabanga utsi: “Ngingeke nginyakatiswe, ngingeke ngibe nenhlanhla lembi titukulwane ngetitukulwane.”

Taga 20:1

Liwayini lenta umuntfu abe sidvwaladvwala, abange nemsindvo. Kute umuntfu lotiphatsa kahle nasadzakiwe.

Taga 23:35

Utawutsi: “Bangilimatile, kodvwa angikabuva buhlungu; bangishayile, kodvwa angikhumbuli. Nginelibhabhalazi, ngifuna kuyawunatsa futsi.”

Taga 27:1

Ungatigabatisi ngelikusasa lakho, ngobe awati kutsi lilanga ngelilanga likutela nani.

Umshumayeli 2:24

Kute lokuncono umuntfu langakwenta ngaphandle kwekutsi adle anatse eneliseke ngemsebenti wakhe. Nako loku futsi ngikubona kuphuma esandleni saNkulunkulu,

Isaya 5:11

Maye kulabo labavuka ekuseni ngeluvivi bagijimele etinatfweni letidzakanako, batihlalele kuze kube ngusebusuku kakhulu, badzimate behlulwe nguleliwayini labo.

Isaya 5:12

Banemahabhu nemalire emadzilini abo, nemafahlawane nemintjingozi kanye neliwayini, kodvwa abatinaki tento taSimakadze, abayiboni imisebenti yetandla takhe.

Isaya 5:22

Maye kulabo labangemachawe ekunatseni liwayini, nakulabo labangemachawe ekudidiyeleni sinatfo lesinemandla,

Jeremiya 18:18

Batsi: “Wotani sente lisu ngaJeremiya, ngobe imfundziso yemtsetfo lefundziswa baphristi ngeke ize iphele, naleteluleko tetihlakaniphi, nalelivi leliphuma kubaphrofethi. Ngako buyani simhlasele ngemagama etfu, singayinaki yonkhe lentfo layishoko.”

Hoseya 4:11

batinikela ebugwadleni, nasewayinini lelisha nalelidzala, lokususa kucondza

Amose 4:1

Lalelani nali livi, nine bafati basentsabeni yaseSamariya, leniphila kahle, nitamase njengetinkhomati taseBhashani, nine lenicindzetela labamphofu, nifihlite labeswele, niphocelele emadvodza enu kutsi aninike tjwala!

Nahume 1:10

Bayawugigeleka bona emanyeveni, nasekudzakweni liwayini labo. Bayawushwabudzeleka njengemahlanga lomisiwe.

Lukha 21:34

“Ticaphelisiseni! Ningatifaki kakhulu emadzilini nasekunatseni lokudzakanako, nasekunakeni tintfo talomhlaba, funa lelo langa linitume;

1 kubaseKorinthe 15:32

Nangabe e-Efesu ngalwa nalokutsiwa tilwane, kungisita ngani loko? Nangabe labafile abavuswa: “Kuncono sidle sinatse, ngobe kusasa sitawufa.”

kuThithusi 1:7

Umholi, njengobe asisebenti saNkulunkulu, kufanele angasoleki, angatigcabhi, abete lulaka, angabi sidzakwa, abete luchweba, futsi angahaleli inzuzo ngebubi.