Isaya 55:8 - Siswati 1996 Bible

⁸ “Ngobe imicabango yami ayisiyo imicabango yenu, netindlela tenu akusito tindlela tami,” kusho Simakadze.

Isaya 55:8 Iomraidhean Croise

2 Samuweli 7:19

Kwaba shangatsi konkhe loku bekungakeneli kuwe. Awu! Nkhosi, Simakadze! Manje sewukhulume ngisho nangelikusasa lendlu yenceku yakho. Kungabe kantsi lena nguyona ndlela lophatsa ngayo bantfu bakho yini, Nkhosi, Simakadze?

2 Emakhosi 5:11

Kodvwa Namani wancandzeka atfukutsele abila, watsi: “Bengicabanga kutsi utawuphuma ete kimi, afike eme, bese umemeta libito laSimakadze Nkulunkulu wakhe, ajikitise nesandla sakhe etikwaletilondza, angiphilise kulobulephelo bami.

Jobe 35:5

Gucukela ngasemazulwini ubuke, bheka ngasemafini wona lasetulu kangaka kuwe.

Tihlabelelo 25:10

Tonkhe tindlela taSimakadze tibubele neliciniso kulabo labagcina sivumelwane sakhe kanye nemiyalo yakhe.

Tihlabelelo 33:11

Emasu aSimakadze ayawuhlala emile kuze kube phakadze; nemicabango yakhe iyawuhlala imile kuto tonkhe titukulwane.

Tihlabelelo 40:5

Yebo, Simakadze, Nkulunkulu wami, timangaliso losentele tona tinyenti, tingeke tibalwe, wasikhumbula tikhatsi letinyenti. Kute nome munye nje lofana nawe! Kube bengingatilandzisa tonkhe betingeke tibaleke tonkhe.

Tihlabelelo 92:5

Maye, mikhulu imisebenti yakho, Simakadze! Imicabango yakho ijule kakhulu.

Taga 21:8

Tindlela talababi tigwegwile; kodvwa tento talabalungile timsulwa.

Taga 25:3

Njengekuphakama kwesibhakabhaka nekujula kwemhlaba, kunjalo kucabanga kwenkhosi, ungeke ukwati.

Isaya 14:24

Simakadze longuSomandla ufungile, watsi: “Impela, loku sengikuhlelile, futsi nakanjani kutakwenteka; njengobe sengikuhlosile nje, nakanjani kungeke kugucuke.

Isaya 53:6

Tsine sonkhe sedukile njengetimvu, ngulowo nalowo utihambele ngendlela yakhe, Simakadze wayetfwesa kona kwetfu sonkhe.

Isaya 58:13

“Nawugcina tinyawo takho tingalephuli liSabatha, ungakwenti loko lokutsandvwa nguwe ngelilanga lami lelingcwele, nawubita liSabatha ngekutsi lilanga lenjabulo nelilanga lelingcwele laSimakadze lelihloniphekile, futsi nawulihlonipha ngekungahambi ngendlela yakho, ungenti njengekutsandza kwakho, ungakhulumi emavi lalite,

Isaya 65:2

Lonkhe lilanga ngelule tandla tami kubantfu labanenhloko lelukhuni, labahamba etindleleni letimbi, bacoshana nemicabango yabo,

Isaya 66:18

“Mine-ke, ngenca yetento tabo nangemicabango yabo, sekusondzele kutsi ngite ngibutsele ndzawonye tonkhe tive netilwimi, khona tiyakuta tibone bukhosi bami.

Jeremiya 3:1

“Nangabe indvodza ilahla umkayo, bese lomfati wendza kulenye indvodza, lendvodza ingabuyela yini kulomfati? Utsi kepha lelive lingete langcola lonkhe? Kodvwa utiphatsise kwengwababane ngekuphinga nemadvodza lamanyenti; manje sewungabuyela njani kimi?” kusho Simakadze.

Hezekeli 18:29

Noko indlu yaka-Israyeli itsi: ‘Indlela yaSimakadze ayikalungi.’ Atikalungi yini tindlela tami, ninendlu yaka-Israyeli? Akusito tindlela tenu yini leti letingakalungi?

Danyela 4:37

Manje, mine Nebukhadnezari, ngibabata ngiphakamise ngekudvumisa iNkhosi yelizulu, ngobe konkhe lekwentako kulungile, nato tonkhe tindlela tayo tiphelele ngekulunga. Labo labahamba ngekutigcabha, uyakwati kubatfobisa.”

Hoseya 14:9

Ngubani lohlakaniphile? Uyawutibona letintfo. Ngubani lokwati kubona tintfo letifihlakele? Utaticondza kahle letintfo. Tindlela taSimakadze tilungile, labalungile bahamba ngato, kodvwa labahlubukako bayakhubeka kuto.

1 Samuweli 16:7

Kodvwa Simakadze wakhuluma kuSamuweli, watsi: “Ungabheki kubukeka nebudze bakhe, ngobe yena ngimalile. Simakadze akabuki tona tintfo letinakwa ngumuntfu. Umuntfu ubuka lingaphandle lemuntfu, kodvwa Simakadze ubuka inhlitiyo.”