Isaya 53:10 - Siswati 1996 Bible

¹⁰ Simakadze utsi: “Noko kwaba yintsandvo yaSimakadze kutsi ayinyatsele, ayente ihlupheke, nome Simakadze enta kuphila kwayo kwaba ngumhlatjelo welicala, iyawubona situkulwane sayo, yandzise nemalanga ekuphila kwayo, intsandvo yaSimakadze iyawuphumelela ngesandla sayo.

Isaya 53:10 Iomraidhean Croise

Tihlabelelo 110:3

Sive sakho siyawutinikela mhlazana ulwa netitsa takho, emabutfo akho ayawuta kuwe ahlobe ngemvunulo lengcwele, ayawuvela njengematolo asentsatsakusa.

Tihlabelelo 147:11

Simakadze ujatjuliswa ngulabamesabako nalabetsemba umusa wakhe.

Tihlabelelo 149:4

Simakadze uyasijabulela sive sakhe, labatitfobako ubapha umchele wekuncoba.

Tihlabelelo 21:4

Yacela imphilo kuwe, wena wayipha emalanga lamadze phakadze naphakadze.

Tihlabelelo 22:30

Titukulwane takusasa titawumkhonta, bantfu bayawusala balandzise ngaSimakadze etitukulwaneni nasetitukulwaneni.

Tihlabelelo 22:31

Sive lesiyawutalwa siyawutjelwa kutsi: “Simakadze wasisindzisa sive sakhe.”

Tihlabelelo 69:26

Ngobe lowo loshaywe nguwe bayamtingela bamhluphe, bakhuluma ngebuhlungu balabo labalinyatwe nguwe,

Tihlabelelo 72:17

Shangatsi libito layo lingahlala ingunaphakadze, lichubeke latiwe njengelilanga. Tive tonkhe atibusiswe ngayo; tiyawumbita ngekutsi yinkhosi lebusisekile.

Tihlabelelo 72:7

Shangatsi ngemalanga ayo kungandza kulunga, kwandze nekuthula siphelane.

Tihlabelelo 89:29

Ngiyawumisa intalo yakhe, kuze kube phakadze, nesihlalo sakhe sebukhosi sisime, yingci nakusekhona sibhakabhaka etulu.

Tihlabelelo 89:36

Intalo yakhe iyawuma kuze kube phakadze, nesihlalo sakhe sebukhosi asiyiwugucuka, siyawuma njengelilanga lelisembikwami.

Isaya 42:1

Simakadze utsi: “Nayi-ke inceku yami, lengiyicinisako, lokhetsiwe wami lengijabulako ngaye; ngiyawubeka Moya wami kuye, yena uyawuletsa umtsetfocotfo wami etiveni.

Isaya 46:10

Ngimemetela siphetfo kusukela ekucaleni, kusukela etikhatsini takadzeni ngimemetela loko lokutakwenteka. Ngitsi mine: ‘Injongo yami iyakuma, ngiyawukwenta konkhe loko lese ngikuhlelile.’

Isaya 49:4

Kodvwa ngatsi: “Ngisebentele lite. Titfukutfuku tami ngitijulukele lite, ngisebentele emahhala. Kodvwa lilungelo lami lisesandleni saSimakadze; nemvuzo wami ukuNkulunkulu wami.”

Isaya 53:12

Ngako-ke ngiyawuyinika sabelo emkhatsini walabakhulu, iyakwehlukanisa imphango nalabanemandla, ngobe yatfululela kuphila kwayo ekufeni, yabalwa kanye netoni. Ngobe yetfwala tono talabanyenti, yancusela toni.”

Isaya 54:3

Ngobe utalendlalela ngesekudla nangesancele, titukulwane takho tiyakudla emave etive, tihlale emadolobheni ato latindzala.

Isaya 61:9

Titukulwane tabo tiyakwatiwa emkhatsini wetive, nentalelwane yabo emkhatsini wetive. Bonkhe labababonako bayawuvuma kutsi basive lesibusiswe nguSimakadze.”

Isaya 66:22

Simakadze utsi: “Njengobe emazulu lamasha nemhlaba lomusha lengikudalako kuyawuhlala kukhona embikwami, kanjalo libito lakho netitukulwane takho tiyawuhlala tikhona.

Isaya 9:7

Umbuso wakhe uyawukhula, kuthula nenhlalakahle kungeke kuphele. Uyawubusa esihlalweni sebukhosi saDavide, nasembusweni wakhe. Uyakuwumisa awusekele ngekwemtsetfocotfo nangekulunga, kusukela kuleso sikhatsi kuze kube nguphakadze naphakadze. Inshisekelo yaSimakadze longuSomandla iyawukwenta loko.

Jeremiya 32:41

Ngiyawujabula kubentela lokuhle, ngempela ngiyawubahlanyela kulelive ngayo yonkhe inhlitiyo yami nangawo wonkhe umphefumulo wami.

Hezekeli 33:11

Khuluma kubo utsi: ‘Ngifunga kuphila kwami, kusho iNkhosi Simakadze, angikujabuleli kufa kwalomubi, kodvwa ngitsandza kutsi agucuke etindleleni takhe letimbi aphile. Gucukani! Gucukani etindleleni tenu letimbi! Ningafelani, ninendlu yaka-Israyeli?’

Hezekeli 37:25

Bayawuhlala eveni lengalipha inceku yami Jakobe, live lapho kwakuhlala khona boyihlomkhulu. Bona kanye nebantfwababo, kanye nebantfwana bebantfwababo, bayawuhlala lapho phakadze naphakadze; naDavide, inceku yami, uyawuba yinkhosi yabo phakadze naphakadze.

Danyela 9:24

“Tikhatsi letingema-70 timiselwe bantfu bakini, nelidolobha lakini kutsi bayekele kona nekwephula imitsetfo, bacedze tono, bahlawulele bubi, bangenise kulunga kwaphakadze, kuciniselwe umbono netiphrofetho, kugcotjwe lowo Longcwelengcwele.

Mikha 7:18

Kute nkulunkulu lofana nawe, Simakadze; wena utsetselela tono tensali yakho lesele ekubhujisweni. Awuhlali utfukutsele siphelane, kodvwa ujabulela kusikhombisa umusa wakho.

Zefaniya 3:17

Simakadze Nkulunkulu wakho unawe, unemandla ekusindzisa. Uyawukujabulela kakhulu wena, uyawukupha kuthula ngelutsandvo lwakhe; uyawukujabulela ngekuhlabela.”

Zakhariya 13:7

“Awu nkemba, vuka umelane nemelusi wami, umelane nemuntfu longumngani wami,” kusho Simakadze longuSomandla. “Shaya umelusi umbulale, timvu tiyawuhlakateka. Ngiyawugucula sandla sami etikwaletincane, ngimelane nato.”

Numeri 7:15

inkunzana, nesihhanca, nelizinyane lemvu lelidvuna lelinemnyaka munye budzala, kwaba kwemnikelo wekushiswa;

Matewu 17:5

Watsi asakhuluma loko, kwachamuka lifu lelikhatimulako, labasibekela. Kwevakala livi kulelifu litsi: “Lena yiNdvodzana yami letsandzekako, lengitfokota ngayo; yilaleleni!”

Matewu 3:17

Kusenjalo kwevakala livi livela ezulwini litsi: “Lena yiNdvodzana yami, letsandzekako, lengijabula ngayo.”

Lukha 1:33

uyawuba yiNkhosi yetitukulwane taJakobe nini nanini; umbuso wakhe ungeke ube nesiphetfo.”

Johane 1:29

Ngakusasa Johane wabona Jesu eta kuye watsi: “Nalo liWundlu laNkulunkulu lelisusa sono selive!

Johane 12:24

Ngicinisile, ngicinisile, ngitsi kini: Inhlanyelo yakolo nayiwela emhlabatsini ingete yafa, ihlala iyodvwa; kepha nayifa, itsela titselo letinyenti.

Johane 13:32

Nkulunkulu nakakhatimulisiwe kuyo, naye iNdvodzana yeMuntfu uyawuyikhatimulisa kuye; loko akwente masinyane.

KubaseRoma 6:9

Siyati nekutsi Khristu wavuswa kulabafile, angeke aphindze afe; nekufa sekute emandla etikwakhe.

KubaseRoma 8:32

Yena longazange ayigodle iNdvodzana yakhe, kodvwa wayinikela ngenca yetfu sonkhe, pho, akayusinika yini tonkhe tintfo mahhala kanye nayo?

KubaseRoma 8:8

Labo labanaka kwenyama bangeke bamtfokotise Nkulunkulu.

2 kubaseKorinthe 5:21

Khristu abengenasono. Noko Nkulunkulu wamenta kutsi abe sono ngenca yetfu, kuze kutsi ngaye semukeleke kuNkulunkulu kutsi silungile.

KubaseGalathiya 3:13

Khristu wasihlenga esicalekisweni lesasiletfwe ngumtsetfo, ngekutsi abe sicalekiso endzaweni yetfu; ngobe kubhaliwe kutsi: “Ucalekisiwe wonkhe umuntfu lolenga emtsini.”

Kubase-Efesu 1:5

Nkulunkulu wavele wasikhetsanchanti ngekwenjongo yentsandvo yakhe, wasenta emadvodzana akhe ngaJesu Khristu.

Kubase-Efesu 1:9

Nkulunkulu wakubona kufanele kutsi asatise imfihlakalo yentsandvo yakhe, labeyimisile ngaKhristu kwasekucaleni.

Kubase-Efesu 5:2

Niphile imphilo yelutsandvo, njengobe naKhristu asitsandza watinikela ngenca yetfu, waba ngumnikelo nemhlatjelo loliphunga lelimnandzi kuNkulunkulu.

2 kubaseThesalonika 1:11

Kunguko nje sinikhulekela onkhe emalanga, kuze kutsi Nkulunkulu wetfu anente nibe ngulabafanele lubito lwakhe, nekutsi aphelelise ngemandla akhe konkhe lokuhle lenifisa kukwenta, nemsebenti wekukholwa.

KumaHebheru 2:13

Uphindze atsi: “Ngiyawubeka litsemba lami kuNkulunkulu;” aphindze atsi: “Ngilapha mine, nebantfwana Nkulunkulu langiphe bona.”

KumaHebheru 7:27

Yena akadzingi kunikela imihlatjelo yekushiswa njengalaba labanye baphristi labakhulu lababeyinikela onkhe emalanga, ngekutinikelela bona tono tabo kucala, bese banikelela tono talabanye. Kodvwa yena loko wakwenta kwaba kanye, kwenela, ngesikhatsi anikela ngaye lucobo lwakhe.

KumaHebheru 9:14

inganihlambulula kakhulu kangakanani-ke ingati yaKhristu! Watinikela yena kuNkulunkulu ngaMoya waphakadze, watinikela ate sici. Ingati yakhe iyawuhlambulula nembeza wenu emisebentini lefile, kuze nikhonte Nkulunkulu lophilako.

1 yaPhetro 2:24

Khristu cobo lwakhe wetfwala tono tetfu emtimbeni wakhe, emtsini, kuze kutsi tsine singabe sisabuswa tono kodvwa siphile ekulungeni. “Niphiliswe ngemivimbo yakhe.”

Sembulo 1:18

nalophilako. Ngafa, kodvwa ase ubheke nyalo, sengiyaphila, kuze kube phakadze, futsi nginetikhiya tekufa neteHayidesi.