Isaya 52:4 - Siswati 1996 Bible

⁴ Ngobe naku-ke lokushiwo yiNkhosi Simakadze, itsi: “Ekucaleni sive sami sehla sayawuhlala eGibhithe; emvakwaloko i-Asiriya yasicindzetela.”

Isaya 52:4 Iomraidhean Croise

Genesisi 46:6

Bahamba netinkhomo tabo netimphahla tabo lababetitfole baseseveni laseKhenani. Labaya eGibhithe kwakunguJakobe nentalo yakhe yonkhe:

Genesisi 46:7

emadvodzana akhe, nemadvodzana awo, nemadvodzakati akhe, nemadvodzakati emadvodzana akhe; tonkhe titukulwane takhe wefika nato eGibhithe.

Jobe 2:3

Simakadze wabuta Sathane, watsi: “Uyibonile yini inceku yami Jobe? Kute namunye umuntfu longamtfola emhlabeni lofanana naye; umsulwa, ucotfo ngenhlitiyo, ungumuntfu lowesaba Nkulunkulu nalokubalekelako lokubi. Seloku usabambelele ekwetsembekeni kwakhe, nome wena bewungichukulusha ngekutsi ngimbhubhise ngaphandle kwesizatfu.”

Tihlabelelo 25:3

Yebo, labo labetsembele kuwe kute namunye loyawuhlazeka; kepha bayawuhlazeka labo labakuhlubuka ngelite.

Tihlabelelo 44:12

Sive sakho usitsengise ngelinani lelincane, wangete walizuza linani lelikhulu.

Tihlabelelo 69:4

Banyenti kunetinwele tenhloko yami badlanga ngemandla labafuna kungibulala, labo labangitondza ngelite. Ngiphocelelwani kutsi ngikhishiswe intfo lengingakayebi?

Isaya 14:25

Ema-Asiriya ngitakuwapitjita eveni lami, ngiwagcobagcobele etintsabeni tami. Lelijoko lawo belibekwe etikwesive sami litawususwa etikwaso; nalomtfwalo besetfweswe wona utakwetfulwa ususwe etikwaso.

Jeremiya 50:17

“Israyeli unjengemhlambi wetimvu letisakatekile ticoshwe ngemabhubesi. Lekucala lelamudla kwaba yinkhosi yase-Asiriya; lekugcina lelabhoba ematsambo akhe, kwaba nguNebukhadnezari, inkhosi yaseBhabhulona.”

Johane 15:25

Kodvwa noko, loko bekufanele kwenteke, kuze kutewugcwaliseka loko lokwabhalwa emtsetfweni wabo kwekutsi: ‘Bangitondza ngaphandle kwesizatfu.’