Isaya 50:7 - Siswati 1996 Bible

⁷ Ngobe iNkhosi Simakadze iyangisita, ngingeke ngihlazeke, ngijabhiswe. Ngaloko-ke sengacinisa buso bami, baze baba njengelitje lemlilo, futsi ngiyati kutsi ngeke ngihlazeke, ngijabhe.

Isaya 50:7 Iomraidhean Croise

Tihlabelelo 110:1

Simakadze watsi enkhosini yami: “Hlala lapha ngesekudla sami, ngize ngifake titsa takho ngaphansi kwetinyawo takho.”

Tihlabelelo 54:6

Ngiyawunikela kuwe, Simakadze, umnikelo wesihle, ngidvumise libito lakho ngobe lona lihle.

Isaya 29:22

Ngako-ke naku lokushiwo nguSimakadze lowahlenga Abrahama, macondzana nendlu yakaJakobe Simakadze utsi: “Jakobe akasayikuba nemahloni; nebuso babo abusayikuphaphatseka.

Isaya 42:1

Simakadze utsi: “Nayi-ke inceku yami, lengiyicinisako, lokhetsiwe wami lengijabulako ngaye; ngiyawubeka Moya wami kuye, yena uyawuletsa umtsetfocotfo wami etiveni.

Isaya 45:17

Kodvwa Israyeli uyawusindziswa nguSimakadze ngensindziso yaphakadze; ningeke nidliwe ngemahloni nome nihlazeke phakadze naphakadze.

Isaya 49:23

Emakhosi ayawuba bacizeli bakho, nemakhosikati awo amunyise bantfwabakho. Bayawuguca embikwakho, buso babo bubheke phansi emhlabatsini, bayawukhotsa lutfuli lwetinyawo takho ngelulwimi. Uyawube sewuyati-ke lapho kutsi mine nginguSimakadze. Labo labetsembela kimi bangeke bajabhiswe.”

Isaya 49:8

Naku lokushiwo nguSimakadze, utsi: “Ngiyawukuphendvula ngesikhatsi sami lengisitsandzako, nangelilanga lensindziso ngiyawukusita. Ngiyawukugcina, ngikwente ube sivumelwane sami nebantfu, kuze kubuyiselwe live, banikwe kabusha emafa labese acitsekile.

Isaya 50:9

YiNkhosi Simakadze lengisitako. Ngubani-ke lowo longangilahla ngelicala? Bayawuguga bonkhe njengengubo, bayawucedvwa ngimivunya.

Isaya 54:4

“Ungesabi, ungeke ube nemahloni. Ungakwesabi kuhlazeka, ngeke wehliswe. Utalikhohlwa lihlazo lebusha bakho, ungaphindzi uwakhumbule emahloni ebufelokati bakho.

Jeremiya 1:18

Lamuhla ngikwente waba lidolobha leliyinqaba, waba yinsika yensimbi nelubondza lwelitfusi kutsi utewumelana nalo lonkhe live; umelane nemakhosi akaJuda, netiphatsimandla takhona, nebaphristi bakhona kanye nesive sonkhe sakulelo live.

Mikha 1:2

Lalelani naku, nine tive nonkhe: nilalele nani mhlaba wonkhe! INkhosi Simakadze iyakunilahla ngelicala. Lalelani! Ukhuluma asethempelini lakhe.

Lukha 9:51

Sekusele emalangana ekutsi Jesu atsatfwe ayiswe ezulwini, watimisela kutsi aye eJerusalema.

Johane 16:33

Senginitjele loku, kuze nitewuba nekuthula kimi. Eveni niyawuhlupheka nibe nelusizi. Kodvwa manini sibindzi, ngobe mine ngilincobile live.”

KubaseRoma 1:16

Anginamahloni ngeliVangeli, ngobe lingemandla aNkulunkulu ekusindzisa bonkhe bantfu labakholwako, kucala emaJuda, kulandzele emaGriki.

KumaHebheru 13:6

Ngaloko singasho ngesibindzi sitsi: “INkhosi ingumsiti wami; ngingeke ngesabe. Umuntfu angangentani nje?”

1 yaPhetro 4:1

Njengobe naKhristu wahlupheka emtimbeni ngenca yenu, nani hlomani ngalowo mcondvo, ngobe umuntfu lowake wahlupheka emtimbeni usuke asacedzile ngesono.

1 yaPhetro 4:16

Kepha nakukhona lohlupheka ngobe angumKhristu, abobate emahloni, kodvwa akadvumise Nkulunkulu ngenca yalelo bito.