Isaya 50:4 - Siswati 1996 Bible

⁴ INkhosi Simakadze inginike lulwimi lolufundzisiwe, kuze ngati livi lekucinisa labamadvolo abo asaceka. Ungivusa njalo nje, ekuseni avuse indlebe yami itewulalela, njengemuntfu nakafundziswa.

Isaya 50:4 Iomraidhean Croise

Jobe 4:4

Emavi akho abesimisa labakhubatelako, acinise nemadvolo lagedletelako.

Tihlabelelo 119:147

Ngivuka lokwa kuseluvivi, ngicele lusito, litsemba lami libambelele evini lakho.

Tihlabelelo 143:8

Ngivise umusa wakho ekuseni nakudzabuka kusa, ngobe litsemba lami lonkhe likuwe. Ngifundzise indlela lekufanele ngihambe ngayo, ngobe umphefumulo wami ngiwuphakamisela kuwe.

Tihlabelelo 40:7

Ngase ngiphendvula ngitsi: “Naku ngilapha! Emculwini wencwadzi kubhalwe ngami.

Tihlabelelo 45:2

Awusemuhle nekadzeni, uphuma embili, umlomo wakho uphuphuma umusa, ngobe Nkulunkulu ukubusise phakadze naphakadze.

Tihlabelelo 5:3

Simakadze, nakudzabuka kusa, uyaliva livi lami; nakudzabuka kusa, ngihlela ticelo tami kuwe, bese ngiyema ngilindzela wena.

Tihlabelelo 88:13

Kodvwa mine, Simakadze, ngikhala kuwe, ngicela lusito, kutsi kusa ube uhlangabetana nemkhuleko wami.

Taga 12:25

Kukhatsateka kuyamondzisa umuntfu; kodvwa livi lemusa limenta ajabule.

Taga 15:23

Umuntfu uyajabula nakanika imphendvulo lengiyo. Maye! Kuhle kunika imphendvulo lefanele ngesikhatsi lesifanele!

Taga 25:11

Livi lelikhulunywe ngesikhatsi lesifanele lifanana nemahhabhula egolide labekwe etindishini tesiliva.

Isaya 28:19

Njalo nje nasifika nome nini, siyakwendlula nani sinitfumbe kusa ngekusa, busuku nemini.” Kuvakala kwalomlayeto kuyawuletsa kwesaba nekutfutfumela kuphela nje.

Isaya 28:9

“Ngubani yena lona lowetama kumfundzisa, uwuchazela bani wona lombiko wakhe? Kubantfwana labesusiwe yini elubisini lwabo, labo labavele balunyulwa nje emabeleni abonina?

Isaya 35:5

Emehlo etimphumphutse ayawuvuleka, netindlebe tetihhulu tiyawuva.

Isaya 40:29

Ubapha emandla labo labakhatsele, awandzise emandla alababutsakatsaka.

Isaya 50:10

Ngubani emkhatsini wenu lowesaba Simakadze nalolalela livi lenceku yakhe? Lowo lohamba ebumnyameni, longenako kukhanya, aketsembele kulo Libito laSimakadze, asime kuNkulunkulu wakhe.

Isaya 54:13

“Bonkhe bantfu bakho bayawufundziswa nguSimakadze, inhlalakahle nekuthula kwebantfwana bakho kuyawuba kukhulu.

Isaya 8:16

Bophisisa lobufakazi, uvalele umtsetfo wami emkhatsini webafundzi bami.

Jeremiya 1:9

Simakadze wase welula sandla sakhe watsintsa umlomo wami, watsi kimi: “Manje-ke, sengifake emavi ami emlonyeni wakho.

Jeremiya 31:25

Ngiyawubahlumelelisa labo lasebadzangele, ngicinise labo labaphelelwa ngemandla.”

Hezekeli 46:13

“ ‘Simakadze utsi: Onkhe emalanga ekuseni kufanele kwentiwe umhlatjelo wekushiswa samuku, welizinyane lelinemnyaka munye budzala, futsi lingabi nasiyela, kube ngumnikelo kuSimakadze. Lomnikelo kufanele wentiwe onkhe emalanga.

Matewu 11:28

“Wotani kimi, nine nonkhe lenikhatsele nalenisindvwa yimitfwalo, ngitaniphumuta.

Matewu 13:54

Wabuyela edolobheni lakubo. Wabafundzisa esinagogeni labo, bamangala badzimate batsi: “Lomuntfu wakutfolaphi lokuhlakanipha lokungaka, nalemisebenti yemandla?

Matewu 22:46

Kwabate ngisho namunye lowaba nelivi labengamphendvula ngalo; kusukela ngalelo langa kute lowaphindze waba nesibindzi sekumbuta.

Lukha 21:15

ngobe phela ngiyawuninika emavi nekuhlakanipha lekuyawubate nome sinye setitsa tenu lesiyawuba nemandla ekumelana nekuphikisana nani.

Lukha 4:22

Bonkhe bantfu batsatseka ngaye bamangala ngalamagama lamahle lawakhuluma batsi: “Akusiye umsa waJosefa yini lona?”

Johane 7:46

Tinceku tabaphendvula tatsi: “Kute umuntfu lowake wakhuluma njengalowa muntfu.”

Dutheronomi 18:17

Simakadze wakhuluma kimi, watsi: ‘Loko labakushoko kuhle.

Dutheronomi 18:18

Ngiyawubavusela umphrofethi lofanana nawe emkhatsini wabomnakabo. Ngiyawufaka emavi ami emlonyeni wakhe, uyawube sewubatjela konkhe loko lengimyala ngako.