Isaya 49:24 - Siswati 1996 Bible

²⁴ Emabutfo angemukwa yini imphango nome tigcili letitfunjiwe tisindziswe kulabanelunya?

Isaya 49:24 Iomraidhean Croise

Ezra 9:13

“Loko lokusehlele kungumphumela wetento tetfu letimbi, nelicala letfu lelikhulu, noko, Nkulunkulu wetfu, awukasijezisi njengalokufanele tono tetfu, sewuze wasinika nensali lefana nalena.

Ezra 9:9

Nome sitigcili nje, Nkulunkulu wetfu akasilahli ekuboshweni kwetfu. Usentele sihawu emehlweni emakhosi asePheresiya, ngekutsi usiphe kuphila lokusha kutsi sakhe kabusha indlu yaNkulunkulu wetfu nekutsi sivusetele tibondza tayo, waphindze wasipha lubondza lwekuvikeleka kaJuda naseJerusalema.

Nehemiya 9:33

Kuko konkhe loko lokusehlele wena bewusolo ulungile wenta tintfo ngekwetsembeka, lite nome tsine besenta lokubi.

Nehemiya 9:37

Ngenca yetono tetfu, sivuno salo lesinyenti sesiya emakhosini lose usibekele wona. Lamakhosi abusa etikwetfu kanye nasetikwetinkhomo tetfu njengobe atsandza. Tsine siselusizini lolukhulu.”

Isaya 42:22

Kodvwa lesi sive lesiphangiwe sabuye sahlutjulwa, bonkhe babambeke emigodzini nome bafihlakele emajele. Sebayimphango, kute nalongabephula; bentiwe baba yimphango, kwabate nalotsi: “Bancandzeni.”

Isaya 5:29

Kubhodla kwabo kufanana nekwemabhubesi, yebo, babhodla njengemabhubesi lamancane, atsi ahhonga abe abamba imphango yawo, ayetfwale ahambe nayo kubete longayisindzisa.

Isaya 53:12

Ngako-ke ngiyawuyinika sabelo emkhatsini walabakhulu, iyakwehlukanisa imphango nalabanemandla, ngobe yatfululela kuphila kwayo ekufeni, yabalwa kanye netoni. Ngobe yetfwala tono talabanyenti, yancusela toni.”

Hezekeli 37:11

Wase utsi kimi: “Ndvodzana yemuntfu, lamatsambo lawa, angiyo yonkhe indlu yaka-Israyeli. Batsi: ‘Ematsambo etfu omile, nelitsemba letfu liphelile; sincanyuliwe saphela nya.’

Hezekeli 37:3

Wangibuta watsi: “Ndvodzana yemuntfu, lamatsambo angaphila yini?” Ngatsi mine: “Awu, Nkhosi, Simakadze, nguwe wedvwa lowatiko.”

Nahume 2:13

Simakadze longuSomandla utsi: “Mine ngiphambene nawe, Nineve. Tincola takho temphi ngitatishisa tibe yintfutfu, inkemba itawudla emazinyane akho elibhubesi, anginakushiyela nyamatane emhlabeni. Emavi etitfunywa takho angeke aphindze evakale.”

Matewu 12:29

“Futsi umuntfu angangena kanjani endlini yesichwaga, atsatse timphahla taso, ngaphandle kwekubopha lesichwaga kucala; bese-ke uchwaga lendlu?

Makho 3:27

“Kute umuntfu longagcekeza indlu yesichwaga aphange timphahla taso, ngaphandle kwekutsi acale ngekubamba sona asibophe; emvakwaloko-ke angangena aphange timphahla endlini yaso.