Isaya 49:15 - Siswati 1996 Bible

¹⁵ “Umfati angalukhohlwa yini luswane lolusesebeleni lakhe nekutsi abete sihawu kumntfwana lamtalako? Nome angakhohlwa, kodvwa mine ngingeke ngikukhohlwe wena.

Isaya 49:15 Iomraidhean Croise

Jobe 24:20

Sibeletfo siyabakhohlwa, badliwe timphetfu; lababi abasakhunjulwa, kodvwa babhidlika njengesihlahla lesibolile.

Tihlabelelo 103:13

Njengobe uyise anesihe kubantfwabakhe, ngalokufananako Simakadze unesihe kulabamesabako.

Tihlabelelo 27:10

Nome bobabe namake bangilahlile, kodvwa wena, Simakadze, utangemukela ungigcine.

Tihlabelelo 77:9

Nkulunkulu sewukhohliwe yini kuba nemusa? Kungabe kutfukutsela kwakhe kumente wagodla bubele bakhe yini?” Cabanga.

Taga 31:2

“Lalela, ndvodzana yami, ndvodzana yesisu sami! Wena uyimphendvulo yemthandazo wami.

Isaya 14:1

Simakadze utawubonakalisa sihawu sakhe kuJakobe, utawuphindza futsi akhetse ema-Israyeli, awabuyisele eveni lawo. Betive batawutihlanganisa nawo, batihlanganise nendlu yaJakobe.

Isaya 44:21

“Khumbula letintfo, wena Jakobe, ngobe uyinceku yami, wena Israyeli. Ngikwentile, wena uyinceku yami, ngingeke ngikukhohlwe, wena Israyeli.

Isaya 49:14

Kodvwa iSiyoni yatsi: “Simakadze ungifulatsele, Simakadze ungikhohliwe.”

Isaya 54:10

Nome tintsaba tingatanyatanyiswa nemagcuma esuswe, noko lutsandvo lwami lolungapheli lengikutsandza ngalo, lungeke lutanyatanyiswe, nesivumelwane sami sekuthula singeke sisuswe,” kusho Simakadze lonesihawu kuwe.

Jeremiya 31:20

Efrayimu akasiyo yini indvodzana yami letsandzekako, umntfwana lengijabulako ngaye? Nome ngivamise kukhuluma ngimelane naye, kodvwa noko ngisamkhumbula. Ngako-ke inhlitiyo yami iyamlangatelela; nginesihawu lesikhulu ngaye,” kusho Simakadze.

Jeremiya 51:5

Ngobe baka-Israyeli nebakaJuda abakashiywa nguNkulunkulu wabo, Simakadze longuSomandla, noko live lemaBhabhulona liphuphuma ngemacala kuLongcwele waka-Israyeli.

Sililo 4:10

Bafati labanesihawu badzimate bapheka bantfwababo ngetabo tandla, bagucuka baba kudla kwabo ngesikhatsi bantfu bakitsi babhujiswa.

Sililo 4:3

Ngisho netimphungutja tiyayikhipha imibele yato timunyise emazinyane ato, kodvwa bantfu bami sebagucuke bangabi nanhlitiyo, baba njengetinshi tasehlane.

Hoseya 11:1

“Ngesikhatsi Israyeli asengumntfwana, ngamtsandza, indvodzana yami ngayibita, ngayikhipha eGibhithe.

Levithikusi 26:29

Niyawudla inyama yemitimba yemadvodzana nemadvodzakati enu.

Malakhi 3:17

Simakadze longuSomandla utsi: “Bayawuba bami ngelilanga lengiyawulungisa ngalo konkhe, babe bantfu bami labaligugu lami. Ngiyawubaphephisa njengendvodza nayiphephisa indvodzana yayo leyisebentelako.

Matewu 7:11

Nangabe-ke nine lenibabi kangaka nikwati kubapha bantfwabenu tipho letinhle, kakhulu kangakanani-ke uYihlo losezulwini utakubapha lokuhle labacela kuye.

KubaseRoma 1:31

abehlukanisi lokuhle kulokubi, abatigcini tetsembiso tabo, abanalutsandvo, abanasihawu.

1 Samuweli 12:22

Ngenca yelibito lakhe lelikhulu Simakadze angeke asilahle sive sakhe, ngobe kwaba kuhle kuye Simakadze kutsi anente nibe bakhe.