Isaya 44:20 - Siswati 1996 Bible

²⁰ Utondla ngemlotsa, edukiswe yinhlitiyo lekhohlisiwe; angeke atisindzise nome atsi: “Lentfo lesesandleni sami sangesekudla ayisiwo yini emanga?”

Isaya 44:20 Iomraidhean Croise

Jobe 15:2

“Umuntfu lohlakaniphile angaphendvula yini ngaletimphendvulo letilite, agcwalise sisu sakhe ngemoya loshisako wasemphumalanga?

Jobe 15:31

Akangatiyengi ngekwetsemba loko lokulihobosha, ngobe kute layakukutfola ngaloko.

Tihlabelelo 102:9

Ngiyakhala, umlotsa sekudla kwami, tinyembeti titfontsela esinatfweni sami,

Tihlabelelo 115:4

Kodvwa tithico tebetive tentiwa ngesiliva nangegolide, tingumsebenti wetandla temuntfu.

Tihlabelelo 144:11

Ngisindzise enkembeni lenelunya, ungiphephise esandleni sebafokati labamlomo wabo ukhuluma inkhohliso, nesandla sabo sekudla singesekudla semanga.

Tihlabelelo 144:8

labamlomo wabo ukhuluma inkhohliso, bafunga bagomele ngesandla sabo sangesekudla bafungele bufakazi lobungemanga.

Taga 15:14

Ingcondvo yemuntfu lohlakaniphile ifuna lwati; kodvwa tilima titondla ngebulima.

Isaya 47:10

Wetsembele ebubini bakho, watsi: ‘Kute namunye longibonako.’ Kuhlakanipha nekwati kwakho kuyakonisa, nawuticabanga utsi: ‘Ngimi ngimi, kute lomunye ngaphandle kwami.’

Isaya 57:11

“Ngubani lona lebewumvevela kangaka, umesaba, uze ungetsembeki kimi, ungasangikhumbuli, futsi ungasangicabangi ngisho nasenhlitiyweni yakho? Akwentiwa kutsi sengithule sikhatsi lesidze yini lokutsi ungasangesabi?

Isaya 59:13

kuhlubuka nekumbulutela Simakadze, nekumfulatsela kwetfu Nkulunkulu wetfu. Sivusa umoya wencindzetelo newekuvuka indlwabane, tinhlitiyo tetfu temitse kukhuluma emanga.

Jeremiya 16:19

Awu Simakadze, mandla ami nesiphephelo sami, nqaba yami ngesikhatsi sekuhlupheka, tive tiyakuta kuwe tisuka emikhawulweni yonkhe yemhlaba, titsi: “Bobabe betfu babengenalutfo ngaphandle kwabonkulunkulu labalite, tithico letingenamsebenti letingazange setibentele lutfo loluhle.

Hoseya 12:1

Efrayimu utondla ngemoya, ucoshana nemoya wasemphumalanga lonkhe lilanga, wandzise emanga nebudlova. Wakha sivumelwane ne-Asiriya, atfumele emafutsa emncumo eGibhithe.

Hoseya 4:12

kwebantfu bami. Indlela bayibuta etithicweni tetigodvo, baphendvulwe yindvuku yelugodvo. Umoya webugwadla uyabedukisa; abaketsembeki kuNkulunkulu wabo.

Habakhuki 2:18

“Sinamsebenti muni sithico, njengaloku sibatwe ngumuntfu nje? Yebo, sisitani sitfombe lesifundzisa emanga? Ngobe lowo losibatako wetsembela emsebentini wetandla takhe, wakha tithico letingeke tize tikhulume.

Lukha 15:16

Yayilamba idzimate ifise kudla imidvumba ledliwa tingulube, ngobe yayinganikwa ngumuntfu kudla.

KubaseRoma 1:25

Baguculele liciniso laNkulunkulu balenta emanga; bakhonta, badvumisa indalo kunekukhonta nekudvumisa uMdali lokunguyena abongeka kuze kube phakadze. Amen.

KubaseRoma 1:28

Njengobe abafunanga kumati Nkulunkulu, ngako wababukelela, tingcondvo tabo taba butsakatsaka, netimilo tabo tonakala.

1 kuThimothi 4:2

Bantfu labatentisako bayawufundzisa emanga, ngobe bonembeza babo bashiswe luphawu.

2 kuThimothi 2:13

Nasingetsembeki, yena uhlala etsembekile, ngobe angeke atiphikise.”

2 kuThimothi 3:13

kepha lababi nebakhohlisi bayawudlanga ngebubi, bedukise, nabo bedukiswe.

Sembulo 12:9

Nyokangwenya lomkhulu walahlelwa phansi, leya nyoka yasemandvulo, lebitwa ngekutsi nguMhlebi nome nguSathane, uMkhohlisi wemhlaba wonkhe. Wajikijelwa phansi emhlabeni kanye netingilosi takhe.

Sembulo 13:14

Silo sesibili savunyelwa kutsi sikhohlise bonkhe bantfu labahlala emhlabeni ngaletibonakaliso lesasitenta ngeligunya lesilo sekucala. Lesilo sesibili sabatjela kutsi bakhe umfanekiso, bakhele lesilo sekucala lesasinelinceba lenkemba lelelashwa laphiliswa.

Sembulo 18:23

Kungeke kuphindze kubonakale kuwe kukhanya kwesibane. Kungeke kuphindze kuvakale kuwe liphimbo lemyeni nelamakoti. Bahwebi bakho bekutikhulu temhlaba, wedukisa tonkhe tive ngebutsakatsi bakho.

Sembulo 20:3

Yamjika emgodzini longenamkhawulo, yamvalela yase ibeka luphawu etikwakhe, kutsi angasaphindzi edukise tive, kuze kuphele leminyaka leyinkhulungwane. Emvakwaloko kufanele akhululwe sikhashane.