Isaya 41:14 - Siswati 1996 Bible

¹⁴ Ungesabi, wena mphetfu, Jakobe, awu, mntfwanyana, Israyeli, ngobe mine matfupha ngitakusita,” kusho Simakadze, uMhlengi wakho, Longcwele waka-Israyeli.

Isaya 41:14 Iomraidhean Croise

Jobe 19:25

Kodvwa mine ngiyati kutsi uMhlengi wami uyaphila, nekutsi ekugcineni utakuma etikwalomhlaba.

Jobe 25:6

kakhulu kangakanani-ke umuntfu loyimphehla, yebo, indvodzana yemuntfu losibungu nje kuphela!”

Tihlabelelo 19:14

Emavi emlomo wami netizindlo tenhlitiyo yami atemukeleke kuwe, Simakadze, Dvwala lami, neMkhululi wami.

Tihlabelelo 22:6

Kepha mine angisesiye muntfu walutfo, sengaba ngumbungu nje, ngisetfuko sebantfu, nenhlekisa esiveni.

Tihlabelelo 46:5

Nkulunkulu uhlala kulelo khaya, lingeke litanyatanyiswe, Nkulunkulu uyawulisita ekuseni entsatsakusa.

Tihlabelelo 78:35

Bakhumbula kutsi Nkulunkulu ulidvwala labo, Nkulunkulu Losetikwako Konkhe ungumhlengi wabo.

Isaya 35:10

labahlengiwe baSimakadze bayawubuya. Bayawungena eSiyoni ngekuhlabela, nangekujabula kwaphakadze lokuyawuba ngumchele etinhloko tabo. Bayawuhamba ngekutfokota nangekujabula, lusizi nekububula kuyawubaleka.

Isaya 37:4

Kungenteka kube Simakadze Nkulunkulu wakho utaweva emavi endvuna lenkhulu, letfunywe ngumphatsi wayo, inkhosi yase-Asiriya, kutsi itewuhlazisa Nkulunkulu lophilako, nekutsi yena utayitsetsisela emavi Simakadze Nkulunkulu wakho lawevile. Ngako-ke thandazela lensali lesolomane isasele.’ ”

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Isaya 43:14

Naku lokushiwo nguSimakadze, uMhlengi wenu, Longcwele waka-Israyeli, utsi: “Ngenca yenu ngitawutfumela eBhabhulona, ngibabuyise njengemambuka bonkhe baseBhabhulona, ngibabuyise ngemikhumbi lababetigabatisa ngayo.

Isaya 43:3

Ngobe mine nginguSimakadze Nkulunkulu wakho, Longcwele waka-Israyeli, uMsindzisi wakho, ngitawuhlawula ngelive laseGibhithe, ngishintjiselane iKushe neSheba ngawe.

Isaya 44:22

Tikhubekiso takho ngitishanyele njengelifu. netono takho njengenkhungu yasekuseni. Buyela kimi, ngobe sengikuhlengile.”

Isaya 44:24

“Naku lokushiwo nguSimakadze, uMhlengi wakho, lowakubumba esiswini, utsi: NginguSimakadze, lowente tonkhe tintfo, yena yedvwa loweneke emazulu, lowendlala umhlaba ayedvwana,

Isaya 44:6

“Naku-ke lokushiwo nguSimakadze, iNkhosi neMkhululi wema-Israyeli, Simakadze longuSomandla, utsi: Mine ngiwekucala newekugcina; ngaphandle kwami kute Nkulunkulu.

Isaya 47:4

UMhlengi wetfu, Simakadze longuSomandla libito lakhe, unguLongcwele waka-Israyeli.

Isaya 48:17

Naku lokushiwo nguSimakadze, uMhlengi wenu, Longcwele waka-Israyeli, utsi: “NginguSimakadze Nkulunkulu wenu, longuyena anifundzisa kutsi ngukuphi lokuncono kunako konkhe kini, lonilayela indlela lekufanele nihambe ngayo.

Isaya 49:26

Bacindzeteli bakho ngiyakubenta badle inyama yemtimba wabo, bayawudzakwa kunatsa ingati yabo kube shangatsi bebanatsa liwayini. Tive tonkhe-ke tiyawube setiyati kutsi mine Simakadze nginguMsindzisi wakho, uMhlengi wakho, longuSomandla waJakobe.”

Isaya 49:7

Naku lokushiwo nguSimakadze, uMhlengi, naLongcwele waka-Israyeli, kuye lowake wedzelelwa wenyanywa sive, kuyo inceku yebabusi, utsi: “Emakhosi ayawukubona asukume, tikhulu tiyawukubona tikhotsame, ngenca yaSimakadze lowetsembekile, Longcwele waka-Israyeli, lokukhetsile.”

Isaya 54:5

Ngobe uMenti wakho yindvodza yakho, nguSimakadze longuSomandla libito lakhe, Longcwele waka-Israyeli unguMhlengi wakho, ubitwa ngekutsi nguNkulunkulu wemhlaba wonkhe.

Isaya 54:8

Ngemfutfo wentfukutselo yami ngakufihlela buso bami kwesikhashana, kodvwa ngemusa waphakadze ngiyawuba nesihawu kuwe,” kusho Simakadze uMhlengi wakho.

Isaya 59:20

“Umhlengi uyawufika eSiyoni kulabo bakaJakobe labaphendvukako etonweni tabo,” kusho Simakadze.

Isaya 60:16

Uyawunatsa lubisi lwetive, umunyiswe emabeleni ebukhosi. Uyawube sewuyati-ke kutsi mine, Simakadze, nginguMsindzisi wakho, nekutsi Somandla wakaJakobe unguMhlengi wakho.

Isaya 63:16

Kodvwa wena unguBabe wetfu, nome nje Abrahama angasati tsine, na-Israyeli angasemukeli tsine, kodwva wena, Simakadze, unguBabe wetfu, uMhlengi wetfu; kwasemandvulo lelo Libito lakho.

Jeremiya 46:27

“Ungesabi, wena Jakobe, nceku yami; ungajabhi, wena Israyeli. Ngempela, ngitakusindzisa usendzaweni lekhashane, netitukulwane takho eveni lato lekutfunjwa. Jakobe uyawuphindze abe nekuthula nekuvikeleka, futsi kute namunye loyawumetfusa.

Jeremiya 50:34

Noko uMhlengi wabo unemandla; nguSimakadze Somandla libito lakhe. Uyakumela indzaba yabo ngemandla, kuze atewuletsa kuphumula eveni labo, kodvwa kungabi nakuthula kulabo labahlala eBhabhulona.

Sililo 3:57

Wasondzela kimi nangikubita, watsi: “Ungesabi.”

Danyela 10:12

Wachubeka watsi: “Ungesabi, Danyela. Kusukela ngelilanga lekucala, mzukwana utimisela engcondvweni yakho kutsi ufuna kucondza kahle nekutitfoba embikwaNkulunkulu, emavi akho evakala kahle onkhe, mine sengitele kutawuletsa imphendvulo yawo.

Hoseya 11:9

Ngingeke ngiyisebentise intfukutselo yami leyesabekako, futsi ngingeke ngiphindze ngimbhubhise Efrayimu. Ngobe mine nginguNkulunkulu, angisiye umuntfu, nginguLongcwele losemkhatsini wenu. Ngingeke ngifike ngelulaka.

Matewu 7:14

Kepha lisango lincane nendlela yincane leyisa ekuphileni, nebantfu labayitfolako bambalwa.”

Lukha 12:32

“Ningesabi, mhlambi lomncane, ngobe uYihlo utfokotela kona kutsi aninike umbuso.

KubaseRoma 9:27

Na-Isaya wamemeta nga-Israyeli atsi: “Nome bantfu baka-Israyeli bangaba banyenti babe ngangesihlabatsi saselwandle, noko kuyawuba yinsali yabo kuphela leyawusindziswa;

KubaseGalathiya 3:13

Khristu wasihlenga esicalekisweni lesasiletfwe ngumtsetfo, ngekutsi abe sicalekiso endzaweni yetfu; ngobe kubhaliwe kutsi: “Ucalekisiwe wonkhe umuntfu lolenga emtsini.”

Dutheronomi 7:7

“Simakadze akazange anitsandze waze wanikhetsa ngobe nisive lesinyenti kwendlula letinye, ngobe vele nanisive lesincane kunato tonkhe.

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.

Joshuwa 17:18

kodvwa ninikwa nalelive letintsaba lelinemahlatsi. Lihhehleni lonkhe lelihlatsi nitsatse yonkhe leyo ndzawo ibe yenu, kuze kuyewufika lapho ligcina khona; nome emaKhenani anetincola tetinsimbi kantsi acinile, kodvwa nine ningawadvungulula niwacitse.”

Sembulo 5:9

Kwahlatjelwa ingoma lensha, letsi: “Ufanele wena kuyitsatsa lencwadzi legocotiwe, ufanele futsi kuticatulula netimphawu tayo, yebo, ngobe wena wahlatjwa, ngengati yakho wahlawulela bantfu kuNkulunkulu. Labantfu bachamuka emindenini yonkhe, nasetilimini tonkhe, nasetiveni tonkhe, nasemaveni onkhe.