Isaya 40:22 - Siswati 1996 Bible

²² Nkulunkulu uhleti esihlalweni sebukhosi etikwembulunga lengumhlaba, nebantfu bakhona bafanana netintsetse. Wendlala emazulu njengempheme, awendlale njengeliseyili entele bantfu kutsi batewuhlala kuwo.

Isaya 40:22 Iomraidhean Croise

Genesisi 1:6

Nkulunkulu watsi: “Akube khona umkhatsi emkhatsini wemanti, wehlukanise emanti nemanti.”

Jobe 22:14

Emafu lamnyama ayamsibekela, kuze angasiboni asahamba antontomela etulu emazulwini.’

Jobe 26:7

Wendlala inyakatfo emkhatsini longenalutfo, alengise umhlaba eteni.

Jobe 36:29

Ngubani nje longacondzisisa kutsi uwendlala kanjani emafu? Udvuma kanjani nje endzaweni yakhe yekuhlala?

Jobe 37:18

ungahlanganyela yini naye ekwendlaleni kwakhe sibhakabhaka lesicine njengesibuko selitfusi lelincibilikisiwe?

Jobe 9:8

Yena yedvwa wendlala emazulu, anyatsele emagagasi elwandle.

Tihlabelelo 104:2

Kukhanya kuyingubo lotembese ngayo, weneke emazulu njengekumiswa kwelithende;

Tihlabelelo 18:11

Wenta bumnyama baba yingubo yakhe, watungeletwa ngemafu lahlomile, lamnyama.

Tihlabelelo 19:4

Noko-ke liphimbo lako liphumele emhlabeni wonkhe, nemavi ako aphumele emhlabeni wonkhe. Lilanga ulakhele umpheme ngaphansi kwesibhakabhaka.

Tihlabelelo 2:4

Losesihlalweni sebukhosi ezulwini ubahleka bulima; yebo, Simakadze ubenta inhlekisa.

Tihlabelelo 29:10

Simakadze usesihlalweni sebukhosi, ubusa zamcolo. Simakadze usesihlalweni sebukhosi, kuze kube phakadze naphakadze.

Tihlabelelo 68:33

Simakadze ugibela emazulu, wona lawo mazulu asendvulo. Yena uvakalisa liphimbo lelivi lakhe, lona liliphimbo lelinemandla.

Taga 8:27

Ngangikhona mhlazana amisa emazulu, mhlazana abeka umkhatsi ehlukanisa sibhakabhaka netilwandle,

Isaya 19:1

Livi lesembulo lelimacondzana nelive laseGibhithe: Buka la, Simakadze ugibela lifu leligijima kakhulu, ubange kulaseGibhithe. Tithico taseGibhithe tiyawutfutfumela embikwakhe, netinhlitiyo tebantfu baseGibhithe tiyancibilika ngekhatsi kwabo.

Isaya 37:16

“Awu, Simakadze Somandla, Nkulunkulu wesive sema-Israyeli, wena lohleli emkhatsini wemakherubhi, wena wedvwa unguNkulunkulu etikwayo yonkhe imibuso yemhlaba. Wena wadala lizulu nemhlaba.

Isaya 40:15

Buka, tive tifanana nelitfonsi embiteni, titsatfwa njengelutfuli esikalweni; ukala tichingi kube shangatsi tilutfuli lolucolisakele.

Isaya 40:17

Tonkhe tive tinjengelite emehlweni akhe, kuye titsatseka njengentfo lengenamsebenti, futsi tingaphansi kwelite.

Isaya 42:4

ngeke angabate nome ajabhiswe, aze emise umtsetfocotfo wami emhlabeni. Tichingi tiyawubeka litsemba lato kulomtsetfo wakhe.”

Isaya 42:5

Naku lokushiwo nguNkulunkulu longuSimakadze, yena lowo lowadala emazulu, waweneka, wendlala nemhlaba nako konkhe lokumila kuwo, lonika kuphefumula kubantfu labakuwo, nekuphila kulabo labahamba etikwawo, utsi:

Isaya 44:24

“Naku lokushiwo nguSimakadze, uMhlengi wakho, lowakubumba esiswini, utsi: NginguSimakadze, lowente tonkhe tintfo, yena yedvwa loweneke emazulu, lowendlala umhlaba ayedvwana,

Isaya 51:13

kutsi ningakhohlwa Simakadze, uMenti wenu, loweneka emazulu, wabeka tisekelo temhlaba, kutsi seningahlala ngekutfutfumela onkhe emalanga ngenca yelulaka lwemcindzeteli, lotilungiselela kunibhubhisa? Ngobe lukuphi nje lulaka lwemcindzeteli?

Isaya 66:1

Naku lokushiwo nguSimakadze, utsi: “Lizulu lisihlalo sami sebukhosi, umhlaba usenabelo setinyawo tami. Iphi-ke lendlu leningangakhela yona? Itawuba kuphi-ke indzawo yami yekuphumula?

Jeremiya 10:12

Kodvwa Nkulunkulu wawudala umhlaba ngemandla akhe lamakhulu; wesekela umhlaba ngekuhlakanipha kwakhe, weneka emazulu ngekucondza kwakhe.

Zakhariya 12:1

Livi lesembulo: Leli livi laSimakadze nga-Israyeli. Simakadze, lowendlale emazulu, lobeke tisekelo temhlaba, nalowabumba umoya wemuntfu ekhatsi kuye, utsi:

Numeri 13:33

Size sabona ngisho nemaNifilu, emadvodzana a-Anaki layintalelwane yemaNifilu. Sitibone singangetintsetse kubo, nabo futsi basibona singangato.”