Isaya 33:19 - Siswati 1996 Bible

¹⁹ Ungeke uphindze usibone lesive lesinebudlova, labo bantfu belulwimi lolungatiwa kahle, labalulwimi lwabo lungatiwa futsi lungevakali.

Isaya 33:19 Iomraidhean Croise

Genesisi 11:7

Wotani, sehle, siyewusanganisa lulwimi lwabo, khona bangetiwuvana.”

2 Emakhosi 19:32

“Ngako-ke naku lokushiwo nguSimakadze macondzana nenkhosi yase-Asiriya: “Ngeke ingene kulelidolobha nome icibishele imicibisholo kulo. Ngeke ime embikwalo ngelihawu, futsi ngeke yente lutfo lwekulivimbetela.

Eksodusi 14:13

Mosi wabaphendvula watsi: “Ningesabi, manini sibindzi, nicine, nitawubona kusindzisa kwaSimakadze latanentela kona lamuhla. LamaGibhithe leniwabonako lamuhla aniseyiwuphindze niwabone futsi.

Isaya 28:11

Kulungile-ke, ngetindzebe temlomo wekuchamuka nangetilimi letingatiwa Nkulunkulu uyawukhuluma kulesive,

Isaya 37:34

Iyawuncandzeka ngaleyo ndlela lete ngayo. Ngeke ingene kulelidolobha,” kusho Simakadze.

Isaya 37:37

Ngako-ke Senaheribi, inkhosi yase-Asiriya, wadzilita inkambu yakhe, wahamba wabuyela eNineve, wayawuhlala khona.

Jeremiya 5:15

Yebo, wenandlu yaka-Israyeli,” kusho Simakadze, “ngitawuletsa sive lesikhashane sitekulwa nani, sive sasendvulo lesicinile, sive lesikhuluma lulwimi leningalwati, yebo, lesikhuluma lulwimi leningaluva.

1 kubaseKorinthe 14:21

Kubhaliwe emtsetfweni kutsi: “ ‘Ngiyawukhuluma kulesive ngemilomo yebantfu baletinye tilimi, kepha noko bangeke bangive,’ isho njalo iNkhosi.”