Isaya 30:18 - Siswati 1996 Bible

¹⁸ Noko Simakadze ulangatelela kangaka kutsi abe nemusa kini. Uyaphakama kutsi anihawukele, ngobe Simakadze nguNkulunkulu lowehlulela ngemtsetfocotfo. Babusisiwe bonkhe labalindzela yena.

Isaya 30:18 Iomraidhean Croise

Jobe 35:14

Kangakanani-ke kutsi angalalela, nawutsi awumboni yena, kutsi nome licala lakho lisembikwakhe, wena kufanele ulindzele yena,

Tihlabelelo 2:12

Khotsamani etinyaweni tendvodzana, ingadzimate initfukutselele, nifele endleleni, ngobe lulaka lwayo luvutsa masinyane. Babusisiwe bonkhe lababalekela kuyo.

Tihlabelelo 27:14

Tsemba kuSimakadze, cina ungadzangali, ube nesibindzi. Yebo, tsemba kuSimakadze.

Tihlabelelo 34:8

Ase ninambitse nibone kutsi Simakadze muhle unemusa! Ubusisiwe lowo lokhosela kuye!

Tihlabelelo 84:12

Yebo, Simakadze wemabandla! Ubusisiwe umuntfu lowetsembele kuwe!

Tihlabelelo 99:4

Simakadze, nguwe losimise kulunga kwenkhosi letsandza kubusa ngekungakhetsi muntfu; nguwe lowehlisela lokuhle kuJakobe, waletsa kulunga nebucotfo.

Eksodusi 34:6

Simakadze wendlula embikwakhe wamemeta watsi: “Simakadze, Simakadze, Nkulunkulu lonesihawu nemusa; uyephuta kutfukutsela andze ngemusa nangekwetsembeka,

Taga 16:20

Umuntfu lonakekela umyalo naloko lakufundziswako uyaphumelela; nemuntfu lowetsemba Simakadze ubusisiwe.

Isaya 18:4

Naku lokushiwo nguSimakadze kimi: ‘Ngitawuhlala nje ngithule, ngibuke nje ngisendzaweni yami yekuhlala, nakuphakama sivuvu ekushiseni kwelilanga, yebo, sivuvu sematolo lakhuntsisa sivuno.’

Isaya 2:11

Emehlo ebantfu labatikhukhumetako ayawutfotjiswa, kutsi kutigcabha kwebantfu kwehliswe; Simakadze yena yedvwa uyawuphakanyiswa ngalelo langa.

Isaya 2:17

Kutiphakamisa kwebantfu kuyakwehliselwa phansi, nekutigcabha kwebantfu kutfotjiswe; Simakadze yena yedvwa uyawuphakanyiswa ngalelo langa,

Isaya 25:9

Ngalelo langa bayakutsi: “Ngempela, lona nguNkulunkulu wetfu, besetsembela kuye, naye wasisindzisa. Lona nguSimakadze lebesetsembele kuye; asijabule sitfokote ngensindziso yakhe.”

Isaya 28:17

Ngitakwenta kwehlulela ngekwemtsetfocotfo kube ngumugca wekulinganisa, nekulunga kube ngumugca wekucondzisa, sangcotfo siyawuhlwitsa lesiphephelo senu lesingemanga, nesikhukhula semanti siyakwemukisa lendzawo yenu yekubhaca.

Isaya 33:2

Awu Simakadze, bani nemusa kitsi; tsine silangatelela wena. Bani ngemandla etfu njalo nje ekuseni, nensindziso yetfu ngesikhatsi selusizi.

Isaya 33:5

Simakadze uphakeme, ngobe uhlala endzaweni lephakeme, utawugcwalisa iSiyoni ngekwehlulela ngemtsetfocotfo nangekulunga.

Isaya 40:31

kodvwa labo labetsembele kuSimakadze batfola emandla lamasha. Bayawukhuphuka ngemaphiko njengetinsweti, bayawugijima bangadzinwa, bayawuhamba bangaphelelwa ngemandla.

Isaya 42:14

Simakadze utsi: “Sesikhatsi lesidze ngibindzile, bengibindzile, ngitibambile. Kodvwa nyalo, njengemfati nakabeleka, ngiyakhala, ngiyacucumuka.

Isaya 42:16

Labatimphumphutse ngitabahola ngetindlela labangazange batati, ngibahole ngetindlela letingakavami. Bumnyama ngitabenta bube kukhanya embikwabo, ngente tindzawo letimagebhugebhu tibe ngematsafa. Leti tintfo lengitawutenta; ngingeke ngitiyekele.

Isaya 48:9

Ngenca yeLibito lami ngiyalwephutisa lulaka lwami, ngenca yeludvumo lwami ngiyalubamba, ngingalwehliseli kini, kuze ngingetikunicedza.

Isaya 5:16

Kodvwa Simakadze longuSomandla utawuphakanyiswa ngekwehlulela kwakhe lokumsulwa. Nkulunkulu longcwele utabubonakalisa bungcwele bakhe ngekulunga kwakhe.

Isaya 55:8

“Ngobe imicabango yami ayisiyo imicabango yenu, netindlela tenu akusito tindlela tami,” kusho Simakadze.

Isaya 57:16

Ngingeke ngihlale ngisola njalonjalo, futsi ngingeke ngihlale ngitfukutsele, ngobe phela umoya wemuntfu ungaze ucaleke embikwami, umphefumulo wemuntfu lengamdala.

Isaya 61:8

“Ngobe mine, Simakadze, ngiyakutsandza kwehlulela ngebucotfo. Ngiyakutondza kudlelela nekona, bantfu bami ngiyawubakhokhela njengekwetsembeka kwami, ngente sivumelwane saphakadze naphakadze nabo.

Isaya 64:4

Kusukela kadzenidzeni kute lowase weva, kute nendlebe leyase yeva, kute liso lelase labona lomunye Nkulunkulu ngaphandle kwakho, lomelela labo labalindzele yena.

Isaya 8:17

Ngitawulindzela Simakadze lofihla buso bakhe kuyo indlu yakaJakobe. Ngiyawubeka litsemba lami kuye.

Jeremiya 17:7

“Kodvwa ubusisiwe umuntfu lowetsembela kuSimakadze, lotsemba lakhe linguSimakadze.

Jeremiya 42:7

Emvakwemalanga lalishumi livi laSimakadze lefika kuJeremiya.

Danyela 12:12

Ubusisiwe lowo loyawulindza aze efike ekugcineni kwalamalanga layi-1 335.

Hoseya 1:7

Noko ngiyakuyihawukela indlu yakaJuda; ngiyakubasindzisa, kodvwa hhayi ngebutjoki, nangenkemba, nangemphi, nangemahhashi, nangebagibeli bemahhashi, kodvwa ngiyakubasindzisa mine, Simakadze longuNkulunkulu wabo.”

Hoseya 2:14

“Ngako-ke manje ngitamhhungula, ngimholele ehlane, ngikhulume naye kamnandzi.

Hoseya 5:15

Ngiyawube sengibuyela endzaweni yami, baze balivume licala labo. Bayawufuna buso bami; baseselusizini lwabo bayawungifunisisa.”

Malakhi 2:17

Senimkhatsatile Simakadze ngemavi enu. Niyabuta nitsi: “Simkhatsate ngani?” Nimkhatsate ngekukhuluma nitsi: “Bonkhe labenta lokubi bahle emehlweni aSimakadze, futsi uyajabula ngabo,” nome: “Uphi loNkulunkulu wema-Israyeli lowehlulela ngebucotfo?”

Lukha 15:20

Ngako-ke yesuka yahamba yaya kuyise. “Yayisekudzeni kabi nelikhaya ngesikhatsi uyise ayibona. Inhlitiyo yeyise yagcwala sihawu, wayihawukela wagijima wayihlangabeta. Wayigaca ngemkhono wakhe, wayanga.

Lukha 2:25

Ngaleso sikhatsi bekukhona indvodza leyayilungile yesaba Nkulunkulu, ihlala eJerusalema, libito layo kunguSimeyoni. Abelindzele indvudvuto ngensindziso yesive sema-Israyeli, Moya Longcwele abesetikwakhe.

Imisebenti yebaPhostoli 5:31

Nkulunkulu wamenyusela ngasesandleni sakhe sekudla njengeMholi neMsindzisi, kuze anike bantfu baka-Israyeli litfuba lekuphendvuka, kutsetselelwe tono tabo.

KubaseRoma 5:20

Umtsetfo wefikela kwandzisa siphambuko, kodvwa ngekwandza kwesono nemusa waNkulunkulu wandza kakhulu.

KubaseRoma 9:22

Loku akusiko yini Nkulunkulu labefuna kukwenta? Nome abefuna kubonakalisa lulaka lwakhe nekwatisa emandla akhe, noko watimela ngekubeketela lokukhulu titja telulaka lwakhe letatimiselwe kubhujiswa.

Kubase-Efesu 1:6

Ngako-ke akudvunyiswe umusa wakhe webukhosi, lasipha wona ngeNdvodzana yakhe letsandzekako.

Kubase-Efesu 1:8

Nkulunkulu lasipha wona, waze waphuphuma. Ngekuhlakanipha nekucondza kwakhe

Dutheronomi 32:4

“Yena uLidvwala, imisebenti yakhe iphelele; yebo, netindlela takhe tonkhe tilungile. Nkulunkulu lowetsembekile longakwenti lokubi, ucotfo akakhetsi muntfu.

YaJakobe 5:11

Khumbulani phela kutsi ngulabo labaciniselako lesitsi babusisiwe. Nake neva ngekukhutsatela kwaJobe, niyati-ke nekutsi iNkhosi yaletsa siphetfo sini kuye; ngobe iNkhosi inebubele nesihawu lesikhulu.

2 yaPhetro 3:15

Kubeketela kweNkhosi nibokutsatsa ngekutsi kunentela ematfuba ekusindziswa, njengobe nemzalwane wetfu lotsandzekako longuPawula anibhalele ngekuhlakanipha laphiwe kona.

2 yaPhetro 3:9

INkhosi ayibini kugcina setsembiso sayo, njengobe labanye bacabanga kutsi iyabina; kepha iyanibeketelela, ngobe ingatsandzi kutsi kubhubhe ngisho namunye umuntfu, kodvwa itsandza kutsi bonkhe bantfu baphendvuke etonweni tabo.

1 Samuweli 2:3

Ningasakhulumi kakhulu ngekutiphakamisa; kubete kutiphakamisa lokuphuma emilonyeni yenu. Ngobe Simakadze nguNkulunkulu welwati, ngaye tento tonkhe tiyaphenyisiswa.