Isaya 30:13 - Siswati 1996 Bible

¹³ lesono lesi siyawuba ngangelubondza loluphakeme kini, loseluklatuka ekhatsi selugobana, lona lolusuke selutawuhhibika masinyane.

Isaya 30:13 Iomraidhean Croise

1 Emakhosi 20:30

Lawa lamanye avele abalekela edolobheni lase-Afeki, lapho atsi nakefika khona, lubondza lwalelo dolobha lwadzilikela etikwalababeti-27 000 bawo. Bheni Hadadi wabalekela edolobheni, wafike wabhaca ekamelweni lelalingekhatsi endlini.

Jobe 36:18

Caphela kutsi kubete lokuhuha ngebunjinga, ungavumi kwedukiswa tinsambansamba temidizo.

Tihlabelelo 62:3

Kuyawuze kube ngunini nidvumela lendvodza nine nonkhe kuze niyibulale? Injengelubondza lolutjekele kuwa, nanjengelutsango loludzilikako.

Tihlabelelo 62:4

Bafuna licebo lekumketula esikhundleni sakhe lesiphakeme, batsandza emanga. Ngemilomo yabo bayabusisa, kodvwa etinhlitiyweni tabo bayacalekisa. Cabanga.

Taga 29:1

Umuntfu lotsi nakelulekwa acinise inhloko, uyakufohlotwa masinyane.

Taga 6:15

Ngenca yaloku siyakwehlelwa yingoti masinyane sipitjitwe ngaphandle kwesecwayiso, singaphindzi sisindze.

Isaya 22:14

Simakadze longuSomandla ukwembulile loku kimi, ngakuva: “Niyawuze nife solomane lesono singakahlawulelwa”, isho njalo iNkhosi Simakadze lenguSomandla.

Isaya 26:21

Bukani, Simakadze uphumela ngephandle kwendzawo yakhe yekuhlala, utewujezisa tive temhlaba ngenca yetono tato. Umhlaba utawuveta ebaleni yonkhe ingati leyacitsekela kuwo, lababulewe kuwo ungeke usabafihla.

Isaya 29:5

Kodvwa titsa takho letinyenti titawuba njengelutfuli lwemhlabatsi, leticumbi tebantfu labanelunya tiyawuba njengemakhoba lapheshulwa ngumoya. Ngekushesha, ngekuphatima kweliso

Isaya 30:26

Inyanga iyawukhanya njengelilanga, nekukhanya kwelilanga kuyawuphindvwa kasikhombisa, ngangekukhanya kwemalanga lagcwele lasikhombisa, ngesikhatsi Simakadze nakabopha emanceba esive sakhe, elapha tilondza letavetwa nguye.

Isaya 47:11

Sehlakalo siyawukufikela, futsi awuyikwati kutsi uyawusicosha kanjani. Incitsakalo iyakwehlela etikwakho, ungakwati kuphunyula kuyo ngisho nangenhlawulo. Inhlekelele longasoze wayibona iseta, iyakwehlela kuwe ngekushesha.

Isaya 48:3

Ngakhuluma ngetintfo takucala tingakefiki, ngakhuluma ngato kadzeni, umlomo wami watimemetela, ngatenta tatiwa; ngase ngiyatenta masinyane, tavele tenteka.

Isaya 58:12

Bantfu bakini bayakutivusa tindzala takadzeni, bayawumisa tisekelo tasendvulo, wena uyawubitwa ngekutsi unguMvusi Wetindvonga Letiwile, uMlungisi Wetitaladi kutsi tibuye tibe nemakhaya.”

Isaya 65:7

yebo, tono tabo netono taboyise,” kusho Simakadze. “Njengobe bashisa imihlatjelo etintsabeni, bangihlambalata emagcumeni, ngiyawukala umvuzo wabo ngiwehlisele ematsangeni abo ngalokuphelele, ngenca yetono tabo takadzeni.”

Matewu 7:27

Kwase kuna imvula, imifula yagcwala, nemimoya yahhusha yayiphephula lendlu, yaze yawa. Maye! Kwaba kukhulu loko kuwa kwayo!”

Lukha 6:49

Kodvwa lona lova emavi ami angawenti, ufanana nemuntfu lowakha indlu yakhe esihlabatsini ngaphandle kwekubeka sisekelo. Yatsi nase ishaywa ngemanti netikhukhula, yasheshe yawa. Yeka kubhidlika kwayo kwaba kukhulu!”