Isaya 29:21 - Siswati 1996 Bible

²¹ labo labenta umuntfu adliwe licala ngeligama linye nje, bambekele lugibe lowo lotsetsa emacala enkhundleni, ngebufakazi bemanga baphambukise umtsetfocotfo, badlelele longenacala.

Isaya 29:21 Iomraidhean Croise

Tihlabelelo 127:5

Ibusisiwe indvodza, lemgodla wayo ugcwele imicibisholo lenjalo. Bangeke bahlazeke nabamelene netitsa tabo emasangweni ekwehlulela.

Taga 28:21

Kubi kukhetsa bantfu; kodvwa labanye bayona ngekukhetsana ngenca yekudizelwa kancane nje.

Isaya 10:1

Maye kulabo labashaya imitsetfo lengakalungi, kulabo labashaya imitsetfo yekucindzetela,

Isaya 32:7

Emasu asidlani mabi, wakha emacebo ebubi ekubhubhisa labamphofu ngemanga, ngisho nome sikhalo saloweswele sicotfo.

Isaya 5:20

Maye kulabo labatsi lokubi kuhle, nalokuhle batsi kubi, lababeka bumnyama bube kukhanya, babeke kukhanya kube bumnyama, lababeka lokubabako kube ngulokunongotelako, babeke lokunongotelako kube ngulokubabako.

Isaya 5:23

labemukela umdizo, khona batawukhulula labo labanelicala, kuze babalahle ngelicala labo labate licala.

Isaya 59:15

Liciniso alisatfolakali ndzawo. Bonkhe lababalekela bubi batingelwa njengetinyamatane. Simakadze wabuka wangete wajabula, ngenca yekutsi sekute kulandzela umtsetfocotfo.

Jeremiya 18:18

Batsi: “Wotani sente lisu ngaJeremiya, ngobe imfundziso yemtsetfo lefundziswa baphristi ngeke ize iphele, naleteluleko tetihlakaniphi, nalelivi leliphuma kubaphrofethi. Ngako buyani simhlasele ngemagama etfu, singayinaki yonkhe lentfo layishoko.”

Jeremiya 36:29

Umtjele futsi Jehoyakimu, inkhosi yakaJuda, utsi: ‘Naku lokushiwo nguSimakadze, utsi: Ushise lencwadzi legocotwako watsi: “Ubhaleleni kuyo kutsi inkhosi yaseBhabhulona ngempela iyawuta itewubhubhisa lelive, icotfule imbokodvo nesisekelo?”

Hezekeli 13:19

Nine ningihlambalatile emkhatsini wesive sami, ngobe nicondze kutfola emabinta lambalwa nje ebhali netingebhuta letimbalwa tesinkhwa. Ngekukhuluma emanga esiveni sami, lesilalela emanga, nibabulele labo lebekufanele bangafi, nasindzisa lebekufanele bafe.

Malakhi 3:5

“Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.

Matewu 22:15

Besuka lapho baFarisi bayakwakha licebo lekumgiba ngemibuzo.

Matewu 26:15

Wafike watsi: “Nitanginikani nanginganiniketa loJesu?” Base bamnika tinhlavu tesiliva letingema-30.

Imisebenti yebaPhostoli 3:14

Abengcwele alungile, kodvwa namala, namlahla, esikhundleni sakhe nacela Philatu kutsi anikhululele sigelekece.

YaJakobe 5:6

Nimlahlile nambulala umuntfu lolungile; kantsi akamelani nani.

Tikhulu 12:6

babetsi: “Kulungile-ke, tsani: ‘Shibholethi.’ ” Nangabe atsite: “Sibholeti,” ngobe ehluleke kubita kahle leligama, babembamba bambulalele khona lapho etubukweni lemfula iJordane. Baka-Efrayimu labababulala kanjalo baba ti-42 000 ngaleso sikhatsi.