Isaya 29:1 - Siswati 1996 Bible

¹ Maye kuwe, Ariyeli, Ariyeli, lidolobha lapho kwafike kwangenisa Davide khona! Yengetani umnyaka ngemnyaka, vumelani umjikeleto wemadzili enu uchubeke.

Isaya 29:1 Iomraidhean Croise

2 Samuweli 5:9

Davide watsi kube ayitfumbe lenqaba, wabe sewuhlala kuyo, wayetsa libito watsi Lidolobha laDavide. Wakha lidolobha ndzawo tonkhe kuyitungeleta, kusukela kulendzawo leyayigcwalisiwe ngasemphumalanga neligcuma.

Isaya 29:13

Simakadze utsi: “Labantfu basondzela kimi ngemilomo yabo, bangihlonipha ngetindzebe temilomo yabo kuphela; kodvwa tinhlitiyo tabo tikhashane kabi nami. Kungikhonta kwabo kukwenta nje leyo mitsetfo lefundziswa bantfu.

Isaya 29:9

Yetfukani nimangale, banini timphumphutse nibe ngulabangenamehlo, dzakwani, kodvwa hhayi ngenca yeliwayini, yendzani, kodvwa ningayendziswa tjwala.

Isaya 31:9

Inqaba yawo iyawudzilika ngenca yekwesaba, netindvuna tawo tiyawutfutfumela kakhulu ekubonakaleni kwesiboniso semphi,” usho Simakadze, lomlilo wakhe useSiyoni, nembutfuma yakhe yemlilo iseJerusalema.

Isaya 5:12

Banemahabhu nemalire emadzilini abo, nemafahlawane nemintjingozi kanye neliwayini, kodvwa abatinaki tento taSimakadze, abayiboni imisebenti yetandla takhe.

Isaya 66:3

Batikhetsele tindlela tabo: Lowo lonikela ngemhlatjelo wenkunzi ufanana nemuntfu lobulala indvodza, nalowo lonikela ngelizinyane lemvu ufanana nemuntfu lowephula intsamo yenja. Lowo lowenta umnikelo walokutinhlavu ufanana nemuntfu lonikela ngengati yengulube, nalowo lotfuncisa imphepho yesikhumbuto ufanana nemuntfu lokhonta sithico. Imiphefumulo yabo iyatijabulisa kuleto tinengiso tabo.

Jeremiya 7:21

“Naku lokushiwo nguSimakadze longuSomandla, Nkulunkulu wema-Israyeli, utsi: Chubekani, yengetani leminikelo yenu yekushiswa kulena leminye imihlatjelo yenu, nijinge nitidlele kwanine lenyama!

Hoseya 5:6

Nabahamba nemihlambi yabo yetimvu netimbuti kanye nemihlambi yetinkhomo kuyawufuna Simakadze, bangeke bamtfole; sewutisusile kubo.

Hoseya 8:13

Banikela ngemihlatjelo lenikwe mine, bese badla lenyama, kodvwa Simakadze akajabuli ngayo. Manje sewutabukhumbula bubi babo, abajezisele tono tabo: Bayawubuyela eGibhithe.

Hoseya 9:4

Bangeke bayitfululele kuSimakadze iminikelo yeliwayini, kantsi nemihlatjelo yabo ingeke imjabulise. Imihlatjelo lenjalo kubo iyawufanana nesinkhwa salabalilako; bonkhe labayidlako bayawungcola ngekwemtsetfo. Lokudla kuyawuba kwabo; kungeke kungeniswe ethempelini laSimakadze.

Levithikusi 23:4

Lena ngimikhosi lemiswe nguSimakadze, imikhosi lengcwele, yemihlangano yekukhonta, leniyawuyimemetela ngesikhatsi lesimiselwe yona.’ ”

KumaHebheru 10:1

Umtsetfo usitfunti setintfo letinhle letatitawufika; ute simo lekungiso sibili saletintfo. Ngemihlatjelo yawo, lenikelwa iminyaka ngeminyaka, lomtsetfo ungeke ubente baphelele labo labakhontako.