Isaya 28:7 - Siswati 1996 Bible

⁷ Nabo labo bayayendza ngenca yeliwayini, babhadzatele ngenca yetjwala, baphristi nebaphrofethi bayayendza ngenca yetjwala, basangene ingcondvo ngenca yeliwayini, badzayiteliswa tjwala, bayayendza nababona imibono, bayakhubatela nabakhipha tincumo.

Isaya 28:7 Iomraidhean Croise

Tihlabelelo 107:27

Badzayitela, bayendza, njengemuntfu nadzakiwe, lwati lwabo lwefika lapho luphela khona.

Taga 20:1

Liwayini lenta umuntfu abe sidvwaladvwala, abange nemsindvo. Kute umuntfu lotiphatsa kahle nasadzakiwe.

Taga 23:30

Ngulabo labacitsa sikhatsi lesinyenti ekunatseni liwayini lelidzakanako netjwala.

Umshumayeli 10:17

Libusisiwe live, nangabe inkhosi yalo yatalwa ingulehlakaniphile, nebantfwabenkhosi balo badla ngesikhatsi lesingiso, labadlela emandla, hhayi kudzakwa.

Isaya 19:14

Simakadze sewutfululele kubo umoya wekudzidzeka; benta iGibhithe iyendze kuko konkhe leyikwentako, iyendze njengesidzakwa emahlanteni aso.

Isaya 22:13

Kodvwa bukani, kuyajatjulwa kubuswe, kuhlatjwa tinkhomo netimvu, yebo, kudliwa inyama, kunatfwe liwayini! Nitsi: “Asidle, sinatse, ngobe kusasa sitakufa!”

Isaya 24:2

Bonkhe bantfu bayawuhlupheka ngalokufananako: Umphristi njengebantfu, umcashi njengesisebenti, inkhosikati njengencekukati, umtsengisi njengemtsengi, umbolekisi njengemboleki, umkweledisi njengemkweledi.

Isaya 24:20

Umhlaba uyadzayitela njengesidzakwa, ujikita njengesidleke senyoni emoyeni. Umhlaba usindvwa kakhulu licala lawo lekuhlubuka, sewuze uyawa, futsi ungeke uphindze usukume.

Isaya 28:1

Maye kulowo mchele letitigabatisa ngawo tidzakwa taka-Efrayimu, nakuleyo mbali lebunako, bukhatikhati bebuhle bakhe lobumiswe enhloko yesigodzi lesivundzile; maye kulelo dolobha, ligcabho lalabo lasebalaliswa phansi liwayini!

Isaya 29:11

Kini wonkhe nje lombono awusilo lutfo, ngaphandle kwemagama nje lavalelwe encwadzini legocotwako. Naninika lomunye, lokwatiko kufundza, lencwadzi legocotwako, nitsi: “Fundza naku, tsine,” uyawuphendvula atsi: “Ngingeke ngikhone, ivaliwe yananyatsiselwa.”

Isaya 3:12

Awu, sive sami, nicindzetelwa bantfwana, bafati babusa etikwenu. Awu, sive sami, labo baholi benu bayanedukisa; banikhipha endleleni, lenifanele nihambe ngayo.

Isaya 43:27

Uyihlomkhulu wekucala wenta sono; nalabo lababengumlomo wakho bangivukela.

Isaya 5:11

Maye kulabo labavuka ekuseni ngeluvivi bagijimele etinatfweni letidzakanako, batihlalele kuze kube ngusebusuku kakhulu, badzimate behlulwe nguleliwayini labo.

Isaya 5:22

Maye kulabo labangemachawe ekunatseni liwayini, nakulabo labangemachawe ekudidiyeleni sinatfo lesinemandla,

Isaya 5:23

labemukela umdizo, khona batawukhulula labo labanelicala, kuze babalahle ngelicala labo labate licala.

Jeremiya 14:14

Simakadze wakhuluma kimi, watsi: “Baphrofethi baphrofetha emanga ngelibito lami. Angikabatfumi, futsi angikabatjeli, kantsi futsi angikakhulumi kubo. Baphrofetha kini imibono lengemanga, babhule, bakhonte tithico, bashumayele nenkhohliso yetingcondvo tabo.

Jeremiya 23:13

“Emkhatsini webaphrofethi baseSamariya ngayibona lentfo leyenyanyekako: Babephrofetha egameni laBhali, bedukisa bantfu bami ema-Israyeli.

Jeremiya 23:16

Naku lokushiwo nguSimakadze Somandla, utsi: “Ningakulaleli lokuphrofethwa baphrofethi kini, banigcwalisa ngematsemba langemanga. Bakhuluma imibono yetingcondvo tabo, hhayi lokuphuma emlonyeni waSimakadze.

Sililo 2:4

Ujijimete umcibisholo wakhe njengesitsa, sandla sakhe sangesekudla silungele kulwa. Njengesitsa ujube bonkhe labebajabulisa emehlweni; watfulula lulaka lwakhe njengemlilo etikwelithende leNdvodzakati yaseSiyoni.

Hezekeli 13:7

Ngitsi kubo: Anizange niyibone yini imibono leyinkhohliso nekubhula lokungemanga ngesikhatsi nitsi: “Kusho Simakadze”, nome ngingakaze ngikhulume?

Hezekeli 44:21

Kufanele kubete umphristi lonatsa liwayini, nakatawungena esibuyeni lesingekhatsi.

Hoseya 7:5

Ngelilanga lemkhosi wenkhosi yetfu babusi badzakwa liwayini, yona yaselulela baphukuti sandla.

Mikha 2:11

Lesive sifuna luhlobo lwebaphrofethi labaphrofetha emanga nenkhohliso, batsi: ‘Ngiphrofetha kutsi liwayini netjwala kuyawuba ngimifula yenu yekunatsa.’

Habakhuki 2:15

“Maye kulowo muntfu lonatsisa bomakhelwane bakhe tjwala, abutfululele kuso sikhumbasikhwama, banatse baze badzakwe, entele kutsi atewubukela imitimba yabo nase bangcunu.

Habakhuki 2:16

Wena uyawudliwa ngemahloni esikhundleni sekudvunyiswa. Manje-ke selitfuba lakakho! Natsa nawe, ungcunuleke! Lendzebe lesuka esandleni saSimakadze sangasekudla seyijikela ngakuwe, nelihlazo liyawumbonya ludvumo lwakho.

Matewu 24:29

“Kepha masinyane nje emvakwaleto tinhlupheko, “ ‘lilanga liyawufiphala, nenyanga iyawubate kukhanya, netinkhanyeti tidzilike esibhakabhakeni, nemandla emkhatsi ayawunyakatiswa.’

Lukha 21:34

“Ticaphelisiseni! Ningatifaki kakhulu emadzilini nasekunatseni lokudzakanako, nasekunakeni tintfo talomhlaba, funa lelo langa linitume;

Kubase-Efesu 5:28

Emadvodza kufanele atsandze bafati bawo, njengobe atsandza imitimba yawo. Indvodza letsandza umfati wayo ititsandza yona.