Isaya 19:20 - Siswati 1996 Bible

²⁰ Kuyawuba tibonakaliso letikhumbuta ngaSimakadze longuSomandla eveni laseGibhithe. Nase bakhala kuSimakadze ngenca yebacindzeteli babo, uyawubatfumelela umsindzisi nemvikeli, yena loyawufike abephule.

Isaya 19:20 Iomraidhean Croise

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Eksodusi 2:23

Emvakweminyaka leminyenti Faro waseGibhithe wafa. Ema-Israyeli abubula ngalokugcilatwa kwawo, akhala kuNkulunkulu acela lusito. Kukhala kwawo kwenyuka kwefika kuNkulunkulu.

Eksodusi 3:7

Simakadze wakhuluma watsi: “Sengikubone ngempela kuhlushwa kwebantfu bami labaseGibhithe. Sengikuvile nekukhala kwabo ngekucindzetelwa nguletindvuna tabo temisebenti. Ngiyakwati kuhlupheka kwabo.

Isaya 19:4

BaseGibhithe ngitabanikela etandleni tenkhosi lenemandla nalenelulaka. Bayawubuswa yinkhosi leyesabekako,” kusho iNkhosi Simakadze lenguSomandla.

Isaya 20:4

kanjalo inkhosi yase-Asiriya iyawuhola baseGibhithe nebaseSudani labatfunjwe bangcunu, bangakafaki lutfo nasetinyaweni, labancane nalabadzala, bayawushwebheta ngetibunu tabo tisebaleni, kube lihlazo laseGibhithe.

Isaya 37:36

Ngako ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

Isaya 43:11

Mine, nginguye Simakadze, ngaphandle kwami kute umsindzisi.

Isaya 43:3

Ngobe mine nginguSimakadze Nkulunkulu wakho, Longcwele waka-Israyeli, uMsindzisi wakho, ngitawuhlawula ngelive laseGibhithe, ngishintjiselane iKushe neSheba ngawe.

Isaya 45:15

Ngempela unguNkulunkulu lotifihlako, awu, Nkulunkulu, neMsindzisi wema-Israyeli.

Isaya 52:5

Simakadze utsi: “Pho, yini nje manje loku lese ngikukhandza lapha? Ngobe sive sami sitsetfwe kwahanjwa naso mahhala, nalabo labasibusako bayaphukuta,” kusho Simakadze. “Libito lami liyahlanjalatwa ngaso sonkhe sikhatsi.

Isaya 55:13

Esikhundleni setihlahla temanyeva kuyawukhula tihlahla tesipheshula, esikhundleni senchachabutane kukhule mabovana. Loku kuyawuba sikhumbuto sekudvumisa Simakadze, kube sibonakaliso saphakadze, lesingeke sibhujiswe.”

Isaya 60:16

Uyawunatsa lubisi lwetive, umunyiswe emabeleni ebukhosi. Uyawube sewuyati-ke kutsi mine, Simakadze, nginguMsindzisi wakho, nekutsi Somandla wakaJakobe unguMhlengi wakho.

Isaya 63:8

Watsi: “Ngempela, basive sami, emadvodzana langeke angiyenge;” ngaloko-ke waba nguMsindzisi wabo.

Lukha 2:11

ngobe lamuhla nitalelwe emtini waDavide uMsindzisi longuKhristu iNkhosi.

kuThithusi 2:13

ngesikhatsi sisabheke kugcwaliseka kwelitsemba lelibusisekile, kubonakala kwenkhatimulo yebukhosi baNkulunkulu lomkhulu, uMsindzisi wetfu Khristu Jesu.

YaJakobe 5:4

Ase nibuke la, emaholo etisebenti letavuna emasimi enu leniwagodlile ayanimangalela anilahle ngelicala; nekukhala kwebavuni sekungenile etindlebeni teNkhosi Sebawothi.

Joshuwa 22:34

Sive sakaRubeni nesakaGadi tetsa lelilati libito tatsi: “NguFakazi emkhatsini wetfu kutsi Simakadze unguNkulunkulu.”