Isaya 10:32 - Siswati 1996 Bible

³² Lamuhla nje ema-Asiriya ayawumisa eNobi; ayawujikitisa tibhakela tawo entsabeni yeNdvodzakati yaseSiyoni, egcumeni laseJerusalema.

Isaya 10:32 Iomraidhean Croise

2 Tikhronike 32:1

Emvakwako konkhe loko Hezekiya asasebente konkhe ngekwetsembeka, Senaheribi, inkhosi yase-Asiriya, weta watawuhlasela lakaJuda. Wafike wemisa malungana nemadolobha latinqaba acabanga kutsi utatincobela wona abe ngewakhe.

2 Tikhronike 32:2

Watsi kube abone Hezekiya kutsi Senaheribi sewufikile, nekutsi utimisele kuhlasela iJerusalema,

Nehemiya 11:32

nase-Anathothi, naseNobi, nase-Ananiya,

Isaya 1:8

INdvodzakati yaseSiyoni seyisele njengendlu yekukhosela esivinini, nanjengelichugwana ensimini yemajoti, yebo, njengelidolobha lelivinjetelwe.

Isaya 10:24

Ngako-ke naku lokushiwo yiNkhosi, Simakadze lenguSomandla, itsi: “Awu, sive sami lesihlala eSiyoni, ningawesabi ema-Asiriya wona lanishaya ngendvuku aniphakamisele sagila, njengobe kwakwenta baseGibhithe.

Isaya 10:31

IMadmena iyabaleka; baseGebimu bagijimela kubhaca.

Isaya 11:15

Simakadze uyakomisa sihlenge selwandle lwaseGibhithe; uyakwelula sandla sakhe lesinemandla etikweYufrathe, ayihamule ngemoya loshisako. Lomfula uyakuwehlukanisa ekhatsi, ube ngimifula lesikhombisa, khona bantfu batekwewela bafake tincabule.

Isaya 13:2

“Phakamisani siboniso semphi, nisiphakamisele esicongweni sentsaba. Memetani kakhulu, nibakhwebe, khona batewuncandzeka babuye, bangene emasangweni alabaphakeme.

Isaya 16:1

Tfumelani emazinyane etimvu lesuka eSela, ngasehlane, aye entsabeni yeNdvodzakati yaseSiyoni, abe setfulo enkhosini yelive.

Isaya 19:16

Ngalelo langa baseGibhithe bayawuba njengebafati. Bayawutfutfumela ngenca yekwesaba ingalo yaSimakadze longuSomandla leyawube iphakanyiselwe kumelana nabo.

Isaya 2:2

Ngemalanga ekugcina intsaba yelithempeli laSimakadze iyawucina, ibe ngulephakeme kwendlula tonkhe tintsaba; iyawuphakanyiswa ibe ngetulu kwemagcuma, tonkhe tive tiyawubekelela tiye kuyo tingasakhawuli.

Isaya 29:2

Noko ngiyakuvimbetela i-Ariyeli, iyawukhala ilile kimi, iyawuba njengelilati lemlilo.

Isaya 37:22

nali-ke livi lelikhulunywe nguSimakadze lelimelene naye, litsi: “INdvodzakati yaseSiyoni iyakwedzelela, ikubukela phansi. INdvodzakati yaseJerusalema igencetisa inhloko yayo nawubaleka.

Isaya 8:8

uze utseleke kulakaJuda uligumbucele lonkhe, ulikhukhule uze uyewukhawula entsanyeni. Ngetimphiko tawo uyawulimbonya bubanti balo lonkhe lelo live lakho, awu Imanyuweli!”

Jeremiya 6:23

Bahlome ngebutjoki nangesikhali; banelulaka, abanamusa. Bevakala njengelwandle loludvumako, nabagijima ngemahhashi abo; beta njengebantfu labavivele imphi, batewuhlasela wena, awu, Ndvodzakati yaseSiyoni.”

Mikha 1:9

Emanceba ekushaywa nguSimakadze, ashaya iSamariya, angeke elapheke; yebo, naJuda utakwehlelwa ngulawo manceba. Kubhujiswa sekusemasangweni eJerusalema, lapho kuhlala khona bantfu bami.”

Zakhariya 2:9

Utsi: “Impela ngiyawuphakamisa sandla sami ngimelane nato, khona titewuba yimphango yetigcili tato. Ngulapho-ke niyawukwati khona kutsi nguSimakadze longuSomandla longitfumile.

1 Samuweli 21:1

Davide wahamba waya ku-Ahimeleki, umphristi, eNobi. Ahimeleki watfutfumela kakhulu, nakahlangana naye, wambuta watsi: “Uhambelani wedvwa? Awuhambi ngani nemuntfu?”

1 Samuweli 21:2

Davide waphendvula Ahimeleki, umphristi, watsi: “Inkhosi ingitfume indzaba letsite, yatsi: ‘Kufanele kubete lowatiko ngemsebenti wakho.’ Mine-ke lamadvodza akami ngiwatjele kutsi abongihlangabeta endzaweni letsite.

1 Samuweli 22:19

Wachubeka wahlasela nelidolobha laseNobi, lekwakulidolobha lebaphristi, wabulala emadvodza akhona, kanye nebafati bakhona, nebantfwana, netinswane, netinkhomo, netimbongolo kanye netimvu.

1 Samuweli 22:9

Kodvwa Dowegi, um-Edomu, labeme kanye netindvuna taSawula, watsi: “Ngiyibonile indvodzana yaJese iya eNobi ku-Ahimeleki, umsa wa-Ahitubi.