Imisebenti yebaPhostoli 5:39 - Siswati 1996 Bible

³⁹ kodvwa nangabe kuphuma kuNkulunkulu, ningeke nibehlule. Nitatikhandza kutsi senilwa naNkulunkulu.” Liqoqo lawulalela umyalo waGamaliyeli.

Imisebenti yebaPhostoli 5:39 Iomraidhean Croise

Genesisi 24:50

BoLabani naBethuweli baphendvula batsi: “Lendzaba le iphuma kuSimakadze. Tsine kute lesingakusho.

2 Samuweli 5:2

Kadzeni, ngesikhatsi Sawula aseyinkhosi etikwetfu, nguwe lowawuhola sive sema-Israyeli nasiyekulwa etimphini. Simakadze wakhuluma kuwe, watsi: ‘Wena utawuba ngumelusi wesive sami ema-Israyeli, ube ngumbusi waso.’ ”

1 Emakhosi 12:24

‘Nako lokushiwo nguSimakadze, utsi: “Ningakhuphuki kuyakulwa nabomnakenu, ema-Israyeli. Hambani niye emakhaya enu nonkhe, ngobe loku kungumuno wami.” ’ ” Ngako balilalela livi laSimakadze babuyela emakhaya abo, njengobe abeshito.

2 Emakhosi 19:22

Ngubani lona lometfukile wamhlambalata? Ngubani lona bewumbhodlela umetfwalela emehlo? NguLongcwele waka-Israyeli!

Jobe 34:29

Kodvwa kube uthulile, ngubani labengamsola? Nakangafihla buso bakhe, ngubani longambona? Noko ubusa etikwemuntfu netive ngalokufananako,

Taga 21:30

Kuhlakanipha kwemuntfu, nekucondza kanye nemyalo longiwo sibili kungeke kukusite, nangabe kucondzene nekumelana naSimakadze.

Isaya 43:13

“Yebo, kusukela endvulo solomane Nginguye. Kute longakhulula esandleni sami. Nangenta lutfo, ngubani longakujikisa loko?”

Isaya 45:9

Maye kulowo lolwa neMenti wakhe, kuye lowo loludzengelo nje emkhatsini wetindzengelo temhlaba. Libumba like lisho yini kumbumbi walo litsi: ‘Ubumbani?’ Umsebenti wakho ungake usho yini utsi: ‘Ute tandla’?

Isaya 46:10

Ngimemetela siphetfo kusukela ekucaleni, kusukela etikhatsini takadzeni ngimemetela loko lokutakwenteka. Ngitsi mine: ‘Injongo yami iyakuma, ngiyawukwenta konkhe loko lese ngikuhlelile.’

Danyela 4:35

Tonkhe tive temhlaba titsatfwa njengelite. Wenta njengobe yena atsandza kuwo emandla asezulwini nakuto tive temhlaba. Kute namunye longavimbela sandla sakhe, nome atsi kuye: ‘Sewenteni?’

Matewu 16:18

Nami-ke ngitsi: UnguPhetro . Etikwalelidvwala ngiyakulakha libandla lami, nemandla ekufa angeke alehlule.

Lukha 21:15

ngobe phela ngiyawuninika emavi nekuhlakanipha lekuyawubate nome sinye setitsa tenu lesiyawuba nemandla ekumelana nekuphikisana nani.

Imisebenti yebaPhostoli 11:17

Nangabe-ke Nkulunkulu wabapha laba betive lesipho lesifana naleso lasipha sona tsine nasikholwa eNkhosini Jesu Khristu, mine-ke bengingubani kutsi ngingemelana naNkulunkulu?”

Imisebenti yebaPhostoli 23:9

Lomsindvo wekuphikisana waya ngekwandza, letinye tati temtsetfo telicembu lebaFarisi tasukuma tabeka inkhulumo lecosheme tatsi: “Asiliboni licala kulomuntfu. Kutawutsiwani-ke, nangabe umoya nome ingilosi yakhuluma ngempela kuye?”

Imisebenti yebaPhostoli 6:10

Kodvwa Moya wanika Stefano kuhlakanipha kangangobe abetsi nakakhuluma behluleke nekumphikisa.

Imisebenti yebaPhostoli 7:51

“Maye, ninenkhani! Maye, anikholwa etinhlitiyweni tenu! Maye, nitihhulu ekuveni livi laNkulunkulu! Nifute bokhokho benu, nani niphikisana naMoya Longcwele.

Imisebenti yebaPhostoli 9:5

Waphendvula watsi: “Ungubani, wena Nkhosi?” Livi laphendvula latsi: “NginguJesu, lomhluphako!

1 kubaseKorinthe 1:25

Ngobe bulima baNkulunkulu buhlakaniphile kunekuhlakanipha kwebantfu, nebutsakatsaka baNkulunkulu bunemandla kunemandla ebantfu.

1 kubaseKorinthe 10:22

Sifuna kutsi iNkhosi ibe nesikhwele yini? Sinemandla yini kunayo?