Imisebenti yebaPhostoli 4:19 - Siswati 1996 Bible

¹⁹ Kodvwa boPhetro naJohane babaphendvula batsi: “Nine ngekwenu ake senisho kutsi ngukuphi lokulungile ebusweni baNkulunkulu, kulalela nine yini nome kulalela Nkulunkulu?

Imisebenti yebaPhostoli 4:19 Iomraidhean Croise

1 Emakhosi 12:30

Leyontfo yaba sono lesikhulu; bantfu babehamba baze befike ngisho kulakaDani bayewukhonta lelo tfole lelalilapho.

1 Emakhosi 13:19

Ngako lomuntfu waNkulunkulu wancandzeka naye wayakudla naye, wanatsa naye endlini kakhe.

1 Emakhosi 14:16

Simakadze utasiyekelela sive saka-Israyeli ngenca yetono letentiwe nguJerobowamu, leto ladvonsela ngato sive saka-Israyeli ekoneni.”

1 Emakhosi 21:11

Ngako baholi nebahlonishwa labebahlala edolobheni lakuboNabothi benta njengobe batjelwe nguJezebeli etincwadzini labebabhalele tona.

1 Emakhosi 22:14

Kodvwa Mikhaya waphendvula watsi: “Ngifunga kuphila kwaSimakadze, ngitamtjela loko lengikutjelwa nguSimakadze kuphela.”

2 Emakhosi 16:15

Inkhosi Ahazi yase iyala umphristi Uriya, yatsi: “Kulelilati lelikhulu lelisha, ubonikela ngemnikelo wasekuseni wekushiswa kanye nangemnikelo wasentsambama walokutinhlavu, nangemnikelo wenkhosi wekushiswa, nangemnikelo wayo walokutinhlavu, nangemnikelo wekushiswa wesive sonkhe, nangemnikelo waso walokutinhlavu, nangemnikelo waso wesinatfo. Ubonyenyeta etikwelilati yonkhe ingati yemnikelo wekushiswa neyemihlatjelo. Kodvwa mine ngitawusebentisa lelilati lelitfusi, nangifuna teluleko.”

2 Emakhosi 16:16

Umphristi Uriya wenta njengobe inkhosi Ahazi imyalile.

Tihlabelelo 58:1

Kambe ngabe nine baholi nehlulela ngalokulungile yini? Bantfu nibehlulela ngekulunga yini? Anehluleli ngekukhetsa yini?

Eksodusi 1:17

Kodvwa babelekisi besaba Nkulunkulu, ngako abazange bawente lomyalo wenkhosi, babengatibulali letinswane letibafana.

Jeremiya 26:12

Jeremiya wase ukhuluma kuto tonkhe letiphatsimandla nakubo bonkhe labantfu, watsi: “Simakadze ungitfumile kutsi ngitewuphrofetha ngalendlu nangalelidolobha tonkhe letintfo lesenitivile.

Danyela 3:18

Kodvwa-ke nome angakakwenti loko, sifuna kutsi wena wati, nkhosi, kutsi tsine singeke sibakhonte labonkulunkulu bakho, nome sikhotsame kulesithico sakho segolide losimisile.”

Danyela 6:10

Watsi kube Danyela eve kutsi sekubhalwe lomtsetfosimemetelo, wahamba waya ekhaya lakhe ekamelweni lelisetulu, lapho emafasitelo akhona abevulekela ngaseJerusalema. Abeguca ngemadvolo katsatfu ngelilanga, athandaze, abonga Nkulunkulu wakhe, njengobe abevame kwenta ngaphambili.

Hoseya 5:11

Efrayimu ucindzetelekile wagcotjwagcotjwa ngekwehlulelwa, ngobe utimisele kulandzela tithico.

Amose 7:16

Manje-ke vani livi laSimakadze. Wena watsi: “ ‘Ungaphrofethi lokumelene na-Israyeli. uyekele nekushumayela umelane nendlu ya-Isaka.’

Mikha 6:16

Loko kuyakwenteka, ngobe nilandzele imikhuba lemibi yenkhosi Omri nendvodzana yakhe Ahabi. Nichubeke nalandzela imitsetfo yabo, ngaloko-ke ngiyawunibhubhisa; bonkhe bantfu bayawunibukela phansi. Bantfu yonkhe indzawo bayawunedzelela ngendzelelo.”

Matewu 22:21

Bamphendvula batsi: “KwaKhesari.” Ngako watsi kubo: “Yebo-ke, nikani Khesari lokukwaKhesari; ninike Nkulunkulu lokukwaNkulunkulu!”

Lukha 22:8

Jesu watfuma boPhetro naJohane watsi: “Hambani niyewulungisela liPhasika sitewudla.”

Johane 7:24

Ningabokwehlulela ngekubuka kwemehlo enu, kodvwa yehlulelani ngekwehlulela lokulungile!”

Imisebenti yebaPhostoli 4:13

Emalunga aleLiqoqo letiphatsimandla amangala kubona sibindzi saboPhetro naJohane, nekubona kutsi babebantfukatana nje labebangakafundzi. Bavele babona kutsi babehamba naJesu.

Imisebenti yebaPhostoli 5:28

Watsi: “Saniyalisisa kutsi ningafundzisi ngelibito lalomuntfu, kodvwa ase nibuke lesenikwentile! Senisakate lemfundziso yenu yaze yagcwala lonkhe lelidolobha laseJerusalema, senifuna kutsi sibe nelicala ngekufa kwakhe!”

Imisebenti yebaPhostoli 5:29

Phetro nalabanye baphostoli baphendvula batsi: “Kufanele silalele Nkulunkulu kunekulalela bantfu.

1 kubaseKorinthe 10:15

Ngikhuluma kini njengakubantfu labahlakaniphile; phenyisisani kahle kutsi ngisho kutsini.

2 kubaseKorinthe 4:2

Sesiyilahle yonkhe imisebenti yebumnyama neyelihlazo asiphili ngebucili, asiliphambanisi livi laNkulunkulu, kepha sibeka liciniso laNkulunkulu ebaleni, kunembeza webantfu bonkhe embikwaNkulunkulu.

Kubase-Efesu 6:1

Bantfwana, hloniphani batali benu eNkhosini, ngobe loko kulungile.

1 kuThimothi 2:3

Loku kuhle, kuyemukeleka kuNkulunkulu uMsindzisi wetfu,

KumaHebheru 11:23

Ngekukholwa batali baMosi, aseluswane, bamfihla tinyanga letintsatfu, ngobe bambona kutsi muhle; abesabanga kungawulaleli umtsetfo wenkhosi yaseGibhithe.

YaJakobe 2:4

ngekwenta njalo anikhetsi yini ngekutsi nibe behluleli ngemicabango lemibi?