Imisebenti yebaPhostoli 3:19 - Siswati 1996 Bible

¹⁹ Ngako, phendvukani, nibuyele kuNkulunkulu, kuze esule licala letono tenu,

Imisebenti yebaPhostoli 3:19 Iomraidhean Croise

Tihlabelelo 103:12

Njengobe imphumalanga yehlukene nenshonalanga utikhweshise kangako-ke tono tetfu kitsi.

Tihlabelelo 51:13

ngiyawube sengifundzisa lababi tindlela takho, netoni tiyawuphendvuka tibuyele kuwe.

Tihlabelelo 51:9

Fihla buso bakho etonweni tami, wesule bonkhe bubi bami.

Isaya 43:25

“Mine, ngimi, losusa tiphambuko takho ngenca yami, tono takho angiphindzi ngitikhumbule.

Isaya 44:22

Tikhubekiso takho ngitishanyele njengelifu. netono takho njengenkhungu yasekuseni. Buyela kimi, ngobe sengikuhlengile.”

Isaya 51:11

Labahlawulelwe baSimakadze bayawubuya. Bayawungena eSiyoni ngekuhlabela nangekujabula kwaphakadze lokuyawuba ngumchele etinhloko tabo. Kutfokota nekujabula kuyawuba kubo, lusizi nekububula kubabalekele.

Isaya 6:10

Yenta inhlitiyo yalabantfu ibe ndzindzima, netindlebe tabo tibe butfuntfu ekuveni, uvale nemehlo abo, bangahle babone ngemehlo abo, beve ngetindlebe tabo, bacondzisise ngetinhlitiyo tabo, bagucuke, bese bayaphiliswa.”

Isaya 61:3

labakhala eSiyoni babonelelwe, banikwe umchele webuhle esikhundleni semlotsa, banikwe nemafutsa enjabulo esikhundleni sesililo, banikwe ingubo yekudvumisa esikhundleni semoya lodzabukile. Bayawubitwa ngekutsi batihlahla tekulunga, letihlanyelwe nguSimakadze, kuze kubonakaliswe inkhatimulo yakhe.

Isaya 61:9

Titukulwane tabo tiyakwatiwa emkhatsini wetive, nentalelwane yabo emkhatsini wetive. Bonkhe labababonako bayawuvuma kutsi basive lesibusiswe nguSimakadze.”

Jeremiya 36:3

Mhlawumbe bantfu bakaJuda nabeva ngato tonkhe letigameko lengase ngitimisele kubashaya ngato, ngulowo nalowo kubo uyawuphendvuka endleleni yakhe lembi, ngako-ke ngiyawube sengiyabatsetselela ebubini babo nasetonweni tabo.”

Jeremiya 50:20

Kulawo malanga, nangaleso sikhatsi, kuyawuphenywa ngelicala laka-Israyeli, kodvwa aliyiwutfolakala, kuphenywe nangetono takaJuda, kodvwa kute nasinye lesiyawutfolakala, ngobe ngiyakuyitsetselela insali lengayishiya,” kusho Simakadze.

Sililo 3:40

Asihlolisise tindlela tetfu sitivivinye, bese sibuyela kuSimakadze.

Sililo 5:21

Awu! Simakadze, sibuyisele kuwe, kuze natsi sitewubuyela kuwe; sivusetele emalanga etfu abe njengemalanga asendvulo.

Hezekeli 33:11

Khuluma kubo utsi: ‘Ngifunga kuphila kwami, kusho iNkhosi Simakadze, angikujabuleli kufa kwalomubi, kodvwa ngitsandza kutsi agucuke etindleleni takhe letimbi aphile. Gucukani! Gucukani etindleleni tenu letimbi! Ningafelani, ninendlu yaka-Israyeli?’

Danyela 9:13

Njengobe kubhaliwe emtsetfweni waMosi, yonkhe lenhlekelele yehlele etikwetfu, kodvwa tsine sisengakabufunisisi buso baSimakadze Nkulunkulu wetfu, ngekutsi siphendvuke etonweni tetfu, sinakekele ngekucophelela liciniso lakho.

Hoseya 14:2

Tsatsani emavi nibuyele nawo kuSimakadze. Thandazani kuye, nitsi: “Sitsetselele tonkhe tono tetfu, usemukele ngemusa, khona sitewunikela ngetitselo temilomo yetfu.

Joweli 2:13

Dzabulani tinhlitiyo tenu, hhayi tembatfo tenu. Buyelani kuSimakadze Nkulunkulu wenu, ngobe unemusa nesihawu, uyephuta kutfukutsela, unelutsandvo loluphuphumako, atsambe, angete ayehlisa inhlekelele.

Matewu 13:15

Ngobe inhlitiyo yalesive seyaba lukhuni, netindlebe tabo tiva kamatima, emehlo abo bawavalile; funa mhlawumbe ngemehlo abo babone, nangetindlebe tabo beve, nangetinhlitiyo tabo bacondze baphendvuke, bese ngiyabaphilisa.’

Matewu 18:3

watsi: “Ngicinisile, ngitsi kini: Naningaphendvuki nibe njengebantfwana, ningeke ningene embusweni welizulu.

Lukha 1:16

Uyawubuyisela bantfu labanyenti baka-Israyeli kuNkulunkulu, iNkhosi yabo.

Lukha 22:57

Kodvwa Phetro waphika watsi: “Ntfombatana! Angimati nekumati!”

Imisebenti yebaPhostoli 1:6

Kwatsi nase bahlangene ndzawonye baphostoli naJesu, bambuta batsi: “Nkhosi, sengiso yini lesikhatsi lotawubuyisela ngaso umbuso kuma-Israyeli?”

Imisebenti yebaPhostoli 11:18

Batsi nabeva loko, babindza, base badvumisa Nkulunkulu batsi: “Nembala Nkulunkulu sewunike nebetive litfuba lekuphendvukela ekuphileni.”

Imisebenti yebaPhostoli 11:21

Sandla seNkhosi sasinabo, bantfu labanyenti bakholwa baphendvukela eNkhosini.

Imisebenti yebaPhostoli 15:3

Endleleni yabo batfunywe libandla, basadzabula eFenisiya naseSamariya babika kutsi betive baphendvukela kanjani kuNkulunkulu; letindzaba taletsa kujabula lokukhulu kubazalwane bonkhe.

Imisebenti yebaPhostoli 17:26

Wenta tonkhe tive ngamuntfu munye kutsi tihlale ebusweni bonkhe bemhlaba, wemisa tikhatsi tekuphakama netekwehla kwato kanye nemikhawulo lapho kufanele tigcine khona.

Imisebenti yebaPhostoli 2:38

Phetro wabaphendvula watsi: “Phendvukani nibhajatiswe nonkhe ngamunye ngamunye egameni laJesu Khristu, kuze nitsetselelwe tono tenu nemukeliswe nesipho lesinguMoya Longcwele.

Imisebenti yebaPhostoli 28:27

ngobe inhlitiyo yalesive seyaba lukhuni, nangetindlebe tabo beva kamatima, emehlo abo bawavalile; funa mhlawumbe emehlo abo abone, nangetindlebe tabo beve, nangetinhlitiyo tabo bacondzisise, baphendvuke, bese ngiyabaphilisa.’ ”

Imisebenti yebaPhostoli 3:20

kuze kufike tikhatsi Nkulunkulu ahlumelelise imiphefumulo yenu ngekutfumela Jesu longuKhristu, lanikhetsela yena kucala.

Imisebenti yebaPhostoli 3:21

Kufanele ahlale ezulwini kuze kufike sikhatsi lapho konkhe kuyakwentiwa kube kusha, njengobe Nkulunkulu amemetela emandvulo ngebaphrofethi bakhe labangcwele.

KubaseRoma 11:25

Bazalwane, ngitsandza kutsi niyati lemfihlakalo yeliciniso; ngobe naningayati, ningahle nicabange kutsi nihlakaniphile. Lemfihlakalo kutsi labanye bema-Israyeli behlelwa bulukhuni khona kutewutsi betive bahlunyeleliswe ngalokuphelele.

2 kubaseThesalonika 1:10

Loko kuyakwenteka ngelilanga nayifika kutawudvunyiswa kulabangcwele bayo, bayibabate bonkhe labakholwako; nani niyawube nisemkhatsini wabo, ngobe nani nabemukela bufakazi betfu ngayo.

2 kubaseThesalonika 1:7

bese uletsa kuphumula kini nine lenihluphekako, kanye nakitsi ngesikhatsi iNkhosi Jesu yembulwa ivela ezulwini, ikanye netingilosi tayo letinemandla.

2 kuThimothi 2:25

sibayale ngemoya lomnene labo labamelene naso, mhlawumbe Nkulunkulu angabanika kuphendvuka, badzimate balati liciniso,

KumaHebheru 4:1

Ngako-ke asesabe, funa kube khona emkhatsini wenu lobonakala shangatsi sewusigejile lesitfuba, ngobe sisemile lesetsembiso saNkulunkulu sekungena ekuphumuleni kwakhe.

1 yaPhetro 2:25

Ngobe beninjengetimvu letedukile; kodvwa manje seniphendvukele kuMelusi neMlondvoloti wemiphefumulo yenu.

2 yaPhetro 3:8

Kepha, batsandzekako, ningakhohlwa kutsi lilanga lilinye eNkhosini lingangeminyaka leyinkhulungwane, nekutsi iminyaka leyinkhulungwane ingangelilanga linye.

Sembulo 21:4

Uyakwesula tonkhe tinyembeti emehlweni abo, sekuyawubate kufa, nekulila, nekukhala, nebuhlungu, ngobe kwakucala sekwendlulile.”