Imisebenti yebaPhostoli 24:2 - Siswati 1996 Bible

² Kwabitwa Thethulusi wefike wabeka Pawula licala watsi: “Mhlonishwa! Sifanele kukubonga ngenhlakanipho yebuholi bakho lesiletsele kuthula sikhatsi lesidze kangaka, nekutsi tingucuko letinyenti letifanele kuba khona tiyenteka ekusiteni sive.

Imisebenti yebaPhostoli 24:2 Iomraidhean Croise

Tihlabelelo 10:3

Lomubi utigabatisa ngetinkhanuko takhe; uyamtusa lohlazisako, yebo, lomubi wedzelela Nkulunkulu.

Taga 26:28

Umuntfu localemanga uyabatondza labo labacalela emanga, nelulwimi lolumphacambili luletsa kufa.

Taga 29:5

Umuntfu lolutsa makhelwane wakhe ambonge ngelite, utetsiya yena.

Imisebenti yebaPhostoli 24:1

Emvakwemalangana lasihlanu umPhristi Lomkhulu Ananiyase wehlela eKhesariya netibondza tenkholo yemaJuda kanye naThethulusi, ummeli. Befika kuLusibalukhulu Feliksi batewubeka Pawula licala.

Imisebenti yebaPhostoli 24:3

“Mhlonishwa Feliksi, konkhe loko sikwemukela ngenhlitiyo lemhlophe, nome kwentiwa ngayiphi indlela nome kwentiwa kuyiphi indzawo.

YaJuda 1:16

Labantfu laba bati kukhonona nje nekusola yonkhe intfo, bahamba ngetinkhanuko tabo letimbi, bayatigabatisa, bashaya ticetse, khona kutawuphumelela bona.