Imisebenti yebaPhostoli 23:9 - Siswati 1996 Bible

⁹ Lomsindvo wekuphikisana waya ngekwandza, letinye tati temtsetfo telicembu lebaFarisi tasukuma tabeka inkhulumo lecosheme tatsi: “Asiliboni licala kulomuntfu. Kutawutsiwani-ke, nangabe umoya nome ingilosi yakhuluma ngempela kuye?”

Imisebenti yebaPhostoli 23:9 Iomraidhean Croise

Taga 16:7

Nangabe umuntfu ajabulisa Simakadze ngesimilo sakhe, Simakadze ubese wenta titsa takhe tihlalisane kahle naye.

Jeremiya 26:16

Ngako letiphatsimandla nabo bonkhe bantfu bakhuluma kubaphristi nakubaphrofethi, batsi: “Lomuntfu akukafaneli kutsi agwetjwe intsambo! Ukhulume kitsi egameni laSimakadze Nkulunkulu wetfu.”

Makho 2:16

Tati temtsetfo telicembu lebaFarisi tambona adla netoni nebatselisi, tabuta bafundzi bakhe tatsi: “Kwentiwa yini kutsi adle netoni kanye nebatselisi?”

Lukha 23:22

Philatu waphindza kwesitsatfu watsi kubo: “Kodvwa cala lini lalentile? Kute lengikhandze kutsi ukwentile lokungaze kwente kutsi adzimate abulawe. Ngako-ke ngitamshaya ngimbhambabule, bese ngiyamkhulula.”

Lukha 23:4

Philatu watsi kubaphristi labakhulu naseticunjini tonkhe: “Angitfoli cala kulomuntfu.”

Lukha 5:30

Labanye baFarisi netati temtsetfo telicembu labo tasola bafundzi baJesu. Tabuta tatsi: “Nidlelani nebatselisi kanye netoni nibuye ninatse nato?”

Johane 12:29

Bantfu lababeme lapho baliva lelivi bacabanga batsi: “Belidvuma.” Labanye batsi: “Ingilosi ikhulume kuye.”

Imisebenti yebaPhostoli 11:17

Nangabe-ke Nkulunkulu wabapha laba betive lesipho lesifana naleso lasipha sona tsine nasikholwa eNkhosini Jesu Khristu, mine-ke bengingubani kutsi ngingemelana naNkulunkulu?”

Imisebenti yebaPhostoli 22:6

“Ngangisahamba sengitawufika eDamaseko, kwatsi sekutawuba ngusemini lenkhulu, kukhanya lokukhulu lokwakuphuma ezulwini kwangibaneka ndzawo tonkhe.

Imisebenti yebaPhostoli 22:7

Ngawela phansi ngeva livi litsi: ‘Sawula! Ye Sawula! Ungihluphelani?’

Imisebenti yebaPhostoli 23:29

Ngakhandza kutsi kute nome kunye lakwentile lokungaze kumente afanelwe kubulawa nome afakwe advonse ejele; kuphela nje uboshelwe imibuzo nemitsetfo yabo.

Imisebenti yebaPhostoli 23:8

Phela baSadusi bebatsi kute kuvuka kulabafile, kute tingilosi, nekutsi kute nemimoya; kodvwa baFarisi babekholwa kutsi kokutsatfu kukhona.

Imisebenti yebaPhostoli 25:25

Kodvwa mine ngekwami kute lokubi lengitfole kutsi ikwentile lokungayenta ize ijeziswe ngentsambo. Kodvwa njengobe yona icele kutsi ilendlulisele ku-Agustusi, nami-ke sengincume kuyitfumela kuye.

Imisebenti yebaPhostoli 26:31

Nase baphumile, sebakhulumisana bodvwana batsi: “Lendvodza ayikenti lutfo lolufanele kutsi ife nome iboshwe.”

Imisebenti yebaPhostoli 27:23

Ngobe kulobusuku balamuhla ingilosi yaNkulunkulu, lengiwakhe nalengimkhontako, ime eceleni kwami

Imisebenti yebaPhostoli 5:39

kodvwa nangabe kuphuma kuNkulunkulu, ningeke nibehlule. Nitatikhandza kutsi senilwa naNkulunkulu.” Liqoqo lawulalela umyalo waGamaliyeli.

Imisebenti yebaPhostoli 9:4

Washayeka phansi, weva livi litsi kuye: “Sawula! Ye Sawula! Ungihluphelani?”

1 kubaseKorinthe 10:22

Sifuna kutsi iNkhosi ibe nesikhwele yini? Sinemandla yini kunayo?

1 Samuweli 12:5

Samuweli wakhuluma kubo, watsi: “Simakadze ngufakazi lomelene nani, kantsi nalogcotjiwe wakhe ungufakazi lamuhla nje kutsi anikatfoli cala etandleni tami.” Nabo batsi: “Ungufakazi.”

1 Samuweli 24:17

Sawula wakhuluma kuDavide, watsi: “Wena ulunge kakhulu kwengca mine; ngobe wena ungentele lokuhle, kodvwa mine ngikubonge ngebubi.