Imisebenti yebaPhostoli 23:6 - Siswati 1996 Bible

⁶ Kodvwa njengobe Pawula abesabonile kutsi babehlukene kabili, labanye kubaSadusi, labanye kubaFarisi, waphakamisa livi alicondzise kuleLiqoqo watsi: “Madvodza, bazalwane, mine ngingumFarisi lotalwa baFarisi; la ngimangalelwe ngelitsemba lekutsi labafile bayawuvuka baphile.”

Imisebenti yebaPhostoli 23:6 Iomraidhean Croise

Matewu 10:16

“Lalelani! Nginitfuma njengetimvu emkhatsini wetimphisi. Ngako-ke hlakaniphani njengetinyoka, nibete bucili njengematuba.

Matewu 22:23

Ngalo lelo langa kwefika kuye baSadusi labatsi kute kuvuka kulabafile,

Matewu 3:7

Kepha watsi nakabona labanyenti bebaFarisi nebaSadusi beta embhabhatisweni, wababuta watsi: “Ntalo yetinyoka, ngubani lonitjele watsi: ‘Balekelani lolulaka lolutako’?

Imisebenti yebaPhostoli 22:3

“Mine ngiliJuda lekutalwa, ngatalelwa eThasusi leseSilisiya, kodvwa ngifundze la eJerusalema, ngifundziswa nguGamaliyeli. Ngatfola kuceceshwa lokushubile ngemtsetfo wabokhokho betfu, futsi ngangitinikele ngenshisekelo lenkhulu kuNkulunkulu njengani nonkhe lenilapha embikwami lamuhla.

Imisebenti yebaPhostoli 22:30

Khenela watsandza kwati kahle-hle kutsi emaJuda abembeka licala lani loPawula. Ngako-ke ngakusasa watsi akatfukululwe tinketane. Wase ubita umhlangano wetikhulu tebaphristi kanye nalo lonkhe Liqoqo. Waletsa Pawula embikwabo.

Imisebenti yebaPhostoli 22:5

ngisho umPhristi Lomkhulu neLiqoqo lonkhana lingangifakazela kutsi loku lengikushoko kuliciniso. Nganikwa ngabo tincwadzi letatiyimvume ticondziswe kubazalwane labangemaJuda eDamaseko, ngako-ke ngangicondze khona kuyawubopha labo bantfu ngibaletse la eJerusalema, baboshwe ngetinketane, batewujeziswa.”

Imisebenti yebaPhostoli 23:1

Pawula walibukisisa leLiqoqo watsi: “Madvodza, bazalwane, nembeza wami ungufakazi wami embikwaNkulunkulu kutsi imphilo yami yonkhe beyimsulwa, kwaze kwaba ngulamuhla lo ngila.”

Imisebenti yebaPhostoli 23:15

Ngako-ke, nine neLiqoqo, tfumelani livi kukhenela wemaRoma nicele ehlise Pawula ete la kini, nente shangatsi kukhona lenifuna kukutfolisisa kahle ngalendzaba yakhe. Tsine-ke sitatilungiselela kutsi simbulale angakefiki lapha kini.”

Imisebenti yebaPhostoli 23:20

Lamtjela latsi: “EmaJuda asavumelene ngekutsi akucele kutsi kusasa nje wehlise Pawula aye kulelibandla leLiqoqo, bente shangatsi leLiqoqo lifuna kutfolisisa kahle ngaye.

Imisebenti yebaPhostoli 23:7

Watsi kube asho njalo, baFarisi nebaSadusi bacala baphikisana bodvwana, umhlangano wehlukana ekhatsi.

Imisebenti yebaPhostoli 24:15

ngekubeka litsemba kuNkulunkulu lababambelele kulo nabo lekutsi bonkhe bantfu, labalungile nalabangakalungi, bayawuvuka ekufeni.

Imisebenti yebaPhostoli 24:21

ngaphandle kwentfo yinye nje lengayikhuluma ngisesemkhatsini wabo, ngamemeta ngatsi: ‘Lamuhla ngimangalelwe ngelitsemba lekutsi labafile bayawuvuka baphile.’ ”

Imisebenti yebaPhostoli 28:20

Kungako ngicele kunibona nje ngikhulume nani; ngobe ngiboshwe ngaletinketane ngenca yakhe lolitsemba lebantfu baka-Israyeli.”

KubaseFiliphi 3:5

Ngobe ngasokwa ngelilanga lesiphohlongo, futsi ngiweluhlanga lwaka-Israyeli, wesive sakaBhenjamini, umHebheru wemaHebheru; ngekwemtsetfo ngingumFarisi.

KubaseKholose 1:5

Sibonga litsemba lenibekelwe lona ekhaya ezulwini, leneva ngalo kucala ngesikhatsi kushunyayelwa kini livi leliciniso, liVangeli.

KumaHebheru 6:19

Ngulelo litsemba letfu lemiphefumulo yetfu. Linjengesisimiso semkhumbi, lisiphephelo lesicinile, lingenisana ngekhatsi kwesihenco, endzaweni lengcwelengcwele,