Imisebenti yebaPhostoli 21:27 - Siswati 1996 Bible

²⁷ Kwatsi lapho sekusele kancane kutsi kuphele emalanga lasikhombisa, emaJuda ase-Asiya abona Pawula asethempelini, ase afaka kubantfu umoya wetikhova wekutsi basuse siphitsiphitsi, ambamba,

Imisebenti yebaPhostoli 21:27 Iomraidhean Croise

Imisebenti yebaPhostoli 26:21

Ngiko loko-ke lokwenta emaJuda angibambe ethempelini afune kungibulala.

Imisebenti yebaPhostoli 24:18

Bangikhandza ethempelini sengihlanjululiwe. Kwakungekho sicumbi sebantfu, kungekho nasiphitsiphitsi.

Imisebenti yebaPhostoli 13:50

Kodvwa emaJuda afaka umoya wetikhova ebafatini lababehloniphekile lababephendvukele enkholweni yebuJuda nasemadvodzeni labesembili kulelo dolobha. Bacala bahlupha boPawula naBhanabasi, babacosha kuleyo ndzawo yakubo.

Imisebenti yebaPhostoli 18:12

Kwatsi ngesikhatsi kuphetse Galiyo e-Akhaya, onkhe emaJuda ase ahlanganyela Pawula ambamba amyisa enkantolo,

Imisebenti yebaPhostoli 17:13

Kwatsi kube emaJuda aseThesalonika eve kutsi livi laNkulunkulu belishunyayelwa nguPawula naseBheriya, efika nakhona kutewususa sidvungudvungu.

Imisebenti yebaPhostoli 14:19

Lamanye emaJuda efika aphuma e-Antiyokhi yasePhisidiya nase-Ikhoniyumi; asasivumisile sicuku, agcoba Pawula ngematje, amhudvulela ngephandle kwelidolobha acabanga kutsi sewufile.

Imisebenti yebaPhostoli 14:5

Kwatsi nakusuka siphitsiphitsi emkhatsini webetive, nemaJuda, nebaholi bawo, bafuna kuhlupha nekugcoba baphostoli ngematje,

Imisebenti yebaPhostoli 14:2

Kepha emaJuda labengakholwa afaka lulwimi lolubi kubetive kuze bavukele bazalwane.

Imisebenti yebaPhostoli 6:12

Ngalelicebo labo benta kutsi bonkhe bantfu, netibondza, netati temtsetfo timvukele kamatima. Bamdvumela Stefano, bambamba, bammikisa embikweLiqoqo letiphatsimandla.

Imisebenti yebaPhostoli 5:18

Bababopha baphostoli, babafaka ejele,

Imisebenti yebaPhostoli 4:3

Ngako bababopha babafaka ejele kwaze kwaba ngakusasa, ngobe lase lishonile lilanga.

Lukha 21:12

“Noko, ngembili kwako konkhe loku niyawutingelwa, niboshwe niletfwe emasinagogeni, nibekwe emacala bese nifakwa emajele; niyawuletfwa embikwemakhosi nebabusi ngenca yelibito lami.

1 Emakhosi 21:25

Kute indvodza lenjenga-Ahabi leyatitsengisa yona ekwenteni bubi emehlweni aSimakadze, ifucwa ngumkayo Jezebeli.

Numeri 6:9

“ ‘Nangabe umuntfu afa ngekutumeka eceleni kwakhe, ngaloko kungcole tinwele takhe lasanikele ngato, uyawuhhula inhloko yakhe ngelilanga lekuhlanjululwa kwakhe, lekulilanga lesikhombisa.

Numeri 6:13

“ ‘Lona-ke ngumtsetfo wemNaziri, nasekuphele sikhatsi sakhe sekutehlukanisela: Uyawuletfwa embikwemnyango welithende lekuhlangana,

Numeri 19:11

“Umuntfu loyawutsintsa sidvumbu nome ngabe sabani uyawuba ngulongcolile ngekwemtsetfo emalanga lasikhombisa.

Imisebenti yebaPhostoli 2:9

Siphuma ePhathiya, eMediya nase-Elamu, eMesophothamiya, eJudiya naseKhaphadosiya, ePhontusi nase-Asiya,

Imisebenti yebaPhostoli 6:9

Kodvwa labanye bantfu lababemphikisa babengemalunga elisinagoge leBantfu Labakhululiwe, lalilemaJuda labephuma eSirene nase-Alekzandriya. Bona nalamanye emaJuda aseSilisiya nase-Asiya bacala baphikisana naStefano.

Imisebenti yebaPhostoli 16:6

Base badzabula live laseFrigiya nelaseGalathiya, ngobe Moya Longcwele wabalela kushumayela livi leNkhosi eveni lase-Asiya.

Imisebenti yebaPhostoli 20:19

ngikhonta iNkhosi ngekutfobeka konkhe, nangetinyembeti, nangekulingwa lengahlangana nako ngemacebo emaJuda.

Imisebenti yebaPhostoli 24:11

“Njengobe nawe ungatibonela nje, kutsi abengakapheli emalanga lali-12 ngifikile kutawukhonta eJerusalema,

2 kubaseKorinthe 11:26

Eluhambeni lwami ngabasetingotini temifula, nasetingotini tetigelekece, nasetingotini kubantfu bakitsi, nasetingotini kubetive, nasetingotini tasemadolobheni, nasetingotini temaphandleni, nasetingotini telwandle, nasetingotini kubazalwanembumbulu.

1 kubaseThesalonika 2:16

Adzimate asivimbela nekutsi sishumayele insindziso kubetive. Ngaloko-ke imihla nemalanga atengetela tono. Kodvwa ekugcineni lulaka lwaNkulunkulu seluze lwabehlela.