Imisebenti yebaPhostoli 21:13 - Siswati 1996 Bible

¹³ Kodvwa waphendvula watsi: “Nikhalelani kanjena nize ningidzabukise enhlitiyweni? Angikalindzeli kuphela kutsi ngiboshwe eJerusalema kepha ngilungele nekutsi ngife ngenca yeNkhosi Jesu.”

Imisebenti yebaPhostoli 21:13 Iomraidhean Croise

1 Tikhronike 11:18

Ngako letingwazi letintsatfu tesuka lapho tabhidla ticheme temabutfo emaFilisti ngenkhani taphumela ngale, taze tefika emtfonjeni longasesangweni laseBhetlehema, takha emanti, tabuya nawo kuDavide. Kodvwa Davide wala kuwanatsa lamanti, esikhundleni saloko wawatfululela embikwaSimakadze.

Isaya 3:15

Nisho kutsini ngalokupitjita sive sami, nigaye buso balabamphofu?” kusho iNkhosi, Simakadze longuSomandla.

Jeremiya 40:1

Kwefika livi laSimakadze kuJeremiya emvakwekube Nebuzaradani, indvuna yabomahlalesangweni, asamkhululile eRama. Abemkhandze Jeremiya aboshwe ngetinketane emkhatsini wabo bonkhe batfunjwa lababephuma eJerusalema nakaJuda, batfunjwa bayiswa eBhabhulona.

Hezekeli 18:2

“Nisho kutsini nine bantfu nanisuke nicaphune lesaga eveni lema-Israyeli lesitsi: “ ‘Boyise badla emagelebisi lamunyu, bese kutsi ematinyo ebantfwana ayaphatima’?

Jona 1:6

Indvuna yemkhumbi yakhandzanisa Jona alele, yafike yatsi: “Wentani la? Uleleleni? Vuka uthandaze kuNkulunkulu wakho! Mhlawumbe yena utasivela asisindzise singabhubhi!”

Imisebenti yebaPhostoli 20:24

Kepha ngikhandza kutsi imphilo yami ayisho lutfo kimi, nangabe nje ngingaphumisela indzima yami ngicedze nemsebenti lengawunikwa yiNkhosi Jesu, wekutsi ngifakaze ngeliVangeli lemusa waNkulunkulu.

Imisebenti yebaPhostoli 20:37

Bakhala bonkhe, Pawula bamgaca ngemikhono, bamanga.

Imisebenti yebaPhostoli 5:41

Baphostoli balishiya Liqoqo, batfokota kakhulu ngekwetfwala lihlazo ngenca yelibito laJesu.

Imisebenti yebaPhostoli 9:16

Mine ngekwami ngitamkhombisa konkhe lafanele ahlupheke ngako ngelibito lami.”

1 kubaseKorinthe 15:31

Bazalwane, ngekubongwa lenginako ngani kuKhristu Jesu iNkhosi yetfu ngiyacinisa kutsi: Ngifa mihla yonkhe le!

KubaseFiliphi 2:17

Kukholwa kwenu kungumhlatjelo wenu lonikelwa kuNkulunkulu. Nome ingati yami beyingengetwa kuwo lomhlatjelo, mine bengingajabula, sijabule kanye nani nonkhe.

KubaseFiliphi 2:26

Loku phela abenilangatelela nonkhe, asakhatsatekile emoyeni wakhe, njengobe neva kutsi abegula.

KubaseKholose 1:24

Namanje ngijabulela kuhlushwa kwami ngenca yenu, emtimbeni wami ngiphelelisela loko lokwasilela elusizini lwaJesu Khristu, ngenca yemtimba wakhe lolibandla.

2 kuThimothi 1:4

Ngikhumbula tinyembeti takho, bese ngifisa kukubona, khona kujabula kwami kutewuphelela.

2 kuThimothi 4:6

Mine sengiyanikelwa; sesifikile sikhatsi sami.

2 yaPhetro 1:14

ngobe ngiyati kutsi masinyane nje ngitawushiya lomhlaba, njengaloku iNkhosi yetfu Jesu Khristu yangitjela.

Sembulo 12:11

Bamehlule ngengati yeliWundlu nangelivi lebufakazi babo, ngobe abakutsandzanga kuphila kwabo kwaze kwabasekufeni.

Sembulo 3:10

Njengobe uligcinile livi lami lekucinisela ngekubeketela, ngitakugcina ngesikhatsi sekulingwa lesitawufika emhlabeni wonkhe, sitewulinga bonkhe labo labahlala emhlabeni.

1 Samuweli 1:8

Elkhana, indvodza yakhe, abekhuluma kuye atsi: “Hana, ukhalelani? Awudli ngani? Ukhatsateke leni? Mine angincono kakhulu yini kuwe kunemadvodzana lalishumi?”

1 Samuweli 15:14

Kodvwa Samuweli watsi: “Pho, kwani lokukhala kwetimvu lengikuva ngetindlebe tami? Kwani lokubhonsa kwetinkhomo lengikuvako?”