Imisebenti yebaPhostoli 2:42 - Siswati 1996 Bible

⁴² Bacinisela njalo bahlanganyela etimfundzisweni tebaphostoli, nasebudlelwaneni, nasekuhlephuleni sinkhwa, nasemithandazweni.

Imisebenti yebaPhostoli 2:42 Iomraidhean Croise

Lukha 24:30

Nasekudliwa, watsatsa sinkhwa, wasibusisa, wase uyasihlephula, sewuyabanika.

Lukha 24:35

Nalaba lababili base bayachaza ngaloko lokwakwenteke emgwacweni, nekutsi baze babona kutsi ngiyo iNkhosi ngekuhlephula kwayo sinkhwa.

Imisebenti yebaPhostoli 1:14

Bonkhe laba bacinisela njalo nganhlitiyo yinye ekukhulekeni nasekuncuseni kunye, kanye nebafati naMariya, unina waJesu, nabomnakaboJesu.

Imisebenti yebaPhostoli 11:23

Lapho efika wabona kutsi Nkulunkulu abebabusisile bantfu, watfokota wabancusa bonkhe kutsi betsembeke baciniseke eNkhosini ngetinhlitiyo tonkhe tabo.

Imisebenti yebaPhostoli 14:22

Bacinisa emakholwa bawakhutsata ekubambeleleni ekukholweni. Babafundzisa kutsi: “Sifanele sendlule ekuhluphekeni lokunyenti kuze singene embusweni waNkulunkulu.”

Imisebenti yebaPhostoli 2:46

Onkhe emalanga babecinisela njalo ekuhlanganeni ethempelini, banhlitiyonye, babevakashelana emakhaya, badle ndzawonye ngetinhlitiyo letijabulako naletitfobekile,

Imisebenti yebaPhostoli 20:11

Emvakwekube Pawula asabuyele etulu esitezi, wefika wahlephula sinkhwa wadla, wakhuluma nabo sikhatsi lesidze kwaze kwadzabuka kusa, wase uyahamba.

Imisebenti yebaPhostoli 20:7

Kwatsi ngeMgcibelo kusihlwa sahlangana ndzawonye enkonzweni yeSidlo. Pawula wakhuluma kubantfu kwaze kwabasekhatsi nebusuku, ngobe abetawuhamba ngakusasa.

Imisebenti yebaPhostoli 4:23

Batsi kube bakhululwe, boPhetro naJohane babuyela kubazalwane, bafike babatjela lokwakushiwo baphristi labakhulu netibondza takhona.

Imisebenti yebaPhostoli 4:31

Nabacedza kuthandaza, lendzawo babehlangene kuyo yatanyatanyiswa. Bonkhe bagcwaliswa ngaMoya Longcwele, bacala bakhuluma livi laNkulunkulu ngesibindzi.

Imisebenti yebaPhostoli 6:4

Tsine-ke, sitakutinika sikhatsi lesenele emthandazweni nasemsebentini wekushumayela livi.”

KubaseRoma 12:12

Tfokotani etsembeni, nibeketele elusizini, nicinisele njalo emthandazweni.

1 kubaseKorinthe 10:21

Ningeke ninatse endzebeni yeNkhosi niphindze niyewunatsa endzebeni yemadimoni. Ningeke nihlanganyele esidlweni seNkhosi niphindze nihlanganyele esidlweni semadimoni.

1 kubaseKorinthe 11:2

Ngiyanincoma ngobe ningikhumbula etintfweni tonkhe, nibambelele etimfundzisweni lenganifundzisa tona.

1 kubaseKorinthe 14:6

Manje-ke, bazalwane, nangita kini ngikhuluma ngetilimi, nginganisita ngani, nangingakhulumi kini ngekwembulelwa lokutsite, nome ngelwati, nome ngekuphrofetha, nome ngekufundzisa?

KubaseGalathiya 1:6

Ngiyamangala kutsi senimhlubuke masinyane kangaka Nkulunkulu lowanibita ngemusa waKhristu, nase nijikela kulelinye nje livangeli.

Kubase-Efesu 2:20

Lendlu yakhelwa etikwesisekelo sebaphostoli nebaphrofethi; Jesu Khristu lucobo ulitje lelisimise lendlu.

Kubase-Efesu 6:18

Khulekani ngaso sonkhe sikhatsi nikuMoya ngekukhuleka konkhe nekuncenga. Nilindzele ngesineke sonkhe, nangekuncusela labangcwele bonkhe.

KubaseFiliphi 1:5

Ngibonga kuhlanganyela kwenu nami eVangelini kusukela ngelilanga lekucala kuze kube ngulamuhla.

KubaseKholose 1:23

Loko kungenteka kuphela nangabe nine nihlala ekukholweni, futsi nisekelekile, nisimile, ninganyikanyiswa lutfo ekwetsembeni kwenu liVangeli lenalitfola, naliva lishunyayelwa emhlabeni wonkhe jikelele. Mine Pawula ngentiwa ngaba sikhonti salo lelo Vangeli.

KubaseKholose 4:2

Ciniselani ekuthandazeni, nilindze kuko ngekubonga.

2 kuThimothi 3:14

Kodvwa wena chubeka kuloko lokufundzile wakukholwa, wati kutsi ukufundze kubobani,

KumaHebheru 10:25

Singakuyekeli kuhlangana ndzawonye, njengobe labanye sebanemkhuba wekungahlangani; kodvwa asikhutsatane kakhulu, njengobe nani niyabona kutsi lilanga selisondzele.

KumaHebheru 10:39

Kepha tsine asikho kulabo labahlehla nyova badzimate babhubhe; kodvwa sikulabo labanekukholwa, aze Nkulunkulu asindzise imiphefumulo yabo.

1 yaJohane 1:3

Lowo lesambona samuva simemetela yena nakini, kuze nani nibe nebudlelwane kanye natsi. Tsine-ke sinebudlelwane neYise kanye neNdvodzana yakhe lenguJesu Khristu.

1 yaJohane 1:7

Kodvwa nasihamba ekukhanyeni, njengobe yena asekukhanyeni, sinebudlelwane lomunye nalomunye, nengati yaJesu, iNdvodzana yakhe, iyasihlanta kuko konkhe kona.

1 yaJohane 2:19

Baphuma emkhatsini wetfu, kodvwa babevele bangesibo bakitsi, ngobe kube bebabakitsi, ngabe bachubeka kanye natsi. Noko kwakufanele kutsi kubonakale kutsi kute namunye wabo labewakitsi.

YaJuda 1:20

Kodvwa nine, bazalwane bami, yakhanani ekukholweni lokungcwele, nikhuleke ngaMoya Longcwele.