Imisebenti yebaPhostoli 19:9 - Siswati 1996 Bible

⁹ Kodvwa labanye kubo baba lukhuni bangete bavuma kukholwa, bakhuluma kabi ngaleNdlela yeNkhosi embikwabo bonkhe bantfu. Wase uyabashiya Pawula wahamba nebafundzi. Onkhe emalanga waba netinkhulumo aphikisana nabo eHholeni yaThiranusi.

Imisebenti yebaPhostoli 19:9 Iomraidhean Croise

2 Emakhosi 17:14

Kodvwa abazange balalele, bacinisa tinhloko njengaboyise, labangazange betsembele kuSimakadze Nkulunkulu wabo.

2 Tikhronike 30:8

Ningabi netinhloko letilukhuni njengaboyihlo, kodvwa titfobeni kuSimakadze. Wotani endzaweni lengcwele, layingcwelise kuze kube phakadze. Khontani Simakadze Nkulunkulu wenu, khona intfukutselo yakhe leyesabekako ingetikunehlela.

2 Tikhronike 36:16

Kodvwa baphukuta letitfunywa taNkulunkulu, bawedzelela emavi akhe, babahhalatisa nalabaphrofethi, lwadzimate lulaka lwaNkulunkulu lwavukela bantfu bakhe, futsi kwabate nalobasindzisako.

Nehemiya 9:29

“Wabeluleka kutsi ababuyele emtsetfweni wakho, kodvwa bona bakudvwalela, bangete bayihlonipha imiyalo yakho. Bona ngekuphambana netimiso takho lekufanele umuntfu aphile ngato nangabe atihlonipha. Bakufulatsela ngenkhani, baba netinhlitiyo letilukhuni, bala kulalela wena.

Tihlabelelo 95:8

“Ningatenti lukhuni tinhlitiyo tenu, njengaseMeribha nanjengamhlazane baseMasa,

Taga 8:34

Ubusisiwe umuntfu longilalelako, longilindzela onkhe malanga emasangweni ami, logadza etimphundvwini teminyango yami.

Isaya 8:14

Nguye loyawuba siphephelo senu; kodvwa kuto totimbili tindlu tema-Israyeli uyawuba litje leliyawukhuba bantfu nelidvwala leliyawubenta bawe. Kubantfu baseJerusalema uyawuba lugibe nasochaka.

Jeremiya 19:15

“Naku lokushiwo nguSimakadze longuSomandla, Nkulunkulu wema-Israyeli, utsi: ‘Lalelani! Ngitatehlisela kulelidolobha nakuto tonkhe tabelo talo, tonkhe tehlakalo lengitimemetelele ngabo, kumelana nabo, ngobe babe nenkhani, bangete bawalalela emavi ami.’ ”

Jeremiya 7:26

Kodvwa abazange bangilalele, abanginakanga nekunginaka. Bacinisa tinhloko tabo, benta tono letinyenti kakhulu kunaletentiwa boyisemkhulu.

Matewu 15:14

Bayekeleni, ngobe ngibo baholi labatimphumphutse; kepha nangabe imphumphutse ihola lenye imphumphutse, totimbili tiyawuwela emgodzini.”

Matewu 16:4

Situkulwane lesibi nalesiphingako ngekungetsembeki kuNkulunkulu sifuna sibonakaliso, kepha ngeke sisitfole ngisho nasinye ngaphandle kwesibonakaliso saJona.” Wesuka lapho, wahamba.

Matewu 26:55

Ngaleso sikhatsi Jesu watsi eticukwini: “Bekudzingeke ngani kutsi nite netinkemba kanye netindvuku kutengibopha shangatsi ngisigebengu? Bengihleti nani ethempelini onkhe emalanga ngifundzisa, kodvwa anizange seningibophe.

Johane 12:40

“Nkulunkulu sewuphumphutsekise emehlo abo, netingcondvo tabo sewutivalile, kuze emehlo abo angaboni, netingcondvo tabo tingacondzisisi, bangabe baseta kimi, kuze ngitebaphilisa, kusho iNkhosi.”

Imisebenti yebaPhostoli 11:26

Kwatsi lapho amkhandza, wamletsa e-Antiyokhi. Umnyaka wonkhe bobabili babehlanganyela nebantfu belibandla, babefundzisa sicuku lesikhulu. Kwakuse-Antiyokhi lapho bafundzi babitwa kwekucala ngekutsi ngemaKhristu.

Imisebenti yebaPhostoli 14:4

Bantfu belidolobha behlukana ekhatsi, labanye baba ngakumaJuda, labanye baba ngakubaphostoli.

Imisebenti yebaPhostoli 17:4

Labanye babo bakholwa base batihlanganisa naboPawula naSilasi, njengobe kwenta sicuku lesikhulu semaGriki labesaba Nkulunkulu, kanye nalabasikati labanyenti lababehloniphekile.

Imisebenti yebaPhostoli 19:23

Ngaleso sikhatsi e-Efesu kwesuka lesikhulu siphitsiphitsi ngaleNdlela yeNkhosi.

Imisebenti yebaPhostoli 19:30

Pawula bekafuna kuya yena matfupha abhekane nalesicuku, kepha bafundzi bamalela.

Imisebenti yebaPhostoli 20:31

Ngako-ke caphelani nikhumbule kutsi ngetinyembeti letinyenti imini nebusuku benginifundzisa ngamunye ngamunye, kwaze kwaphela iminyaka lemitsatfu.

Imisebenti yebaPhostoli 22:4

Ngangibahlupha kakhulu kuze kubesekufeni bonkhe lababelandzela leNdlela, ngibabophe ngibafake nasemajele bonkhe labadvuna nalabasikati;

Imisebenti yebaPhostoli 24:21

ngaphandle kwentfo yinye nje lengayikhuluma ngisesemkhatsini wabo, ngamemeta ngatsi: ‘Lamuhla ngimangalelwe ngelitsemba lekutsi labafile bayawuvuka baphile.’ ”

Imisebenti yebaPhostoli 28:22

Kodvwa noko sifuna kuva ngawe umcondvo wakho, ngobe siyati kutsi live lonkhe likhuluma kabi ngalenkholo lohambisana nayo.”

Imisebenti yebaPhostoli 7:51

“Maye, ninenkhani! Maye, anikholwa etinhlitiyweni tenu! Maye, nitihhulu ekuveni livi laNkulunkulu! Nifute bokhokho benu, nani niphikisana naMoya Longcwele.

Imisebenti yebaPhostoli 9:2

Wafike wacela tincwadzi tekumetfula emasinagogeni emaJuda aseDamaseko, kuze atsi nakakhandza lapho nobe bobani lababalandzeli baleNdlela yeNkhosi, abe nemandla ekubabopha, labadvuna nalabasikati, abatsatse abamikise eJerusalema.

KubaseRoma 11:7

Pho-ke yini? Kusho kutsi bantfu baka-Israyeli abakakutfoli loko bebakufuna, kodvwa kwatfolwa ngulabakhetsiwe; laba labanye bentiwa baba lukhuni,

KubaseRoma 9:18

Ngako-ke, unemusa kulowo latsandza kuba nemusa kuye, kodvwa amente abe lukhuni lowo latsandza kumenta abe lukhuni.

1 kubaseKorinthe 16:9

Ngobe litfuba lekusebenta lingivulekele, noko banyenti labemelene nami.

1 kuThimothi 6:5

nemsindvo wembango longapheli webantfu labanengcondvo leyonakele, futsi labemukwe neliciniso, bacabange kutsi kwesaba Nkulunkulu yindlela yenzuzo.

2 kuThimothi 1:15

Uyati kutsi bonkhe labase-Asiya bangifulatsela, boFigelusi naHemogenesi basemkhatsini wabo.

2 kuThimothi 3:5

Bayawuba nesimo sekumesaba Nkulunkulu, kodvwa babe bawaphika emandla ako; labo-ke ubakhweshele.

2 kuThimothi 4:2

Shumayela livi, ulimele nome tikhatsi tivuma nome tingavumi; sola, ucwayise, uyale ngako konkhe kubeketela nekufundzisa.

KumaHebheru 3:13

Kodvwa khutsatanani onkhe emalanga yingci nakusatsiwa: “Lamuhla”, kutsi kubete lowentiwa inhlitiyo yakhe ibe lukhuni ngekuyengwa sono.

2 yaPhetro 2:12

Kodvwa labantfu labahlambalatako banjengetilwane tesiganga letingenangcondvo, ngekwemvelo titalelwe kubanjwa nekubulawa. Bahlambalata ngetintfo labangatati; kodvwa batawubhujiswa kanye naleto tilwane.

2 yaPhetro 2:2

Labanyenti bayawulandzela lawo manyala abo; ngenca yabo indlela yeliciniso iyawuhlanjalatwa.

YaJuda 1:10

Kodvwa labantfu betfuka nome yini labangayicondzi kahle; kantsi letintfo labativa ngekwemvelo yabo, njengetilwane tesiganga, ngito-ke letintfo letibabhubhisako.