Imisebenti yebaPhostoli 19:18 - Siswati 1996 Bible

¹⁸ Labanyenti labese bakholiwe beta bavuma konkhe labebakwentile.

Imisebenti yebaPhostoli 19:18 Iomraidhean Croise

Tihlabelelo 32:5

Ngasivuma kuwe sono sami, angizange ngisifihle siphambuko sami. Ngatsi: “Ngiyawutivuma kuSimakadze tono tami.” Wena walitsetselela licala lesono sami. Cabanga.

Taga 28:13

Umuntfu lofihla tono takhe angeke aphumelele; kodvwa lotivumako atishiye uyawutfola umusa.

Jeremiya 3:13

Intfo-nje, vuma licala lakho lekutsi umhlubukile Simakadze Nkulunkulu wakho, usakate kutsandza kwakho kubonkulunkulu betive ngaphansi kwato tonkhe tihlahla letendlala emagala ato, wangete wangilalela mine,’ ” kusho Simakadze.

Hezekeli 16:63

Ngiyawutsi-ke nase ngikwentele inhlawulo yakho, yako konkhe loku lose ukwentile, bese uyakhumbula udliwe ngemahloni, ungaphindzi uwuvule umlomo wakho ngenca yalokuhlazeka kwakho lokungaka, kusho iNkhosi Simakadze.’ ”

Hezekeli 36:31

Lapho-ke niyawutikhumbula tindlela tenu letimbi netento tenu letinengekako, niyawutenyanya ngenca yetono tenu nangetento tenu letinengekako.

Levithikusi 16:21

abeke tandla takhe etikwenhloko yayo ativume tonkhe tiphambuko tesive saka-Israyeli, nabo bonkhe bubi babo, netono tabo, akubeke enhloko yalembuti. Lembuti uyawube sewuyayikhulula kutsi iye ehlane ihanjiswe nguleyo ndvodza lebekelwe lowo msebenti.

Levithikusi 26:40

“ ‘Kodvwa nabavuma tono tabo netaboyise ekungihlubukeni kwabo nasekumelaneni nami kwabo,

Matewu 3:6

Wababhabhatisa emfuleni iJordane, bavuma tono tabo.

Imisebenti yebaPhostoli 19:17

Onkhe emaJuda nebaletinye tive lababehlala e-Efesu nabeva loko, besaba kakhulu, kwatsi libito leNkhosi Jesu ladvunyiswa kakhulu.

Imisebenti yebaPhostoli 19:19

Labanyenti balabo lababenemilingo baletsa tincwadzi tabo temilingo ndzawonye batokhela ngemlilo, bonkhe bantfu babuka. Bahlanganisa imali yaletincwadzi, kwatfolakala tinhlavu tesiliva letiti-50 000.

KubaseRoma 10:10

Ngobe umuntfu uyakholwa ngenhlitiyo entiwe emukeleke kuNkulunkulu kutsi ulungile, avume ngemlomo wakhe kube kusindziswa kwakhe.

YaJakobe 5:16

Ngako-ke vumani tono tenu lomunye kulomunye, nithandazelane, kuze nitewuphiliswa. Kuncusa kwemuntfu lolungile kunemandla kakhulu.

1 yaJohane 1:9

Kodvwa nasitivuma tono tetfu, Nkulunkulu wetsembekile, futsi ulungile, utasitsetselela tono tetfu abuye asihlambulule kuko konkhe kungalungi.