Imisebenti yebaPhostoli 16:15 - Siswati 1996 Bible

¹⁵ Watsi kube abhajatiswe yena nendlu yakhe, wasincenga watsi: “Nangabe niyangibona kutsi ngetsembekile ngempela eNkhosini yami, wotani nitewuhlala endlini kami.” Wasicindzetela saze savuma.

Imisebenti yebaPhostoli 16:15 Iomraidhean Croise

Genesisi 19:3

Kepha Loti watincenga kakhulu letingilosi, tadzimate taphambuka taya tangenisa endlini kakhe. Watentela lidzili, watibhakela sinkhwa lesite imbiliso, tadla.

Genesisi 33:11

Ngicela usitsatse lesipho lonikwa sona, ngobe Nkulunkulu ube nemusa kimi, wadzimate wangipha konkhe lengikudzingako.” Ngenca yekuncenga kwaJakobe wagcina asasemukele.

2 Emakhosi 4:8

Ngalelinye lilanga Elisha waya eShunemu. Kwakukhona umfati labenjingile kuleyo ndzawo, wacela Elisha kutsi aphambukele kakhe, khona atewutfola lokuya ngasetfunjini. Ngako abetsi njalo nje nakendlula kuleyo ndzawo, aphambukele kuyawudla.

Matewu 10:41

Lowemukela umphrofethi ngobe angumphrofethi, uyakutfola umvuzo wemphrofethi; nalowemukela lolungile ngobe angulolungile, uyakwemukela umvuzo walolungile.

Matewu 3:6

Wababhabhatisa emfuleni iJordane, bavuma tono tabo.

Lukha 14:23

Lomnumzane wase utsi esisebentini: ‘Hamba uye etindleleni nasemigwacweni lesetikhotseni uncenge bonkhe bantfu kutsi bete, khona itewugcwala lendlu yami.

Lukha 24:29

kodvwa bamcela batsi: “Hlala natsi sekuhlwile, futsi sekumnyama.” Ngako wangena wahlala nabo.

Imisebenti yebaPhostoli 11:14

Uyawukhuluma emavi lokuyawutsi ngawo usindziswe wena nendlu yakho yonkhe.’

Imisebenti yebaPhostoli 16:31

Bona batsi: “Kholwa eNkhosini Jesu, utawusindziswa, wena nendlu yakho.”

Imisebenti yebaPhostoli 16:33

Ngasona leso sikhatsi ebusuku wabatsatsa wayawubageza emanceba abo, wase uyabhajatiswa khonapho yena nebendlu yakhe bonkhe.

Imisebenti yebaPhostoli 16:34

Wenyusela boPawula naSilasi endlini yakhe wabapha kudla, badla. Yena nebendlu yakhe bajabula kakhulu, ngobe bese bakholwe kuNkulunkulu.

Imisebenti yebaPhostoli 18:8

Kepha Khrispusi, umphatsi welisinagoge, wakholwa eNkhosini kanye nendlu yakhe, nebantfu labanyenti baseKhorinte lababeve livi kuPawula, bakholwa, base bayabhajatiswa.

Imisebenti yebaPhostoli 8:12

Kodvwa kwatsi nase bakholwa yinshumayelo yaFiliphu ngeliVangeli lembuso waNkulunkulu nangelibito laJesu Khristu, babhajatiswa, labadvuna nalabasikati.

Imisebenti yebaPhostoli 8:38

Wase utsi akumiswe inkalishi yakhe, behla bobabili, baya emantini, siphatsimandla naFiliphu, wase uyasibhabhatisa.

KubaseRoma 16:23

Gayusi, lengingenise kakhe nalapho kuhlanganela khona libandla lonkhe, naye uyanihambisa. Uyanihambisa na-Erastusi, umgcinisikhwama welidolobha; nemzalwane wetfu Kwathusi naye uyanihambisa. [

2 kubaseKorinthe 12:11

Ngibe silima! Ngiphocelelwe ngini kulobulima, ngobe bekufanele nginconywe ngini. Empeleni angikedzeleleki kunabo bonkhe labaphostoli labagcamile, nome ngingasibani nje.

2 kubaseKorinthe 5:14

Lutsandvo lwaKhristu luyasichuba. Sesidzimate sefika kunasi siphetfo sekutsi: Munye lowafela bonkhe; ngako-ke bonkhe bafa.

KubaseGalathiya 6:10

Ngako-ke njengobe sinematfuba nje, asente lokuhle kubo bonkhe bantfu, ikakhulu kubendlu yaketfu yekukholwa.

Kubase-Efesu 1:1

Lencwadzi iphuma kuPawula, longumphostoli waKhristu Jesu ngekwentsandvo yaNkulunkulu. Iya kulabangcwele labase-Efesu labakholwa nguKhristu Jesu ngekwetsembeka.

KubaseFiliphi 1:7

Kufanele kutsi ngibe nemcondvo lonjalo ngani nonkhe, njengobe nami nginetfwele enhlitiyweni yami. Ngemusa weNkhosi nonkhe nihlanganyele nami ekuboshweni kwami ngenca yeliVangeli, nasekulivikeleni, nasekulisimiseni.

kuFilemoni 1:17

Ngako-ke nawutsi mine ngingumhlanganyeli kanye nawe, naye-ke, memukele ngaleyo ndlela lebewungangemukela ngayo mine.

KumaHebheru 13:2

Ningakhohlwa kungenisa tihambi emakhaya enu, ngobe labanye ngekwenta njalo bangenisa tingilosi bangaketeleli.

1 yaPhetro 5:12

Nginibhalele lencwajana ngisitwa nguSilasi lengimati kutsi ungumzalwane lowetsembekile. Ngiyanikhutsata ngifakaza kutsi konkhe loku ngiwo sibili umusa waNkulunkulu; ngako-ke manini nicine kulowo musa.

2 yaJohane 1:10

Nakufika umuntfu longeti nalemfundziso, ningabomemukela emakhaya enu, futsi ningambingeleli nekumbingelela,

3 yaJohane 1:5

Wena lotsandzekako, ukwenta ngekwetsembeka konkhe lokwentela bazalwane, ikakhulu etihambini,

3 yaJohane 1:8

Ngako-ke sifanele kubasita bantfu labanjalo, kuze sibambisane nabo emsebentini weliciniso.

1 Samuweli 28:23

Sawula wala, watsi: “Ngingeke ngidle.” Kodvwa lamadvodza labehamba naye asita lesangoma, amncenga ngekumcindzetela, waze wavuma. Wavuka wahlala etikwembhedze.