Imisebenti yebaPhostoli 16:13 - Siswati 1996 Bible

¹³ Kwatsi ngeliSabatha saphumela ngephandle kwelidolobha saya ngasemfuleni, lapho sabona khona kutsi kungahle kube yindzawo yekuthandaza. Sahlala phansi sakhuluma nalabasikati lababebutsene lapho.

Imisebenti yebaPhostoli 16:13 Iomraidhean Croise

Matewu 13:2

Sicumbi sebantfu sasondzela kuye samtungeleta, bantfu baba banyenti kangangekutsi wangena esikebheni wahlala ekhatsi, bantfu bema elusentseni.

Makho 16:15

Watsi kubo: “Hambani niye emhlabeni wonkhe, nishumayele liVangeli kubo bonkhe bantfu.

Lukha 13:10

Ngalelinye liSabatha Jesu abefundzisa esinagogeni.

Johane 8:2

Ekuseni ngeluvivi wabuya weta ethempelini. Bantfu bonkhe beta kuye; wase uhlala phansi uyabafundzisa.

Imisebenti yebaPhostoli 13:14

Bahamba besuka ePhega befika e-Antiyokhi yasePhisidiya. Ngelilanga leliSabatha bangena esinagogeni bahlala phansi.

Imisebenti yebaPhostoli 13:42

Batsi boPawula naBhanabasi nabaphuma esinagogeni, bantfu babacela kutsi babuye ngeliSabatha lelilandzelako batewubatjela ngalokunyenti kwaleto tintfo.

Imisebenti yebaPhostoli 16:16

Satsi sisahamba siya endzaweni yekuthandaza, sahlangana nesigcili sentfombatana lesasinemoya wekuphengula. Ngaleyo ndlela sasitfolela baniyo baso imali lenyenti.

Imisebenti yebaPhostoli 16:6

Base badzabula live laseFrigiya nelaseGalathiya, ngobe Moya Longcwele wabalela kushumayela livi leNkhosi eveni lase-Asiya.

Imisebenti yebaPhostoli 17:2

Njengemvamisa Pawula wangena esinagogeni, waphikisana nabo ngetemiBhalo emaSabatha lamatsatfu,

Imisebenti yebaPhostoli 18:4

Bekavamise kutsi njalo ngemaSabatha aye esinagogeni aphendvulane nemaJuda nemaGriki etama kuwazuza.

Imisebenti yebaPhostoli 20:7

Kwatsi ngeMgcibelo kusihlwa sahlangana ndzawonye enkonzweni yeSidlo. Pawula wakhuluma kubantfu kwaze kwabasekhatsi nebusuku, ngobe abetawuhamba ngakusasa.

Imisebenti yebaPhostoli 21:5

Kepha kwatsi kube kuphele sikhatsi sekuhlala kwetfu nabo, sabashiya sachubeka neluhambo lwetfu. Basiphekeletela bonkhe kanye nalabasikati nebantfwana, baze basibeka ngephandle kwalelidolobha. Sefika elugwini saguca sathandaza.

Imisebenti yebaPhostoli 9:20

Masinyane wacala kushumayela emasinagogeni ngaJesu atsi: “UyiNdvodzana yaNkulunkulu.”

KubaseGalathiya 3:28

Kute umJuda nemGriki, kute sigcili nalokhululekile, kute lomdvuna nalomsikati, nonkhe nimunye kuKhristu Jesu.

KubaseKholose 1:23

Loko kungenteka kuphela nangabe nine nihlala ekukholweni, futsi nisekelekile, nisimile, ninganyikanyiswa lutfo ekwetsembeni kwenu liVangeli lenalitfola, naliva lishunyayelwa emhlabeni wonkhe jikelele. Mine Pawula ngentiwa ngaba sikhonti salo lelo Vangeli.