Imisebenti yebaPhostoli 10:15 - Siswati 1996 Bible

¹⁵ Livi lakhuluma kuye futsi latsi: “Ungasho kutsi kungcolile loko lokuhlantwe nguNkulunkulu.”

Imisebenti yebaPhostoli 10:15 Iomraidhean Croise

Matewu 15:11

Akusiko lokungena emloyeni lokumngcolisako umuntfu, kodvwa ngulokuphuma emlonyeni loku lokumngcolisako.”

Makho 7:19

Phela kudla akuyi enhlitiyweni, kodvwa kucondza esiswini, nakhona kufike kwengce.” Ngaloko Jesu abechaza kutsi konkhe kudla kuhlantekile.

Imisebenti yebaPhostoli 10:16

Loku kwenteka katsatfu; kwase kuyatsatfwa kubuyela ezulwini.

Imisebenti yebaPhostoli 10:28

Watsi kubo: “Nani matfupha niyati kutsi umJuda akavunyelwa yinkholo yakhe kutsi avakashele nome atihlanganise nebetive. Kodvwa Nkulunkulu ungikhombisile kutsi angifanele kusho kutsi umuntfu ungcolile nome akahlanteki.

Imisebenti yebaPhostoli 11:9

Livi lakhuluma futsi ezulwini latsi: ‘Ungasho kutsi lokuhlantwe nguNkulunkulu kungcolile.’

Imisebenti yebaPhostoli 15:20

kuphela nje asibabhalele incwadzi sibatjele kutsi bangakudli kudla lokungcoliswe ngekunikelwa etithicweni, babalekele bugwadla, bangadli lokucumbelene, bangayidli nengati.

Imisebenti yebaPhostoli 15:29

Ningakudli kudla lokungcoliswe ngekunikelwa etithicweni, ningayidli ingati, ningadli lokucumbelene; nibalekele bugwadla. Niyawube nente kahle naniyigcinile lemiyalo. Salani kahle.”

Imisebenti yebaPhostoli 15:9

Akentanga umehluko emkhatsini wetfu nabo; ngekukholwa wabahlanta tinhlitiyo.

KubaseRoma 14:14

Njengobe mine ngiseNkhosini Jesu, ngiyati futsi ngicinisekile kutsi kute lutfo lolungcolile ngekwalo; kodvwa kukhona lokungcolile kunome ngubani locabanga kutsi kungcolile.

KubaseRoma 14:20

Lesekwentiwe nguNkulunkulu ungakucitsi ngesizatfu sekudla. Konkhe kuhlantekile, kepha akukalungi kumuntfu kutsi loko lakudlako kube sikhubekiso.

1 kubaseKorinthe 10:25

Konkhe lokutsengiswa esilaheni kudleni, ningabuti lutfo ngenca yanembeza.

kuThithusi 1:15

Kulabahlantekile konkhe kuhlantekile, kodvwa kulababi nalabangakholwa kute lokuhlantekile; kepha kungcole ingcondvo yabo nanembeza wabo.

Sembulo 14:20

Lamagelebisi ahluteka kulelitje lekuhluta lelingephandle kwelidolobha lelikhulu. Kulelitje kwaphuma ingati leyageleta; libanga lebudze lalingemastadiyu layi-1 600, kujula kwakungangekusuka phansi kuye ematomini elihhashi.