Imisebenti yebaPhostoli 1:16 - Siswati 1996 Bible

¹⁶ “Madvodza, bazalwane, umBhalo bewufanele ugcwaliseke njengekusho kwaMoya Longcwele, lowakhuluma kadzeni ngaDavide macondzana naJudasi, lowahola labo lababopha Jesu.

Imisebenti yebaPhostoli 1:16 Iomraidhean Croise

2 Samuweli 23:2

“Moya waSimakadze wakhuluma ngami. Livi lakhe labaselulwimini lwami.

2 Emakhosi 15:12

Ngaloko kwagcwaliseka livi laSimakadze lalikhuluma kuJehu litsi: “Situkulwane sakho siyawuhlala esihlalweni sebukhosi saka-Israyeli kuze kube ngusesitukulwaneni sesine.”

Tihlabelelo 41:9

Ngisho nemngani wami lengangimetsemba, nalengangidla esitjeni sinye naye, sewungidlangele ngebunyoka nebumbulu.

Matewu 26:14

Kwase kusuka lomunye webafundzi labali-12, longuJudasi Skariyothe, uya kubaphristi labakhulu.

Matewu 26:47

Watsi asakhuluma loko, kwefika Judasi labengulomunye walababeli-12, anesicuku lesikhulu sebantfu, sihlome ngetinkemba netindvuku, sitfunywe baphristi labakhulu kanye netibondza temaJuda.

Matewu 26:54

Pho, ingagcwaliseka kanjani imiBhalo letsi kumele kube njalo?”

Matewu 26:56

Kodvwa konkhe loku kwentekele kutsi kugcwaliseke loko lokwabhalwa baphrofethi emiBhalweni.” Bafundzi bakhe bonkhe bamshiya khona lapho, babaleka.

Makho 12:36

Davide, agcwele Moya Longcwele, washo watsi: “ ‘INkhosi yatsi eNkhosini yami: “Hlala lapha ngesekudla sami, ngize ngibeke titsa takho ngaphansi kwetinyawo takho.” ’

Makho 14:43

Masinyane nje asakhuluma, kwatseleka Judasi, lomunye walabebali-12. Abehamba nesicuku lesikhulu sebantfu sihlome ngetinkemba nangetindvuku, sitfunywe baphristi labakhulu, netati temtsetfo kanye netibondza.

Lukha 22:47

Watsi asakhuluma, kwase kufika sicumbi sebantfu; Judasi, labengulomunye webafundzi labali-12 labesihola embili, weta kuJesu wafike wamanga.

Johane 10:35

Wababita ngekutsi bonkulunkulu labo babenelivi laNkulunkulu, umBhalo ungeke uguculwe.

Johane 13:18

“Angikhulumi ngani nonkhe; ngiyabati labo lengibakhetsile. Kodvwa kufanele kugcwaliseke umBhalo lotsi: ‘Lowo lodla sinkhwa sami, sewungigucukele, waphambana nami.’

Johane 17:12

Ngisesenabo, ngabalondvolota egameni lakho lowangipha lona. Ngabalondvolota, kwabate ngisho namunye emkhatsini wabo lowalahleka, ngaphandle kwalowo labesafanele kulahlwa, kuze kugcwaliseke imiBhalo.

Johane 19:36

Ngobe loko kwenteka kuze kugcwaliseke umBhalo lotsi: “Kute nobe linye litsambo lakhe leliyakwephulwa.”

Imisebenti yebaPhostoli 1:20

“Ngobe kubhaliwe nasencwadzini yeTihlabelelo kutsi: “ ‘Likhaya lakhe alihlale lite lutfo, kubete nalohlala kulo,’ “nekutsi futsi: “ ‘Lomunye akasitsatse sikhundla sakhe.’

Imisebenti yebaPhostoli 13:15

Sekufundvwe umtsetfo nemiBhalo yebaphrofethi, baphatsi belisinagoge batfumela livi batsi: “Bazalwane, sicela nikhulume kubantfu nangabe ninawo emavi ekubakhutsata.”

Imisebenti yebaPhostoli 13:38

“Ngako-ke, bazalwane, akwateke kini kutsi ngaye lowo muntfu kutsetselelwa kwetono kuyashunyayelwa kini; nekutsi ngaye wonkhe lokholwa kuye uyakhululwa etonweni takhe labengeke akhululeke kuto ngemtsetfo waMosi.

Imisebenti yebaPhostoli 15:13

Sebacedzile kukhuluma, Jakobe wakhuluma watsi: “Bazalwane, ngilaleleni!

Imisebenti yebaPhostoli 15:7

Emvakwemphikiswano lendze Phetro wasukuma watsi: “Bazalwane bami, niyati kutsi sekusikhatsi lesidze lesendlulile Nkulunkulu angikhetsa emkhatsini wenu kube ngishumayele liVangeli kubetive, khona batewuva bakholwe.

Imisebenti yebaPhostoli 2:23

Nkulunkulu ngekwatinchanti kwakhe nangentsandvo yakhe abesakumisile kutsi Jesu uyawuniketwa kini; nine-ke nambulala ngekumbetsela esiphambanweni ngetandla tetoni.

Imisebenti yebaPhostoli 2:37

Kwatsi bantfu nabakuva loku, bahlabeka etinhlitiyweni base batsi kuPhetro nakulabanye baphostoli: “Pho, bazalwane, sitakwenta njani?”

Imisebenti yebaPhostoli 22:1

“Madvodza, bazalwane, nani bobabe, ase ningilalele sengibeke emavi ekutivikela embikwenu.”

Imisebenti yebaPhostoli 23:1

Pawula walibukisisa leLiqoqo watsi: “Madvodza, bazalwane, nembeza wami ungufakazi wami embikwaNkulunkulu kutsi imphilo yami yonkhe beyimsulwa, kwaze kwaba ngulamuhla lo ngila.”

Imisebenti yebaPhostoli 23:6

Kodvwa njengobe Pawula abesabonile kutsi babehlukene kabili, labanye kubaSadusi, labanye kubaFarisi, waphakamisa livi alicondzise kuleLiqoqo watsi: “Madvodza, bazalwane, mine ngingumFarisi lotalwa baFarisi; la ngimangalelwe ngelitsemba lekutsi labafile bayawuvuka baphile.”

Imisebenti yebaPhostoli 28:17

Emvakwemalanga lamatsatfu Pawula wabita umhlangano webaholi bemaJuda. Batsi nase baphelele ndzawonye, wabatjela watsi: “Bazalwane bami! Nome ngingazange sengente lutfo loluphambene nebantfu bakitsi, nanemasiko lesawemukela kubokhokho betfu, ngaboshwa eJerusalema nganikelwa etandleni temaRoma.

Imisebenti yebaPhostoli 28:25

Ngako base bahamba baphikisana bodvwana, lapho Pawula asabeke inkhulumo letsi: “Maye, washo kahle Moya Longcwele nakakhuluma ngemphrofethi Isaya kubokhokho benu,

Imisebenti yebaPhostoli 7:2

Stefano waphendvula watsi: “Bazalwane, nani bobabe, lalelani kimi! Nkulunkulu weludvumo wabonakala kukhokho wetfu Abrahama asahlala eMesophothamiya, asengakatfutsi kuyakwakha eHarani,

1 yaPhetro 1:11

Moya waKhristu abesavele asebenta kubo abakhombisa tinhlupheko lebetitakwehlela Khristu; waphindze wabakhombisa nebukhosi lobebutawulandzela leto tinhlupheko. Babehlolisisa kutsi kuyakwenteka nini loko, nekutsi kuyakwenteka kanjani.

2 yaPhetro 1:21

Kute siphrofetho lesake seta ngentsandvo yemuntfu; kodvwa bantfu bakhuluma lokukwaNkulunkulu, bachutjwa nguMoya Longcwele.

2 yaPhetro 2:21

Lokungenani bekuyawuba ncono kubo kube mane abazange sebayati indlela yekulunga, kunekutsi batsi sebayatile baphindze bawufulatsele umyalo longcwele lababenikwe wona.