Hezekeli 6:4 - Siswati 1996 Bible

⁴ Emalati enu atawubhidlitwa, nemalati enu emphepho atawuphihlitwa, ngitawubulala bantfu benu embikwetithico tenu.

Hezekeli 6:4 Iomraidhean Croise

1 Emakhosi 13:2

Lomuntfu wakhala asola lilati ngekuyalwa nguSimakadze, watsi: “Maye, lilati! Lilati! Naku lokukhulunywa nguSimakadze: ‘Indvodzana letakutsiwa nguJosaya libito layo, itawutalwa emndenini waDavide. Etikwakho utakwenta umhlatjelo ngebaphristi labakhonta bonkulunkulu etindzaweni letiphakeme, bona laba labenta umnikelo lapha etikwakho, ematsambo ebantfu atawushiselwa lapha etikwakho.’ ”

2 Emakhosi 23:14

Josaya waphahlata ematje lekwakutsiwa angcwele, wagumula tinsika ta-Ashera, wasakata ematsambo ebantfu kuleto tindzawo.

2 Tikhronike 14:5

Wesusa tindzawo letiphakeme nemalati emphepho kuwo onkhe emadolobha akaJuda, nembuso waba nekuthula ngesikhatsi kusabusa yena.

Isaya 27:9

Ngaloku-ke licala lakaJakobe liyawube selihlawulelwe, loku kuyawuba sitselo lesiphelele sekwesulwa kwesono sakhe: Ngesikhatsi enta onkhe emalati ematje, kutsi abe njengematje emcakaco, aphushuke abe timvutfu, kute nayinye insika ya-Ashera nome lilati lemphepho leliyawusala limile.

Jeremiya 43:13

Lapho ethempelini lelilanga eGibhithe uyawubhidlita tinsika lekutsiwa tingcwele, ashise emathempeli abonkulunkulu baseGibhithe.’ ”

Jeremiya 7:32

Ngako-ke caphelani, ayeta emalanga, kusho Simakadze, lapho bantfu bangasayikuyibita ngekutsi yiThofethi nome batsi Sigodzi sakaBheni Hinomu, kodvwa bayawutsi Sigodzi Sekuhlatjwa, ngobe bayawungcwaba labafile eThofethi, kuze kubete indzawo.

Hezekeli 6:13

Ngulapho-ke bayawungati kahle kutsi mine nginguSimakadze, bantfu babo nase balele lunja emkhatsini wetithico tabo, batungelete emalati abo kuwo onkhe emagcuma laphakeme, nakuto tonkhe ticongo tetintsaba, nangaphansi kwato tonkhe tihlahla letendlala emagala ato, nangaphansi kwawo onkhe ema-okhi lanemacembe lacebetelako, tindzawo lapho bebentela khona iminikelo yemphepho lenuka kamnandzi kuto tonkhe tithico tabo.

Levithikusi 26:30

Ngiyawubhidlita tindzawo tenu tekukhontela, ngidzilite nemalati enu etimphepho, tidvumbu tenu ngitibutsisele ndzawonye etikwetithico tenu letite imphilo naletiwile; umphefumulo wami uyawunicansukela.

1 Samuweli 5:4

Kodvwa kwatsi nabavuka ngakusasa, bakhandza kutsi Dagoni uwele phansi ngebuso embikwelibhokisi lesivumelwane saSimakadze! Inhloko yakhe netandla takhe kwakushumphukile sekuphansi emnyango, kwase kungumtimba wodvwa lowawusele.