Hezekeli 24:6 - Siswati 1996 Bible

⁶ “ ‘Ngobe naku lokushiwo yiNkhosi Simakadze, itsi: “ ‘Maye kulelo dolobha lekucitsa ingati, kulelo bhodo lese linetincwencwe, letincwencwe talo tingeke tisesuka. Khipha kulo licatsa ngalinye ngalinye ngaphandle kwekuwentela inkatho.

Hezekeli 24:6 Iomraidhean Croise

2 Samuweli 8:2

Davide wachubeka wahlasela nemaMowabi, wawehlula. Abebalalisa phansi emhlabatsini, bese ubulala babili njalo kulabatsatfu baletitfunjwa. Ngako emaMowabi ase aba ngaphansi kwakhe, aletsa imitselo yawo kuDavide.

2 Emakhosi 21:16

Ngetulu kwaloko, Manase wacitsa kakhulu ingati yalabangenacala, kangangekutsi titaladi taseJerusalema tatigeleta ingati kusukela ekucaleni kuze kuyewuphuma ekugcineni. Loko wakwengetela ekwenteni sive sakaJuda kutsi sikhonte tithico, wasenta sona kuSimakadze.

2 Emakhosi 24:3

Ngempela letintfo tenteka kaJuda njengekwemyalo waSimakadze, kuze atekubasusa ebukhoneni bakhe ngenca yetono taManase nako konkhe labekwentile,

2 Emakhosi 24:4

kanye nekucitsa kwakhe ingati leyayingenacala, ngobe phela iJerusalema yayigcwele ingati yebantfu lababengenacala. Simakadze abengakatimiseli kutsetselela Manase ngaloko.

Jeremiya 2:22

Nome utigezisa ngasota usebentisa nensipho lenyenti, noko lelo chashata lelilicala lakho solomane limile embikwami,” kusho iNkhosi Simakadze.

Jeremiya 6:29

Umfutfo uyafutseka kuyesabisa, kutsi utewushisa umtfofu ngemlilo, kodvwa kucengisiselwa lite nje, ngobe laba lababi abakhishwa.

Hezekeli 11:11

Lelidolobha lingeke libe libhodo kini, nani futsi ningeke nibe yinyama lekulo, ngiyakwehlisela sigwebo kini ngaseminyeleni yaka-Israyeli.

Hezekeli 11:3

Batsi: ‘Kungeke yini kusheshe kube sikhatsi sekwakha tindlu? Lelidolobha lilibhodo lekupheka, tsine-ke siyinyama.’

Hezekeli 22:12

Kuwe kunemadvodza lemukela imidizo entele kucitsa ingati; utsatsa intalo ugale inzuzo lenkhulu, wente intalo yebutulujane kumakhelwane wakho ngekumcindzetela. Sewungikhohliwe mine, kusho iNkhosi Simakadze.

Hezekeli 22:2

“Ndvodzana yemuntfu, uyakulehlulela yini? Uyakulehlulela yini lelidolobha lekucitsa ingati? Ngako lisukele umelane nalo ngato tonkhe tento talo letisinengiso,

Hezekeli 22:27

Tiphatsimandla talo letisemkhatsini welive tifanana netimphisi letidladlabula tinyamatane tato; ticitsa ingati tibulale bantfu, khona titewutfola inzuzo lembi.

Hezekeli 22:3

utsi: ‘Naku lokushiwo yiNkhosi Simakadze, itsi: Awu, wena dolobha lelitiletsela lona imbhubhiso ngekucitsa ingati ekhatsi kulo, liphindze litingcolise ngekwakha tithico,

Hezekeli 24:3

Tjela lendlu lehlubukako nankhu umzekeliso, utsi: ‘Naku lokushiwo yiNkhosi Simakadze, itsi: “ ‘Beka etiko lelibhodo lekupheka; libeke etiko, bese utsela emanti ekhatsi kulo.

Hezekeli 24:9

“ ‘Ngako-ke, naku lokushiwo yiNkhosi Simakadze, itsi: “ ‘Maye kulelo dolobha lekucitsa ingati! Nami futsi ngiyawufumbela tinkhuni timponge.

Joweli 3:3

Sive sami tehlukaniselana ngaso ngenkatho, tatsengisa ngebafana, kuze titewukhokhela tingwadla; tatsengisa ngemantfombatana, kuze kutsi titewutsenga liwayini tinatse.

Obadiya 1:11

Mhlazane ume untontomele ngesikhatsi bafokati batfumba umcebo wakhe, nebetive bangena emasangweni akhe, benta inkatho ngeJerusalema, nawe kwakungatsi umdvumo munye nabo.

Jona 1:7

Ematilosi emkhumbi akhuluma odvwana, atsi: “Wotani, sitekwenta inkatho sibone kutsi ngubani lona losidvonsele lomkhokha.” Ngako-ke base benta inkatho; inkatho yadla Jona.

Mikha 7:2

Kute nome munye umuntfu lowetsembekile losasele eveni, kute losetsembekile kuNkulunkulu. Wonkhe umuntfu ufunana nematfuba ekubulala. Wonkhe umuntfu utingelana newakubo.

Nahume 3:1

Maye kulo lidolobha lengati leligcwele emacebo, naleligcwele imphango, nalelingabesweli bantfu lekubahlupha.

Nahume 3:10

Noko, yatfunjwa yesuswa eveni layo, yadzingiswa. Bantfwabayo labancane bashaywa baphihlitwa kuwo onkhe emakona etitaladi, baholi bayo bashayelwa inkatho; bonkhe bahlonishwa bayo baboshwa ngetinketane.

Matewu 23:35

kuze kwehlele etikwenu yonkhe ingati lelungile leyacitfwa emhlabeni, kusukela engatini ya-Abela labelungile, kuze kube ngusengatini yaZakhariya, umsa waBarakhiya, lenambulala emkhatsini welithempeli nelilati.

Dutheronomi 23:13

Nibotiphatsela intfo yekumba, khona niyawutsi nase nitikhululile, nimbe umgodzi wekugcibedzela lamangcoliso enu.

Joshuwa 10:22

Joshuwa watsi: “Vulani umnyango wemgedze, nikhiphe lawo makhosi lasihlanu niwaletse lapha kimi.”

Sembulo 17:6

Ngabona kutsi lomfati abesadzakwe yingati yalabangcwele, nengati yalabo labafela kufakaza ngaJesu. Ngatsi nangimbona lomfati, ngamangala kakhulu.

Sembulo 18:24

Kwatfolakala kuwe ingati yebaphrofethi, neyalabangcwele, neyabo bonkhe lababulawa emhlabeni.”