Hezekeli 22:12 - Siswati 1996 Bible

¹² Kuwe kunemadvodza lemukela imidizo entele kucitsa ingati; utsatsa intalo ugale inzuzo lenkhulu, wente intalo yebutulujane kumakhelwane wakho ngekumcindzetela. Sewungikhohliwe mine, kusho iNkhosi Simakadze.

Hezekeli 22:12 Iomraidhean Croise

Nehemiya 5:1

Kwabe sekuvuka sikhalo lesikhulu emadvodzeni nakubomkawo, bakhala kubomnakabo labangemaJuda.

Nehemiya 5:7

Ngazindla ngato engcondvweni yami, ngase ngisola labahlonishwa babo netindvuna tabo ngitsi: “Nibacindzetelelani labomnakenu?” Ngabita umhlangano lomkhulu wekucatulula lengcaki.

Tihlabelelo 106:21

Bamkhohlwa Nkulunkulu, uMsindzisi wabo, labebentele tintfo letinkhulu eGibhithe,

Tihlabelelo 15:5

Webolekisa ngemali yakhe angayengeti intalo nase ikhishwa. Akakwemukeli kudizelwa entele kulahla lote licala. Umuntfu lowenta letintfo uyawuhlala atinte kuze kube phakadze.

Taga 1:19

Tinjalo tindlela talabo labatfola ingcebo ngebugelekece; timphilo tabo titsatfwa bugelekece babo.

Isaya 1:23

Babusi benu babahlubuki, babangani bemasela; bonkhe batsandza imidizo, balandzelana netipho. Ababavikeli labo labate boyise; ngisho nendzaba yemfelokati abayinaki.

Isaya 17:10

Umkhohliwe Nkulunkulu uMsindzisi wakho; awukalikhumbuli lidvwala lelisiphephelo sakho. Ngako-ke nome ungahlanyelela tithico takho titfombo letinhle kakhulu, uhlanyele tivini letiphuma kulamanye emave,

Isaya 56:11

Batinja letitsandza kakhulu kudla, abesutsi. Babelusi labangenakucondza, bonkhe bajikela etindleleni tabo, ngulowo nalowo bese utifunela kwakhe.

Jeremiya 2:32

Intfombi iyabukhohlwa yini buhlalu bayo lobuligugu, nome makoti imihlobiso yakhe nakashada? Noko sive sami singikhohlwe emalanga lamanyenti langeke abalwe.

Jeremiya 3:21

Kuvakala sililo etindzaweni letiphakeme letingamili lutfo, yebo, kukhala nekuncenga kwesive saka-Israyeli, ngobe siphambukise tindlela taso, samkhohlwa Simakadze Nkulunkulu waso.

Jeremiya 6:13

“Kusukela kulomncane kakhulu kuye kulomkhulu kakhulu, bonkhe babogubhela kwesabo; baphrofethi nebaphristi bayafanana, bonkhe bayayengana.

Jeremiya 9:1

Kube mane inhloko yami beyisiyalu semanti nemehlo ami abe ngumtfombo wetinyembeti, bengitawukhala busuku nemini, ngenca yekubulawa ngesihluku kwesive sami!

Hezekeli 18:13

Webolekisela kutsi atfole inzuzo lenkhulu, atsatse nentalo lenkhulu kakhulu. Umuntfu lonjalo angaphila kanjani-ke? Ngeke! “Njengobe ente tonkhe letintfo letisinengiso, ngempela loyo uyawubulawa, nengati yakhe iyawubasetikwenhloko yakhe.

Hezekeli 18:8

Akebolekiseli kutsi atfole inzuzo lenkhulu, nome-ke atsatse intalo lenkhulu kakhulu. Uyasibamba sandla sakhe ekwenteni lokubi, futsi wehlulela ngekungakhetsi emkhatsini wemuntfu nemuntfu.

Hezekeli 23:35

“Ngako-ke naku lokushiwo yiNkhosi Simakadze, itsi: Njengobe sewungikhohliwe wangilahla ngemuva kwakho, ufanele uwetfwale umphumela weluntjingintjingi lwakho lwenkhanuko nebugwababane bakho.”

Hezekeli 36:12

Ngiyawukwenta bantfu, lekusive sami ema-Israyeli, kutsi bahambe etikwenu. Nine seniyawuba babo, nibe lifa labo; aniseyiwuphindze nibemuke bantfwababo.

Levithikusi 19:13

“ ‘Ungamebeli makhelwane wakho; ungawubambi umholo wesisebenti kuze kube ngakusasa.

Levithikusi 25:37

Ungameboleki imali wentele kumbita intalo, kantsi futsi ungamtsengiseli kudla ngentalo wentele kutfola inzuzo.

Amose 8:4

Lalelani lapha, nine lenigcobagcoba labeswele nibuye nicedze bonkhe labamphofu balelive,

Amose 8:6

nitsenge labamphofu ngesiliva, nalabeswele ngetincabule letimbili, ngisho naloku lokushanyelwe phansi esibuyeni sekubhula nikubite imali.

Matewu 23:13

“Maye kini, bafundzisi bemtsetfo nebaFarisi! Batentisi! Nivimbela bantfu umbuso welizulu, nibe nine ningangeni, nebantfu labafuna kungena anibavumeli kutsi bangene. [

Matewu 23:25

“Maye kini, bafundzisi bemtsetfo nebaFarisi! Batentisi! Nigeza lingephandle lendzebe nesitja, kantsi ngekhatsi kugcwele buphangi kanye nebumiti.

Lukha 18:11

“UmFarisi wakhwesha wema yedvwa wathandaza watsi: ‘Ngiyakubonga, Nkulunkulu, kutsi mine angifanani nalabanye bantfu labatigebengu, nalabangakalungi, netiphingi, nanjengalomtselisi.

Lukha 19:8

Zakewu wasukuma watsi eNkhosini: “Nkhosi, ngiyawukhipha incenye yalenginako ngenetise labaswele; futsi nakukhona lengimdlelele, ngitakubuyisela sekuphindvwe kane.”

Lukha 3:13

Wabatjela watsi: “Ningabe nisatselisa ngalokungetulu kweyemtsetfo.”

1 kubaseKorinthe 5:11

Kepha manje nginibhalele ngatsi ningahlanganyeli nemuntfu lekutsiwa ungumzalwane kantsi uyingwadla, nome siphingi, nome ngulobukhali, nome ngulokhonta tithico, nome ngulowetfukanako, nome sidzakwa, nome sigebengu; ningete nadla ngisho nekudla nemuntfu lonjalo.

1 kubaseKorinthe 6:10

nemasela, nalababukhali, netidzakwa, nalabetfukako, netigebengu, bangeke balidle lifa lembuso waNkulunkulu.

Dutheronomi 16:19

Kufanele ningawephuli umtsetfo, futsi ningabakhetsi bantfu. Akukafaneli nemukele umdizo, ngobe uphumphutsekisa emehlo alabahlakaniphile, uphambukise nemavi alabalungile.

Dutheronomi 23:19

“Umnakenu ungamkhokhisi intalo, nome ngemali, nome ngekudla, nome ngabe yini lengakhokhelwa intalo.

Dutheronomi 27:25

“ ‘Ucalekisiwe umuntfu lotsatsa umdizo, khona atewubulala umuntfu longenacala.’ “Bonkhe bantfu bayawuphendvula batsi: ‘Amen.’

Dutheronomi 32:18

Nalilahla Lidvwala lelaba nguyihlo kini, namkhohlwa Nkulunkulu lowanitala.

1 kuThimothi 3:3

lengesiso sidzakwa, lengatitsatseli etulu tintfo, kodvwa lemnene, lengenalo luchweba, lengayitsandzi imali.

YaJuda 1:11

Maye kubo, ngobe bahamba ngendlela yaKhayini; bagijimela ekwedukeni kwaBhalamu ngenca yemvuzo; bahlubukile njengaKhora, nabo babhubha.