Hezekeli 2:6 - Siswati 1996 Bible

⁶ Wena-ke, ndvodzana yemuntfu, ungabesabi ngisho nemavi abo. Ungesabi ngisho nome tinchachabutane nemanyeva sekukutungeletile, yebo, nome sewuhlala emkhatsini wabofecela. Ungakwesabi loko labakushoko, futsi ungesatjiswa ngibo, lite nome bayindlu yekuhlubuka nje.

Hezekeli 2:6 Iomraidhean Croise

2 Emakhosi 1:15

Ingilosi yaSimakadze yakhuluma ku-Elija, yatsi: “Yehla naye, ungamesabi.” Ngako Elija wasukuma wehla naye, waya enkhosini.

Isaya 51:12

“Mine, mine ngekwami, nginguye lonidvudvutako. Benibobani-ke nine kutsi ningesaba bantfu lababhubhako, emadvodzana ebantfu, latjani nje,

Isaya 51:7

“Ngilaleleni, nine lenati kutsi kuyini lokulungile, nine bantfu leninemtsetfo wami etinhlitiyweni tenu: Ningakwesabi kusolwa bantfu, ningetfuswa ngisho natinhlamba tabo.

Isaya 9:18

Ngempela bubi buvutsa njengemlilo; budla bucotfule tinchachabutane nemanyeva, bulumeka emahlatsi etihlahla ngemalangabi, kutsi titewushunca tibheke etulu ngaletikhulu tikhatsa tentfutfu.

Jeremiya 1:17

“Tilungiselele! Sukuma ukhulume kubo konkhe loko lengikutfume kona. Ungabesabi, ngobe ngingahle ngikwetfuse lapha embikwabo.

Jeremiya 1:8

Ungabesabi, ngobe mine nginawe, futsi ngiyawukuphephisa,” kusho Simakadze.

Jeremiya 18:18

Batsi: “Wotani sente lisu ngaJeremiya, ngobe imfundziso yemtsetfo lefundziswa baphristi ngeke ize iphele, naleteluleko tetihlakaniphi, nalelivi leliphuma kubaphrofethi. Ngako buyani simhlasele ngemagama etfu, singayinaki yonkhe lentfo layishoko.”

Jeremiya 6:28

Bonkhe babonhloko ayivutfwa, nebahlubuki, bahambe bahlambalata. Balukhuni balitfusi nensimbi, bonakele bonkhe ngetento tabo letimbi.

Hezekeli 24:3

Tjela lendlu lehlubukako nankhu umzekeliso, utsi: ‘Naku lokushiwo yiNkhosi Simakadze, itsi: “ ‘Beka etiko lelibhodo lekupheka; libeke etiko, bese utsela emanti ekhatsi kulo.

Hezekeli 28:24

“ ‘Bantfu baka-Israyeli abaseyikuba nabo bomakhelwane labanetinhlitiyo letedzelelako, labangemanyeva lanesitfozi nalacijile. Ngulapho-ke bayawukwati khona kutsi mine ngiyiNkhosi Simakadze.

Mikha 3:8

Kepha mine, Simakadze ungigcwalisa ngaMoya nangemandla akhe, anginike luvelo lwekwenta tintfo ngekulunga, anginike nesibindzi sekutjela Israyeli lapho one khona nekutsi tono takhe ngutiphi.

Mikha 7:4

Ngisho labancono babo nalabetsembeke kakhulu kunabo bonkhe abanamsebenti, bafana nelukhula. Selifikile lilanga lapho Nkulunkulu ayakujezisa bantfu, njengobe vele abebacwayisile ngebalindzi bakhe lababaphrofethi. Kwamanje sebadzidzekile.

Matewu 10:28

Ningabesabi lababulala umtimba kodvwa babe bangeke bawubulale umphefumulo; lokungenani, mesabeni Yena, lokwati kubulala umtimba nemphefumulo kokubili esihogweni.

Lukha 10:19

Bukani la! Ngininike emandla ekunyatsela tinyoka, nabofecela, nemandla ekuncoba sitsa; kute lokuyawunilimata.

Lukha 11:12

Nome kukhona yini longanika umsa wakhe fecela, kantsi ucela licandza?

Lukha 12:4

“Ngiyanitjela, tihlobo tami, ngitsi: Ningabesabi labo lababulala umtimba kodvwa bangenamandla ekwenta lokubi lokungetulu kwaloko.

Imisebenti yebaPhostoli 4:13

Emalunga aleLiqoqo letiphatsimandla amangala kubona sibindzi saboPhetro naJohane, nekubona kutsi babebantfukatana nje labebangakafundzi. Bavele babona kutsi babehamba naJesu.

Imisebenti yebaPhostoli 4:19

Kodvwa boPhetro naJohane babaphendvula batsi: “Nine ngekwenu ake senisho kutsi ngukuphi lokulungile ebusweni baNkulunkulu, kulalela nine yini nome kulalela Nkulunkulu?

Imisebenti yebaPhostoli 4:29

“Manje-ke, Nkhosi, ake ubukisise lokusesabisa kwabo bese uyasivumela, tsine tinceku takho, kutsi sikhulume livi lakho ngaso sonkhe sibindzi.

Kubase-Efesu 6:19

Ningithandazele nami, khona ngitewuphiwa livi, ngitsi nangivula umlomo wami ngiyishumayele ngaso sonkhe sibindzi imfihlakalo yeliVangeli.

KubaseFiliphi 1:28

Ningetfuswa lutfo ngalabo labamelene nani, lokusiciniseko sekubhubha kubo, kepha sekusindziswa kwenu. Loku-ke kuvela kuNkulunkulu.

2 kuThimothi 1:7

Ngobe Nkulunkulu akasiphanga umoya webugwala, kodvwa wasipha Moya wemandla, newelutsandvo, newekutekhuta.

KumaHebheru 11:27

Ngekukholwa Mosi wesuka eGibhithe, angesabi kutfukutsela kwenkhosi yakhona; wacinisela kwaba shangatsi uyambona longabonwa.

1 yaPhetro 3:14

Kepha nangabe nihlushwa ngenca yekwenta lokulungile, nibusisiwe. Ningesabi muntfu, ningakhatsateki.

Sembulo 9:10

Sasinemisila lefanana neyabofecela, inetindvonsi. Kulemisila yaso bekungulapho kunemandla aso ekuhlupha nekulimata bantfu tinyanga letisihlanu.