Hezekeli 19:12 - Siswati 1996 Bible

¹² Kodvwa sazuphuneka ngenca yelulaka, salahlwa phansi emhlabatsini. Umoya wasemphumalanga wasomisa, saphundleka titselo taso, emagala aso lacinile abuna, umlilo wawadla.

Hezekeli 19:12 Iomraidhean Croise

2 Emakhosi 23:29

Ngesikhatsi Josaya ayinkhosi, Faro Nekho, inkhosi yaseGibhithe, wenyuka wayawusita inkhosi yase-Asiriya ngasemfuleni iYufrathe. Inkhosi Josaya yamhlangabeta, imphi yabambana etulu, kodvwa Nekho wabhekana naJosaya, wambulalela eMegido.

2 Emakhosi 23:34

Faro Nekho wabeka Eliyakimu, umsa waJosaya, kutsi abe yinkhosi esikhundleni seyise. Wagucula libito la-Eliyakimu, wametsa libito watsi nguJehoyakimu. Kodvwa watsatsa Jehoyahazi wammikisa eGibhithe, lapho wafike wafela khona.

2 Emakhosi 24:6

Jehoyakimu wakhotsama, Jehoyakhini, umsa wakhe, waba yinkhosi esikhundleni sakhe.

Tihlabelelo 52:5

Ngako-ke Nkulunkulu uyawukubhidlita siphelane, uyawukuhudvula akukhiphe ekhaya lakho, akuzuphune eveni lalabaphilako. Cabanga.

Tihlabelelo 80:16

Labawujubile bawushisa ngemlilo, bayawubhujiswa kubhekwa buso bakho.

Isaya 27:11

Kuyawutsi emagala akhona nasomile, ephulwe, kufike bafati bawatfote, bayekuwabasa. Ngobe lesi sive lesingeva emadlebeni, ngako, uMenti waso akasenamunyu ngaso, uMdali waso akasenasihawu ngaso.

Isaya 27:8

Kulwa kwakhe nebaseJerusalema kugcina ngekutsi abadvungulule baye ekutfunjweni, abakhiphe ngesikhahlo sakhe njengekuhhusha kwemoya wasemphumalanga.

Jeremiya 22:30

Naku lokushiwo nguSimakadze, utsi: “Bhalisa lendvodza njengalete umntfwana, indvodza lengeke ichume emphilweni yayo, ngobe kute lokutalwa ngiyo lokuyawuchuma, kute loyawuhlala esihlalweni sebukhosi saDavide nome aphindze abuse kaJuda.”

Jeremiya 31:28

Njengobe ngangibalindzile kutsi ngibazuphune, ngibadladlabule, ngibaketule, ngibabhubhise, ngibaletsele inhlekelele, kanjalo ngiyawubalindza kuze ngibakhe ngibahlanyele,” kusho Simakadze.

Sililo 2:1

Maye! Simakadze uyimbonye kanjani iNdvodzakati yaseSiyoni ngelifu lentfukutselo yakhe! Ubudzaceke phansi bukhosi baka-Israyeli, busuka ezulwini buya emhlabeni. Akazange asikhumbule senabelo setinyawo takhe ngelilanga lentfukutselo yakhe.

Hezekeli 15:2

“Ndvodzana yemuntfu, lukhuni lwemvini luncono ngani kunelweligala lalesinye nje sihlahla lesisehlatsini?

Hezekeli 15:4

Lutsi lungafakwa emlilweni njengelukhuni, nemlilo ulushise ngala nangale, luvutse ekhatsi nendzawo, luphindze lube nawo yini lomunye umsebenti?

Hezekeli 17:10

Kona kube bewungahlanyelwa kabusha, bewungaphumelela yini? Ungete wabuna yini uphele, nawushaywa ngumoya wasemphumalanga? Ungete wabuna yini kulendzawo lapho wakhulela khona?’ ”

Hezekeli 19:11

Emagala aso abecinile, alungele nekuba yindvuku yebukhosi. Sakhula saphakama saba ngetulu kwawo onkhe emacembe lamanyenti; sabonakala ngekuphakama kwaso nangemagala aso lamanyenti.

Hezekeli 28:17

Inhlitiyo yakho yakhukhumuka ngenca yebuhle bakho, wona buhlakaniphi bakho ngenca yekucwebetela kwakho. Ngako ngase ngikulahlela emhlabeni, ngakwenta inhlekisa embikwemakhosi.

Hoseya 13:15

Ngisho nome angahluma njengembali emkhatsini wetinhlanga, umoya waSimakadze, wangasemphumalanga, uyakuta, uhhusha uchamuka ngasehlane, umtfombo waka-Efrayimu uyawuphelelwa ngemanti, nesicobho sakhe some. Likamelo lakhe lekulondvolota liyawuphangwa tonkhe tintfo talo letingemagugu.

Jona 4:8

Nakuphuma lilanga, Nkulunkulu walungisa umoya loshisako wasemphumalanga; lilanga lashaya enhloko yaJona, wadzimate waba nesiyeti, wafisa kufa; wase utsi: “Kuncono ngimane ngife kunekutsi ngiphile.”

Matewu 3:10

Nanyalo lizembe libekiwe etimphandzeni tetihlahla, ngako-ke sihlahla lesingatseli titselo letihle siyajutjwa sifakwe emlilweni.

Johane 15:6

Umuntfu longahlali kimi, uyawulahlwa ngephandle njengeligala, abune, ome, kufike bantfu batfote lamagala bayekuwabasa emlilweni, lapho afike ashe khona.

Dutheronomi 29:28

Ngekuvutsa kwentfukutselo nangebumatima belulaka lwakhe Simakadze wabasiphula eveni labo waya wayawubatsela kulelinye live, njengobe kunjalo nje lamuhla.’

Dutheronomi 32:22

Ngobe umlilo uphembeke ngentfukutselo yami, umlilo lovutsa ufike phansi ekujuleni endzaweni yalabafile. Uyawudla umhlaba kanye netivuno tawo, ulumeke umlilo etisekelweni tetintsaba.