Hezekeli 12:7 - Siswati 1996 Bible

⁷ Ngako ngenta njengobe ngangitjeliwe. Kwatsi emini ngakhipha timphahla tami letase tingumtfwalo wekuya ekutfunjweni. Kwase kutsi kusihlwa ngemba ngabhobosa lubondza ngetandla tami. Ngatsatsa timphahla tami nakucala kuhwalala, ngatetjatsa ehlombe babukile.

Hezekeli 12:7 Iomraidhean Croise

Hezekeli 12:3

“Ngako-ke, wena ndvodzana yemuntfu, bopha timphahla takho tekutfunjwa, phuma lapho ukhona, uphume emini babuka, uye kulenye indzawo. Mhlawumbe batakucondzisisa loko, lite nome bayindlu lehlubukako.

Hezekeli 12:8

Ekuseni livi laSimakadze lefika kimi, latsi:

Hezekeli 2:8

Kodvwa wena, ndvodzana yemuntfu, lalela loko lengikushoko kuwe. Ungahlubuki njengalendlu lehlubukako; vula umlomo wakho udle loko lengikunika kona.”

Hezekeli 24:18

Ngako ngakhuluma kubantfu ekuseni, kwatsi entsambama umkami wafa. Ngakusasa ekuseni ngenta njengobe ngangitjeliwe.

Hezekeli 37:10

Ngako ngaphrofetha njengaloku abengiyalile, umphefumulo wangena kuwo, ase ayaphila, asukuma ema ngetinyawo, kwakuyimphi lenkhulu kakhulu.

Hezekeli 37:7

Ngako ngaphrofetha njengobe ngangiyaliwe. Ngatsi ngisaphrofetha, kwaba nemsindvo, kwakhala bukhehlekhehle, ematsambo ahlangana, litsambo laya etsanjeni.

Makho 14:16

Bafundzi bahamba-ke baya edolobheni, bakhandza kunjengobe Jesu abebatjelile; bavele basilungiselela Sidlo seMkhosi weliPhasika.

Johane 15:14

Nine nitihlobo tami, nanenta loku lenginiyale ngako.

Imisebenti yebaPhostoli 26:19

“Ngako-ke, Nkhosi Agripha, angitsandzanga kungawulaleli lombono wasezulwini,