Hezekeli 12:11 - Siswati 1996 Bible

¹¹ Khuluma kubo, utsi: ‘Mine ngisibonakaliso kini.’ “Njengobe ngentile nje, kuyakwenteka kanjalo nakubo. Bayakuya ekutfunjweni batitfunjwa.

Hezekeli 12:11 Iomraidhean Croise

2 Emakhosi 25:11

Nebuzaradani, indvuna yabomahlalesangweni, wabatfumba bonkhe labantfu lababesele kulelidolobha neluntfu lonkhe lolwalusele, wabatfumba kanye nalaba lababehlubuke baya enkhosini yaseBhabhulona.

2 Emakhosi 25:7

Emadvodzana aSedekiya abulawa embikwemehlo akhe abukile. Emvakwaloko bakupuluta emehlo aSedekiya, bambopha ngetinketane telitfusi, bammikisa eBhabhulona.

Jeremiya 10:17

Butsani timphahla tenu titewusuka kulelive, nine lenihlala nivinjetelwe yimphi.

Jeremiya 15:2

Nabakubuta, batsi: ‘Sitawuyaphi?’ batjele utsi: ‘Naku lokushiwo nguSimakadze, utsi: “ ‘Labo labamiselwe kufa, ekufeni; labo labamiselwe inkemba, enkembeni, labo labamiselwe indlala, endlaleni, labo labamiselwe kutfunjwa, ekutfunjweni.’ ”

Jeremiya 52:15

Nebuzaradani indvuna yabomahlalesangweni, watfumba labanye balababemphofu kakhulu nalabo labebasasele edolobheni, kanye nalabebasele betingcweti, nalabo lababehlubuke baya enkhosini yaseBhabhulona, wabayisa ekutfunjweni.

Hezekeli 12:3

“Ngako-ke, wena ndvodzana yemuntfu, bopha timphahla takho tekutfunjwa, phuma lapho ukhona, uphume emini babuka, uye kulenye indzawo. Mhlawumbe batakucondzisisa loko, lite nome bayindlu lehlubukako.

Hezekeli 12:6

Tetjatse ehlombe lakho babukile uhambe nato nakucala kuhwalala, buso bakho ubumbonyile, khona ungetulibona live, ngobe sengikwente sibonakaliso kuyo indlu yaka-Israyeli.”

Hezekeli 4:1

“Manje-ke, ndvodzana yemuntfu, tsatsa sibhelekeca selibumba, usibeke embikwakho, bese udvweba lidolobha laseJerusalema kuso.

Hezekeli 4:3

ubobe sewutsatsa lipani lensimbi ulibeke libe njengelubondza lwensimbi emkhatsini wakho nalelidolobha, bese uyagucuka uyalibuka. Liyawube selivimbetelekile, futsi uyawulivimbetela. Loku kuyawuba sibonakaliso kuyo indlu yaka-Israyeli.

Zakhariya 3:8

“ ‘Lalela, wena mPhristi Lomkhulu Jeshuwa, kanye nalabo bangani bakho labahleti embikwakho, labangemadvodza lasibonakaliso setintfo letitako: Ngitawuletsa inceku yami, Ligala.