Genesisi 47:18 - Siswati 1996 Bible

¹⁸ Watsi kube uphele lowo mnyaka, beta kuye ekucaleni kwemnyaka lolandzelako, bafike batsi: “Singeke sikufihle loku, nkhosi, kutsi imali yetfu yonkhe seyiphelile, nekutsi imfuyo yetfu ngeyakho. Kute lesingabe sisakunika kona manje, ngaphandle kwemitimba yetfu nemasimi etfu.

Genesisi 47:18 Iomraidhean Croise

Genesisi 47:17

Ngako-ke baletsa tinkhomo tabo batinika Josefa, batsenga ngato. Josefa wabanika kudla bonkhe labeta kutawushintjisa ngemahhashi, nangetimvu, nangetimbuti, nangetinkhomo, nangetimbongolo. Wonkhe lowo mnyaka waphela seloku abanika kudla ngekutsi bakuntjintjise ngetifuyo.

Genesisi 47:19

Utasiyekela nje sibulawe yindlala embikwakho tsine nelive letfu? Sitsengisele kudla ngatsi nangemasimi etfu. Tsine nelive letfu sitawuba tigcili taFaro. Siphe kudla kuze siphunge indlala, singafi; usiphe nenhlanyelo sitewuhlanyela emasimini etfu.”

2 Emakhosi 6:26

Inkhosi yaka-Israyeli yatsi yendlula ngendlela lesetulu elubondzeni, yeva umfati ayimemeta atsi: “Ngelekelele, nkhosi yami, nkhosi!”

Jeremiya 38:9

“Nkhosi yami, inkhosi, labantfu bente sento lesibi kabi kuJeremiya, umphrofethi. Sebamfake emgodzini lapho atawubulawa yindlala adzimate afe, ngobe sekute sinkhwa lapha edolobheni.”