Genesisi 43:9 - Siswati 1996 Bible

⁹ Mine ngitawuba sibambiso sakhe ngemphilo yami; nangabe ngingakabuyi naye la kuwe, licala laloko ngitawuletfwala ngize ngife.

Genesisi 43:9 Iomraidhean Croise

Genesisi 31:39

Ngisho naleti letatidliwe tilwane tesiganga ngangingatiletsi kuwe, kodvwa ngangivele ngitenane ngetami. Nawe wawuvele utifune kimi letebiwe emini nome ebusuku.

Genesisi 42:37

Rubeni waphendvula uyise watsi: “Nangabe Bhenjamini angikambuyisi, ubobulala lamadvodzana ami lamabili. Myekelele etandleni tami, ngitambuyisa kuwe.”

Genesisi 43:10

Kube asikabambeleleki nje, ngabe sesihambe saze sabuyela nakabili.”

Genesisi 9:5

Umuntfu lobulala lomunye umuntfu uyawujeziswa, nesilwane lesibulala umuntfu ngiyawusijezisa. Ngulowo nalowo uyawutilandza ngengati yalomunye.

2 Samuweli 14:9

Lomfati waseThekhowa waphendvula watsi: “Nkhosi yami, shangatsi licala lingabasetikwami nasetikwendlu yababe, kodvwa inkhosi netinceku tayo bangabi nacala.”

1 Emakhosi 1:21

Ngaphandle kwaloko, inkhosi itawutsi ingahamba iye kubakubo, mine nendvodzana yami, Solomoni, sitawuphatfwa njengemavukelambuso.”

Jobe 17:3

“Awu, Nkulunkulu! Ngihlawulele! Kodvwa ngubani nje lomunye longangimela?

Tihlabelelo 119:122

Yetsembisa kutsi utayisita inceku yakho, labatigabatisako bangete bangicindzetela.

Hezekeli 3:18

Nangikhuluma kumuntfu lomubi, ngitsi: ‘Nakanjani utakufa,’ wena-ke ungete wamecwayisa nome ukhulume kuye kutsi atiyekele tindlela takhe letimbi, khona utewusindzisa imphilo yakhe, lowo muntfu lomubi uyakufa ngenca yesono sakhe; mine-ke ingati yakhe ngiyakuyibita esandleni sakho.

Hezekeli 3:20

“Kantsi futsi, nangabe umuntfu lolungile ajika ekulungeni kwakhe ente lokubi, bese ngibeka intfo letamgila embikwakhe, yena uyakufa. Njengobe wena ungakamecwayisi, yena uyakufa ngenca yesono sakhe. Konkhe lokulungile lakwentile kungeke kukhunjulwe; mine-ke ingati yakhe ngiyakuyibita esandleni sakho.

Hezekeli 33:6

Kodvwa nangabe lomlindzi abona inkemba ita, angayishayi impalampala kwecwayisa bantfu, bese kuta inkemba idle munye wabo, lowo muntfu uyawususwa ngenca yesono sakhe, kodvwa ingati yalowo muntfu ngiyawuyibita kulowo mlindzi.’

Hezekeli 33:8

Nangikhuluma kumuntfu lomubi, ngitsi: ‘Awu wena muntfu lomubi, ngempela utakufa,’ wena-ke ungabe usakukhuluma loko kuye kutsi atiyekele tindlela takhe letimbi, lowo muntfu lomubi uyakufa ngenca yesono sakhe, mine-ke ngiyakuyibita kuwe ingati yakhe.

Lukha 11:50

Ngako yonkhe ingati yebaphrofethi leyacitfwa seloku kwasekelwa umhlaba iyawubitwa etikwalesitukulwane,

KumaHebheru 7:22

Nguloko-ke lokwenta kutsi Jesu abe sibambiso sesivumelwane lesincono.