Genesisi 39:14 - Siswati 1996 Bible

¹⁴ wamemeta lamadvodza lasebenta kulendlu watsi kuwo: “Ase nibheke! LomHebheru uletselwe kudlala ngatsi la. Ungingenele ekamelweni wangibamba afuna kulala nami. Ngesuka mine ngahlaba inyandzaleyo.

Genesisi 39:14 Iomraidhean Croise

Genesisi 10:21

NaShemi futsi, uyise wabo bonkhe bantfwana ba-Ebheri, umnakaboJafethi lomkhulu, watala bantfwana.

Genesisi 14:13

Lomunye waphunyuka wabaleka wayawubikela Abrama, umHebheru, labehlala ngasetihlahleni tema-okhi aMamre, um-Amori, umnakabo-Eshkoli na-Aneri. Bonkhe-ke laba bebabambisene na-Abrama.

Genesisi 39:13

Watsi kube abone lomfati kutsi Josefa sewuphunyulile, wamshiya nalengubo wabaleka waphuma,

Genesisi 39:15

Utsite kube eve kutsi ngihlaba umkhosi, wabaleka washiya nayi ingubo yakhe, waphuma la endlini.”

Genesisi 39:17

Yatsi kube ifike indvodza yakhe, wayitjela leyo ndzaba ngalokufananako, watsi: “Lesigcili semHebheru, losiletse la, emkhatsini wetfu, singene seta kimi satawudlala ngami.

Genesisi 39:7

Ngekuhamba kwesikhatsi umkaPhotifari wafisa Josefa, waze waphahluka watsi kuye: “Lala nami.”

Genesisi 40:15

Empeleni ngebiwa eveni lemaHebheru; kunjalo nje nakhona lapha eGibhithe kute lengikwentile lokubangele kutsi ngifakwe lapha ejele.”

Tihlabelelo 120:3

Nine labacala emanga, Nkulunkulu uyakwentani kini? Uyawunijezisa kanjani?

Tihlabelelo 35:11

Kuvumbuka bofakazi labanebudlova, bangibuta tintfo lengingatati.

Tihlabelelo 55:3

ngenca yekuva tinsongo tetitsa nencindzetelo yalababi, ngobe bangiletsele kukhatsateka. Tingiletsele kuhlupheka lokunyenti, tiyangitfukutselela tingibambele emagcubu.

Taga 10:18

Umuntfu lofihla inzondo yakhe unemanga, nalowo lowandzisa emanga usilima.

Isaya 51:7

“Ngilaleleni, nine lenati kutsi kuyini lokulungile, nine bantfu leninemtsetfo wami etinhlitiyweni tenu: Ningakwesabi kusolwa bantfu, ningetfuswa ngisho natinhlamba tabo.

Isaya 54:17

kute sikhali lesilolelwa kulwa nawe lesiyawuphumelela, uyakuyicitsa yonkhe inkhulumo lekubeka licala. Leli lifa letinceku taSimakadze, loku ngukona kutivikela kwami,” kusho Simakadze.

Hezekeli 22:5

Labo labasedvutane nalabo labakhashane kakhulu kuwe bayawukuphukuta, wena dolobha lelilihlazo naleligcwele siphitsiphitsi.

Matewu 26:59

Baphristi labakhulu neLiqoqo lonkhe baphenyisisa Jesu bafuna bufakazi lobungemanga, khona batewumlahla ngelicala lekufa.

Matewu 5:11

“Nibusisiwe nabanetfuka, banitingele, banihluphe, bakhulume konkhe lokubi ngani, banicalele emanga ngami.

Lukha 23:2

Base batsi: “Lomuntfu simbambe edukisa sive sakitsi, asitjela kutsi singatseli kuKhesari, atigabatisa ngekutsi yena unguKhristu, iNkhosi.”

2 kubaseKorinthe 6:8

Siyadvunyiswa, sihhalatiswe. Siyasolwa, sibongwe. Sitsatfwa njengebakhohlisi, kantsi sibeliciniso.

1 yaPhetro 2:20

Sikhona yini sibusiso lenifanele kusitfola, nanibeketelela kushaywa, ngobe nente lokubi? Kepha nanibeketelela kuhlushwa, ngobe nente lokuhle, Nkulunkulu utawunibusisa ngako.