Genesisi 27:39 - Siswati 1996 Bible

³⁹ Wamphendvula uyise, Isaka, watsi: “Umuti wakho ungeke ube nemvundvo, uyawuba khashane nematolo elizulu.

Genesisi 27:39 Iomraidhean Croise

Genesisi 27:27

Wasondzela, wamanga. Watsi nakaliva liphunga letimphahla takhe, wambusisa watsi: “Awu, liphunga lendvodzana yami linjengeliphunga lasetsafeni, litsafa lelabusiswa nguSimakadze.

Genesisi 27:28

Shangatsi Nkulunkulu angakunika ematolo asezulwini, avundzise nemasimi akho, akuphe inala yemabele neyeliwayini.

Genesisi 33:9

Kodvwa Esawu waphendvula watsi: “Cha, mnaketfu, nami senginalokunyenti; tigcinele wena loko lonako kube kwakakho.”

Dutheronomi 33:13

NgaJosefa wakhuluma watsi: “Simakadze akabusise live lakhe ngematolo laligugu asezulwini nangemanti lajulile langaphansi kwemhlaba.

Dutheronomi 33:28

Ngako Israyeli uyawuhlala aphephile, umtfombo waJakobe uvikelekile, eveni lemabele neleliwayini lelisha, lapho emazulu ehlisela khona ematolo.

KumaHebheru 11:20

Ngekukholwa Isaka wabusisa likusasa laJakobe na-Esawu.

Joshuwa 24:4

Isaka ngamupha Jakobe na-Esawu. Lelive letintsaba, iSeyiri, ngalabela Esawu, kodvwa Jakobe kanye nemadvodzana akhe bewuka baya eGibhithe.