Genesisi 27:35 - Siswati 1996 Bible

³⁵ Isaka wamphendvula watsi: “Umnakenu ufike wangiyenga, watsatsa sibusiso sakho.”

Genesisi 27:35 Iomraidhean Croise

Genesisi 27:33

Isaka wetfuka wachachatela kamatima wonkhe umtimba watsi: “Kantsi ngubani lona loletse inyama yenyamatane lapha kimi, ngayidla yonkhe ungakefiki wena, ngase ngiyambusisa? Ngempela utawubusiswa yena.”

Genesisi 29:25

Ekuseni ngakusasa Jakobe kwangukhona abona kutsi nguLeya. Jakobe waya kuLabani wafike watsi: “Yini lena longenta yona? Kantsi bengingasebenteli Rakheli yini? Manje ungilutseleni?”

2 Emakhosi 10:19

Manje-ke butsani bonkhe baphrofethi baBhali, nalabamkhontako, kanye nebaphristi bakhe, nibone kungasali ngisho namunye wabo, ngobe ngitakwenta lomkhulu umhlatjelo waBhali. Lowo loyawusala akayiwuchubeka aphila kuleli.” Kodvwa abebayenga nje, entela kubulala lababekhonta Bhali.

Jobe 13:7

Ingabe lobubi nibukhulumela Nkulunkulu yini? Yona lenkhohliso niyikhuluma egameni lakhe yini?

Jeremiya 9:4

“Caphelani bangani benu; ningabetsembi banakenu. Ngobe bonkhe bomnakenu banemanga, nabo bonkhe bangani bayayengana.

Malakhi 2:10

AsinaBabe munye sonkhe yini? Asidalwanga nguNkulunkulu munye yini? Pho, sisihlambalatelani lesivumelwane sabokhokho betfu ngekungetsembeki kwetfu lomunye kulomunye?

2 kubaseKorinthe 4:7

Kepha lamagugu lesinawo siwaphetse ngetitja telibumba. Loko kubonakalisa kutsi lamandla lamakhulu kangaka akasiwo etfu kepha ngaNkulunkulu.

1 kubaseThesalonika 4:6

Akubete lowonako aphambe umzalwane wakhe nome ngani, ngobe Nkulunkulu ungumphindziseli kuto tonkhe letintfo, njengobe saniyalisisa nje.